KELONG MALA'BIRI' 2:10 - KITTA' MATANGKASA'

¹⁰ Pilangngeri, a'bicarai tanringku mae ri nakke. Battu mako sayangku, mae mako tuga'gaku!

KELONG MALA'BIRI' 2:10 ပူးပေါင်းရင်းမြစ်များ

2 SAMUEL 23:3

Le'baki a'bicara Allata'alana Yakub; Nakana pannulunna tu Israel ri nakke: “Karaeng ammarentaya ri ra'ya' lalang kaadelang ampimpingai mappilangngeri mae ri Batara,

PAMMUJI 85:8

Kipa'nyatai angkana tuli mangngamaseangKi', o Batara, Kisare laloi kasalamakkang ikambe.

KELONG MALA'BIRI' 1:15

Teai sipato' ga'ganu, sayang, tojeng tamaka ga'ganu! Matannu, rapangi mata bodobangkeng.

KELONG MALA'BIRI' 1:9

Tanringku, ikau rapang jarang gana ambesoki karetana karaeng Mesir.

KELONG MALA'BIRI' 2:11

Ciniki, allalomi wattu dinginga, wattu bosia allalomi.

KELONG MALA'BIRI' 2:13

Appakkaramulami a'rappo poko' araya, a'rasami bau'na bunga poko' anggoroka. Battu mako sayangku, mae mako tuga'gaku.

KELONG MALA'BIRI' 2:8

Pilangngeri! Niaki battu tanringku! Rapangi ana' jonga yareka kijang. A'lumpa'-lumpa' ri moncong, a'lumpa'-lumpa' ri bulu'. Ciniki, niaki ammenteng ri bokona temboka, a'boya-boyai matanna; attoa' battu ri taralina jandelaya.

KELONG MALA'BIRI' 5:2

Attinroa', mingka tattinroai nyawaku. Langngereki, a'de'deki pakke'bu' tanringku. Sungkeia' pakke'bu', andi', tanringku, bodobangkengku, nakate'neanga pa'maikku; basai ulungku napakamma saliu', uukku rassi atti'na saliu' bangngia.

YEREMIA 31:3

battu bella Kupappicinikangi KalengKu mae ri ke'nanga. He umma' Israel, battu rioloji naKukamaseangko, siagang situlusu'na tuli laKupicinikiangko angkanaya tuli mangngamaseangA' mae ri kau.

MATIUS 9:9

Le'baki anjo a'lampami Isa ambokoi anjo tampaka. Lalang a'jappaNa, nia'mo Nacini' sitau pasingara' sima niarenga Matius, sitabang ammempo lalang ri kantoro'na. Nakanamo Isa ri ia, “Maeko amminawang ri Nakke!” Ammentemmi Matius nampa amminawang ri Isa.

2 KORINTUS 11:2

Nakkuka' mae ri kau ngaseng, sangkamma KalenNa Allata'ala nakku' tongi mae ri kau ngaseng. Sanrapangko se're tulolo, le'bakamo kujanji lakupa'nikka siagang sitau bura'ne, iamintu Almasi.

PAPPICINI' 22:17

Nakanamo RohNa Allata'ala siagang Bunting Bainea, “Mae mako!” Sikamma allangngerekai musti angkana tongi, “Mae mako!” Inai-nai turere, battu mako mae! Siagang inai-nai ero' mae mako angngalle cuma-cuma je'ne' katallassang!