KELONG MALA'BIRI' 1:8 - KITTA' MATANGKASA'

⁸ Masakang tanuassengai tampa'na, he tuga'gaya ri sikamma bainea? Pinawang mami bate bangkenna gimbalaka, na kalawakimi sikamma bembenu ri ampi' kemana sikamma pakalawakia.

KELONG MALA'BIRI' 1:8 ပူးပေါင်းရင်းမြစ်များ

PAMMUJI 16:3

Kupakalompoi sikamma tu matangkasaka ri anne pa'rasanganga; pangngaingku iamintu ammantanga siagang ke'nanga.

PAMMUJI 45:11

He, Tulolo, pilangngeri kana-kanangku, kaluppaimi bansanu siagang bija pammanakannu.

PAMMUJI 45:13

Pandudu'na Tirus angngerangi passare mae ri kau; tu kalumanynyanga ero'mi naboya pa'mai'nu.

PANGNGEBARANG 8:34

Mate'nei tau mappilangngeria ri nakke tunggala' alloa ammempo antayanga' ri pakke'bu' ballakku, tuli a'jaga-jagaya ri pakke'bu' lompona pammantangangku.

KELONG MALA'BIRI' 1:15

Teai sipato' ga'ganu, sayang, tojeng tamaka ga'ganu! Matannu, rapangi mata bodobangkeng.

KELONG MALA'BIRI' 2:10

Pilangngeri, a'bicarai tanringku mae ri nakke. Battu mako sayangku, mae mako tuga'gaku!

KELONG MALA'BIRI' 4:1

Ikau sanna' ga'ganu, sayangku, tojeng, ikau sanna' ga'ganu. Matannu ri bokona bongonnu rapang mata bodobangkeng; uu'nu rapang nicini' pa'gompoang bembe niaka naung battu ri Bulu' Gilead.

KELONG MALA'BIRI' 4:10

Tamaka baji'na tanrinnu, andi', buntingku, bella baji'na na anggoroka. Mabau' sikali minynya'-minynya'nu, la'biangngang na sikamma rasanna rampa-rampaya.

KELONG MALA'BIRI' 4:7

Ikau ga'ga sikaliko, sayangku, tena calla ri kalennu.

KELONG MALA'BIRI' 5:9

Apaka la'biangngangi tanrinnu na tanring-tanring maraenga, he tulolo kaminang ga'gaya? Apaka la'biangngangi tanrinnu na tanring-tanring maraenga, sa'genna nusuro ikambe a'janji?

KELONG MALA'BIRI' 6:1

Kemae lampana tanrinnu, he tulolo kaminang ga'gaya? Kemae lampana tanrinnu, sollanna amminawang todong ikambe a'boya?

YEREMIA 6:16

Nakana Batara ri umma'Na, “Ammentengko ri sikamma panyingkulu'na aganga, siagang parhatikangi baji'-baji'! Pakkuta'nangngangi sikamma agang-agang riolo-rioloa, siagang kereanga kaminang baji' anjo aganga. Pinawammi anjo aganga, sollanna sannang katallassannu.” Mingka angkanai ke'nanga, “Tena, tena naero' ikambe ampinawangi anjo aganga!”

YOHANES 21:15

Le'baki ke'nanga angnganre, Nakanamo Isa ri Simon Petrus, “Simon, ana'na Yona, maka lompoangangi pangngamaseannu mae ri Nakke na pangngamaseanna anne ke'nanga mae ri Nakke?” Appialimi Petrus nakana, “Kammatojengi Batara, Kiassengi angkanaya kukamaseangKi' Batara.” Nakanamo Isa ri ia, “Parakaimi ana'-ana' gimbalakKu.”

1 KORINTUS 11:1

Iaminjo conto battu ri nakke mae ri kau. Mingka inakke conto battu tonji ri Almasi kupinawang.

EFESUS 5:27

Battu ri kammanami anjo naNapaenteng baji'mo siagang matangkasa'mo anjo jama'aka ri dallekanNa, tena sikali panra'na yareka tena sikali callanna manna sike'de'.

IBRANI 13:7

Teako kaluppai sikamma pamimpinnu, ampabattuai pappasanNa Allata'ala mae ri kau. Parhatikangi antekamma batena attallasa' siagang antekamma batena mate ke'nanga, kammayatompa contoimi katappakkanna ke'nanga.

IBRANI 6:12

Tena kikellaiko a'jari malasa'. Mingka kikellaiko sollannu attallasa' sangkamma tau antarimayai apa Napa'janjianga Allata'ala, lanri tappa'na mae ri Ia, siagang lanri sa'bara'na attayang.

YAKOBUS 2:21

Ciniki anjo boe-boeta Abraham. Nitarima bajiki ri Allata'ala lanri panggaukanna, iamintu ri wattunna napassareang ana'na, iamintu Ishak, mae ri Allata'ala irate ri tampa' pakkoro'bangnganga.

YAKOBUS 2:25

Cini' tongi anjo Rahab, iamintu baine pasundalaka. Nitarima bajiki ri Allata'ala lanri panggaukanna, iamintu ri wattunna natarima ri balla'na mata-matana bansa Israelka siagang natulunna ke'nanga lari ri oloang maraenga.

YAKOBUS 5:10

Sikamma sari'battangku, u'rangi na'bi-na'bi a'bicaraya lalang arenNa Batara. Sa'baraki ke'nanga angkasiaki kasessanga. Jari angngalle mako conto mae ri ke'nanga.

1 PETRUS 3:6

Kamma tomminjo Sara, mappilangngeri mae ri Abraham siagang akkio' tuangi mae ri Abraham. Ikau kamma-kamma anne ana'-ana'na ngaseng tommaka Sara, punna nugaukang apa-apa bajika siagang tena sikali numalla'-malla' manna pole ri apa-apa mamo.