KELONG MALA'BIRI' 2:17 - KITTA' MATANGKASA'

¹⁷ sa'genna ammiri' anging bari'basaka napa'lanynya' sassanna bangngia. Ammotere' mako, tanringku, rapang kijang, rapang ana' jonga ri monconna Beter.

KELONG MALA'BIRI' 2:17 ပူးပေါင်းရင်းမြစ်များ

PANGNGEBARANG 5:19

iamintu tulolo sannaka ga'gana siagang laccirika sanrapang kijang. Boli'mi kamma kaga'gang tubuna tuli ampongoriko siagang nabengoko pangngainna.

KELONG MALA'BIRI' 2:7

A'janjiko, he sikamma tulolonna Yerusalem, lanri sikamma jongaya siagang kijanga ri parang, angkana talanugangguai passingaianga sa'genna nipassukku'.

KELONG MALA'BIRI' 4:6

Eroka' mange ri moncong muru', mange ri bulu' kamanynyang, sa'genna ammiri' anging bari'basaka, napa'lanynya' sassanna bangngia.

KELONG MALA'BIRI' 8:14

Tanringku, battu mako mae rapang kijang, rapang ana' jonga battua ri monconna Beter.

LUKAS 1:78

Baji' ati na mangngamaseang Bataraya; battui lanri erotta Napasalama'. Sanrapang mataallo ammumba ri bari'basaka,

ROMA 13:12

A'birimmi allalo bangngia; natasalloami nasingara'. Jari, baji' maki' ammari anggaukangi gau'-gau' sassanga. Parallui nipipakei kalenta sanjata singaraka.

IBRANI 10:1

Anjo hukkung agama Yahudia, poro pangngebarang bawang mae ri katte ri apa-apa baji' labattua; teaipi sitojennaya ri anjo passalaka. Taung-taungi tuli sakamma-kammana anjo koro'bang nipassareanga. Jari, antekamma batena lakkulle anjo hukkung kammaya siagang koro'bang kammaya ampasukkuki tangkasa'na tau battua anynyomba mae ri Allata'ala?

IBRANI 8:5

Anjo jama-jamang imang nagaukanga ke'nanga, sikontutojenna poro pangngebaranji siagang bayang-bayanji bawang mae ri apa niaka ri suruga. Anjo le'ba'mi Napau Allata'ala mae ri Musa riolo, iamintu ri wattunna lappaenteng KemaNa Batara Musa. Kammami anne kananNa Allata'ala mae ri Musa, “U'rangi! Yangasenna anjo musti nupareki situru' panrala' le'baka nipaccinikangko rate ri monconga.”

2 PETRUS 1:19

Iaminjo saba'na nakipila' tappa'mo pole ri anjo biritta battua ri Allata'ala napabattua na'bi-na'bia. Teai sipato' baji'na punna nuparhatikang anjo birittaya; nasaba' anjo birittaya sanrapangi singara'na lampua lalang ri tampa' sassanga sa'genna battu bari'basaka, siagang accaya bintoeng battu rayaya lalang ri atinnu.