KELONG MALA'BIRI' 2:14 - KITTA' MATANGKASA'

¹⁴ O, bodobangkengku niaki ri alla'na batua, ri paccokkoang tubiri'na moncong batua, boli'mi kamma kucini' tanja'nu, nakulangngere' sa'rannu, lanri ga'gai tanja'nu, na baji' sa'rannu.

KELONG MALA'BIRI' 2:14 ပူးပေါင်းရင်းမြစ်များ

AYUB 9:16

Ebara' angkana appiali punna akkioka', bata-bata', maka ero' tojenji ampilangngeri sa'rangku?

PAMMUJI 110:3

Ri allo battunu siagang koasa, ri bulu' matangkasa' ra'ya'nu maju siagang pa'mai' rella. Sanrapang saliu' ri bari'basaka, sikamma tau rungkaya battu mae ri kau.

PAMMUJI 22:3

O, Allata'alaku, akkioka' ri wattu allo, mingka tuli a'merekiKi'. Appala' doanga' ri wattu bangngi, mingka tena todong na sannang atingku.

PAMMUJI 45:11

He, Tulolo, pilangngeri kana-kanangku, kaluppaimi bansanu siagang bija pammanakannu.

PAMMUJI 45:12

Kaga'gannu angkontaki karaenga, ia karaennu, tundu' mako mae ri ia.

PAMMUJI 50:23

Tau assarea koro'bang sukkuru' salaku koro'banna, iami ampakalompoA', siagang mae ri tau appasadiaya oloang laKupicinikiangi kasalamakkang battua ri Nakke.”

PAMMUJI 68:13

“Larimi sikamma karaeng-karaenga siagang pasukanna!” Lari ke'nanga sanrapang jangang-jangang bodobangkeng a'lampa anri'ba'. Sikamma bainea ri balla' a'bage-bage pera' siagang bulaeng nabokoia ke'nanga. Manna najai tena namminawang a'bundu', mingka ammetami umma'Na Allata'ala.

PAMMUJI 74:19

TeaKi' passareangngi ummatTa tenaya pakkullena mae ri limanna musu pallaka. TeaKi' situlusutTa angkaluppai sarenna ummatTa ballasaka.

KALAPPASSANG 3:6

INakke minne Allata'alana boe-boenu, Allata'alana Abraham, Ishak, siagang Yakub.” Jari natongko'mi rupanna Musa, lanri malla'na anciniki Allata'ala.

PANGNGEBARANG 15:8

Natarimai Batara pappala' doanna tau bajika, mingka birisiki mae ri passarena tau ja'dalaka.

KELONG MALA'BIRI' 1:15

Teai sipato' ga'ganu, sayang, tojeng tamaka ga'ganu! Matannu, rapangi mata bodobangkeng.

KELONG MALA'BIRI' 1:5

Manna kule'leng, mingka ga'gai tanjakku, he tulolonna Yerusalem; le'leng rapang kema-kemana Kedar mingka ga'gai rapang gordeng-gordenna balla' lompona Salomo!

KELONG MALA'BIRI' 1:8

Masakang tanuassengai tampa'na, he tuga'gaya ri sikamma bainea? Pinawang mami bate bangkenna gimbalaka, na kalawakimi sikamma bembenu ri ampi' kemana sikamma pakalawakia.

KELONG MALA'BIRI' 5:2

Attinroa', mingka tattinroai nyawaku. Langngereki, a'de'deki pakke'bu' tanringku. Sungkeia' pakke'bu', andi', tanringku, bodobangkengku, nakate'neanga pa'maikku; basai ulungku napakamma saliu', uukku rassi atti'na saliu' bangngia.

KELONG MALA'BIRI' 8:13

He, tau ammantanga ri kokoa, eroki aganga allangngereki sa'rannu; pilangngeriamma' anjo sa'rannu!

YESAYA 51:3

Ikau Yerusalem, laKusaleoriko, siagang sikontu niaka ammantang ri alla'na rumbangannu. Sikamma parang kalotoro'nu Kupa'jari koko ga'ga, rapang Eden, koko coppongKu. Anjoreng taua larannui siagang ma'reja-rejai siagang appala' sukkuru' lalang kelong-kelong.

YESAYA 6:5

Nampa kukanamo, “Bala! Tenamo panrannuangku inakke, lanri ra'masa'na bawaku napakamma dosa, na kuammantang ri tangngana bansa kammaya todong cilakana. Mingka manna nakamma, mata kalengku anciniki Karaenga, iamintu Batara Kaminang Makoasaya!”

YESAYA 60:8

Apa kutadeng anjo allayanga rapang rammang rapang bodobangkeng anri'baka ammotere' ri tampa'na?

