KELONG MALA'BIRI' 1:15 - KITTA' MATANGKASA'

¹⁵ Teai sipato' ga'ganu, sayang, tojeng tamaka ga'ganu! Matannu, rapangi mata bodobangkeng.

KELONG MALA'BIRI' 1:15 ပူးပေါင်းရင်းမြစ်များ

KELONG MALA'BIRI' 1:16

Ikau gammara', sayang, tojeng tamaka gammara'nu! Ruku' moncongbuloa katinroanta.

KELONG MALA'BIRI' 1:8

Masakang tanuassengai tampa'na, he tuga'gaya ri sikamma bainea? Pinawang mami bate bangkenna gimbalaka, na kalawakimi sikamma bembenu ri ampi' kemana sikamma pakalawakia.

KELONG MALA'BIRI' 1:9

Tanringku, ikau rapang jarang gana ambesoki karetana karaeng Mesir.

KELONG MALA'BIRI' 2:10

Pilangngeri, a'bicarai tanringku mae ri nakke. Battu mako sayangku, mae mako tuga'gaku!

KELONG MALA'BIRI' 2:13

Appakkaramulami a'rappo poko' araya, a'rasami bau'na bunga poko' anggoroka. Battu mako sayangku, mae mako tuga'gaku.

KELONG MALA'BIRI' 4:1

Ikau sanna' ga'ganu, sayangku, tojeng, ikau sanna' ga'ganu. Matannu ri bokona bongonnu rapang mata bodobangkeng; uu'nu rapang nicini' pa'gompoang bembe niaka naung battu ri Bulu' Gilead.

KELONG MALA'BIRI' 4:10

Tamaka baji'na tanrinnu, andi', buntingku, bella baji'na na anggoroka. Mabau' sikali minynya'-minynya'nu, la'biangngang na sikamma rasanna rampa-rampaya.

KELONG MALA'BIRI' 4:7

Ikau ga'ga sikaliko, sayangku, tena calla ri kalennu.

KELONG MALA'BIRI' 5:12

Matanna rapangi mata bodobangkeng ri timbuseng je'ne', bodobangkeng a'je'ne' dadi', ammempo ri biring kollang.

KELONG MALA'BIRI' 5:2

Attinroa', mingka tattinroai nyawaku. Langngereki, a'de'deki pakke'bu' tanringku. Sungkeia' pakke'bu', andi', tanringku, bodobangkengku, nakate'neanga pa'maikku; basai ulungku napakamma saliu', uukku rassi atti'na saliu' bangngia.

KELONG MALA'BIRI' 6:10

Inaika anjo battu mae, rapang allo ammumbaya, sangga'ga bulang cora, singara' kamma allo? Sanna' angngallena pa'mai', rapang tantara siagang bandera-banderana.

KELONG MALA'BIRI' 6:4

Ikau ga'ga, sayangku, sangga'ga kota Yerusalem, sambaji' kota Tirzah. Sanna' angngallenu pa'mai', rapang tantara siagang bandera-banderana.

KELONG MALA'BIRI' 7:6

Tamaka ga'ganu, kaminang ningaia ri sikamma ningaia.

KELONG MALA'BIRI' 7:7

Tubunu sangkammai gammara'na poko' korma, susunnu rapang barrisi'na rapponna.

MALEAKHI 2:14

Akkuta'nangko angkana angngapa Nataeroka antarimai. Lanri Naassenna Batara angkanaya tena najarre' pa'mai'nu mae ri baine nunikkaiya ri wattu rungkanu. Anjo bainea julu tallasa'nu, mingka amminrami pa'mai'nu mae ri ia, manna pole le'ba' mako para a'janji ri dallekanNa Allata'ala latuli majarre' mae ri ia.