YEREMIA 48:28

Ikau pandudu'na Moab, bokoimi kota-kotanu siagang mange mako ammantang ri bulu'-bulu' batua rapang jangang-jangang bodobangkeng appareka ru'mung ri tubirika.

YEREMIA 49:16

Lanitipuko ri katampoannu. Tena lamalla' ri kau kamma nukapanga. Ammantangko ri alla'-alla'na batua, bella ri coppo'na monconga. Mingka, manna pole nupare' balla'nu ri tampa' tinggi dudua, sangkamma tinggina ru'munna jangang-jangang rajawalia, mingka laNapanaungko Batara battu anjoreng. Batara ampaui yangasenna anjo.”

YEHEZKIEL 7:16

Nia' sipa'gang lata'lappasa' nampa lari naiki ri pa'bulukanga. Anjoreng lasanrapangi ke'nanga jangang-jangang pune-pune nibongkaya battu ri ka'bunga; kabusu'na lakkunrarengi pa'risi' lanri dosa-dosana ke'nanga.

DANIEL 9:7

O Batara, tindakanTa tuli annabai siagang adeleki, mingka ikambe tonji tuli ampakasiriki kalenna ikambe, iamintu ikambe ngaseng ammantanga ri Yudea siagang ri Yerusalem, siagang sikontu julu bansana ikambe le'baka Kipasiara' mange ri pa'rasangang-pa'rasangang bellaya siagang ambania, lanri tenana namajarre' tappa'na mae ri Katte.

OBAJA 1:3

Nitipuko ri atinnu tampoa. Ibukotanu iamintu moncong batu makassa'; tampa' pammantangannu iratei ri coppo'na moncong tinggia. Lanri kammana anjo nakanamo pikkirannu, ‘Inai todong lakkulle antu'gurangki'?’

MATIUS 10:16

“Parhatikangi anne: Sanrapangko gimbala' tenaya pakkullena Kusuro antama' ri tangnga-tangngana kongkong romang sekkeka. Jari paralluko tutu sanrapang ularaka siagang tuna pa'mai' sanrapang jangang-jangang bodobangkenga.

MATIUS 3:16

Le'baki nije'ne', assulu'mi Isa battu ri je'neka ri anjo binangaya. Ti'ring tassungkemi langika, nampa nia'mo Nacini' Isa RohNa Allata'ala manurung sangkamma jangang-jangang bodobangkeng, battu attompo' irateanganNa.

EFESUS 5:27

Battu ri kammanami anjo naNapaenteng baji'mo siagang matangkasa'mo anjo jama'aka ri dallekanNa, tena sikali panra'na yareka tena sikali callanna manna sike'de'.

KOLOSE 1:22

Mingka kamma-kamma anne, Napa'jari baji'mi ammotere' passisambungannu siagang KalenNa, lanri kamateanNa Ana'Na. Kammami anjo carana nukkulle nierang mange andallekang siagang malanynying, matangkasa' siagang tena callanu ri dallekanNa Allata'ala.

IBRANI 10:22

Lanri kammana, mae mako nakia'reppese' ri Allata'ala siagang tulusu' pa'mai' kammayatompa tappa' majarre'; siagang pa'mai' le'baka nitangkasi battu ri kasalanga, kammayatompa tubu le'baka nitangkasi je'ne' maci'nong.

IBRANI 4:16

Lanri kammana, mae mako nakipa'baraniang kalenta andallekang ri Allata'ala, baji' pa'maika ammarenta. LaNakamaseangki' siagang laNabarakkakiki' Allata'ala sollanta akkulle anggappa pannulung ri sitabanna le'ba' wattunna.

1 PETRUS 3:4

Mingka, anjo kaga'gannu parallui battu lalang ri ati mailalannu, battu ri panggaukang baji'nu, siagang tunanu ri pa'mai'; yangasemmi anjo kaga'gang satunggu-tunggua, sannaka lompona anggaranna ri paccini'Na Allata'ala.

YUDAS 1:24

Allata'ala, Makoasaya anjagaiko sollanna tena nutu'guru' siagang Makoasaya angngerangko mae ri dallekang mala'biri'Na siagang rannu kammayatompa tena callannu,

PAPPICINI' 5:8

Ri wattu appakammana anjo Ana' Gimbalaka, su'ju'mi naung anjo appaka anu attallasa' siagang anjo ruampuloa angngappa' pamimping ri dallekanNa anjo Ana' Gimbalaka. Massing anna'galaki kacaping siagang mangko' bulaeng niaka kamanynyanna anjo ke'nanga, iamintu pappala' doanganna Umma'Na Allata'ala.