KATO'BA 9:3 - KITTA' MATANGKASA'

³ Jari, sare sangkamma tonji antujui ke'nanga ngaseng. Na anjo passalaka appakasi'nai pa'mai', sangkamma todong sikontu kaja'dallanga ri lino. Lalang tallasa'na rupataua, rassi ka'ja'dallang atinna, siagang pikkiranna rassi todong katoloang. Nampa ti'ring narapi'mo a'jala'na.

KATO'BA 9:3 ပူးပေါင်းရင်းမြစ်များ

PA'JARIANG 6:5

Naciniki Batara antekamma ja'dala'na sikamma rupataua ri lino. Tuli ja'dala'na ngaseng pikkiranna ke'nanga.

PA'JARIANG 8:21

Sannammi pa'mai'Na Batara angngaraki rasa mabau'na anjo koro'banga, na Nakanamo lalang ri pa'mai'Na, “Tenamo nalaKutunrai anne linoa lanri panggaukanna rupataua; Kuassengi angkanaya battu ri wattu lolonaiji naja'dala'mo pikkiranna anjo rupataua. Tenamo nalaKuancuru' pole sikontu apa-apa attallasaka sangkamma anne apa beru le'baka Kugaukang.

AYUB 15:16

Sarroangampa rupatau panraka siagang ra'masaka, angnginunga kaja'dallang sanrapang angnginung je'ne'.

AYUB 21:26

Mingka ri jeraka, para anra'bai ke'nanga; nikatulung ri olo' siagang gallang-gallang.

PAMMUJI 51:5

Saba' kuakui sikamma kasalangku, tuli kuu'ranginna dosaku.

PAMMUJI 64:7

A'rancanai ke'nanga kaja'dallang, siagang nakana, “Appareki ikambe rancana sannaka porena”. Sanna' lantanna atinna siagang pa'mai'na rupataua, takkulleai nitappu.

PANGNGEBARANG 14:32

Tau ja'dalaka panraki lanri kaja'dallanna, tau bajika nijagai lanri kalambusanna.

KATO'BA 1:17

Jari attojeng-tojemma' ero' angngassengi passisalanna nikanaya pangngassengang siagang kadongokang, nikanaya kacara'dekang siagang katoloang. Mingka a'nassami angkanaya inakke anne sanrapanga' poro tau angngondanga anging.

KATO'BA 12:7

Tubuta lammotereki, a'jari limbu'bu ri buttaya Nappasa' tallasatta lammotereki mae ri Allata'ala. Ia assareki' a'jari passare kalammoranNa.

KATO'BA 2:14

Tau cara'deka akkullei nacini' oloang lanatujua; tao toloa rapang angngosalaki ri pa'jappanna.” Mingka kuasseng tongi angkanaya sangkammaji sare lanagappaya ngaseng ke'nanga.

KATO'BA 7:2

Bajikangngangi a'lampaya mange ri balla' kasusaanga naia mangea ri balla' passua'-suarranga. Saba' musti tuli niu'rangi angkanaya attayangi kamateanga mae ri tunggala' taua.

KATO'BA 7:25

Mingka na'naka' appilajara' siagang a'boya pangngassengang, sollanna kugappa kacara'dekanga siagang kugappa pialinna sikamma pakkuta'nang niaka. Kucobai ampahangi angkanaya anjo dosaya katoloang, siagang anjo kaja'dallanga katerassang pa'mai'.

KATO'BA 8:11

Angngapa nagampang kamma taua anggaukangi kaja'dallanga? Lanri tenana nalinta' nipitabai hukkungang.

KATO'BA 9:11

Nia' pole kucini' ri anne linoa: teai tuli kaminang gassinga lari ammeta ri pa'lumbanga, teai tuli tau kassaka ammeta ri pa'bundukanga. Tena natuli anggappa pa'boya-boyang tau cara'deka. Na tau taranga pikkiranna tena natuli anggappa kakalumanynyangang. Kammayatompa natuli masahoro' tau porea. Saba' manna inai akkulle tonji natuju dalle' siala'.

KATO'BA 9:2

Memang, nia' sare sangkamma lantuju ngasengi taua: Tau lambusuka yareka tau ja'dalaka, baji' natau bajika kammayatompa tau kodia, tau tangkasaka yareka tau rantasaka, tau assarea koro'bang yareka tenaya. Tau bajika tena naupakkangngang na tau dorakaya, tau assumpaya siagang tau tenaya naero' assumpa sangkammaji.

KATO'BA 9:4

Mingka lalang nia'na ija tallasaka ri batangkalea, lalanna anjo nia' panrannuang. Sai la'bi te'neangngangi nasa'ring kongkong attallasaka kala singa tenaya nyawana?

YEREMIA 16:12

Mingka ikau la'bi ja'dallangngangi pole apa nugaukanga. Kapala batuko siagang ero' kalennu bawang ja'dalaka nuturukiang. Taerokako mannuruki ri Nakke.

YEREMIA 17:10

INakke, Batara, ansalidiki atia, Kuso'ri pa'mai'na rupataua. Tunggala' taua laKubalasaki situru' panggaukanna siagang Kugauki situru' panggaukanna.”

YEREMIA 17:9

Atinna rupataua takkulleai nikira-kira kaminang cara'de' ri yangasenna niaka siagang sanna' sikalia garrinna.

LUKAS 15:17

Kale'bakkanna nasassala'mi kalenna, na nakana lalang nyawana, ‘Tau anjama-jamaya ri manggeku kala'biangi ri kanre, nampa inakke anrinni lamate naallea' cipuru'!

LUKAS 6:11

Mingka sanna'mi larrona guru-guru agamaya siagang tu Farisia. Sipa'bicarami ke'nanga a'boya cara angkanaya apa akkulle nagaukang ke'nanga mae ri Isa.

LAMPA-LAMPANA 12:23

Mingka anjo wattua battumi malaeka'Na Batara antempaka'rangi Herodes, lanri tenana nahargai Allata'ala. Nikanremi Herodes ri gallang-gallang nampa mate.

LAMPA-LAMPANA 26:11

A'mole-mole sikali kusessa ke'nanga ri sikamma balla' sambayanga, lanri ero'na kupassa ke'nanga ambokoi anjo apa napatappaka ke'nanga. Lanri bambanna nyawaku mae ri ke'nanga, sa'genna manna mange ri kota-kota maraenga a'lampa tonja' angngondangi ke'nanga anjoreng.”

LAMPA-LAMPANA 26:24

Lalang a'bicara kammana Paulus ampakasingaraki kalenna, ammarrammi Festus nakana, “Pongoro' mako antu Paulus! Napa'jari pongoro' mako anjo pangngassengannu jai dudua!”

TITUS 3:3

Nasaba' ikatte riolo dongo' tonjaki', lingu tonjaki' siagang tena tonja nimappilangngeri. Nipare' ataki' ri a'rupa-rupaya hawa napasuta siagang kacinnanta; a'rupa-rupai ero' ja'dalatta, assereatiki', siagang sikabiri'-birisiki'.

2 PETRUS 2:16

Mingka niterassimi nipakainga' lanri kaja'dallanna, iamintu ri wattunna akkulle a'bicara kamma tau, keledaina. Jari nipassami anjo na'bia sollanna nammari anggaukangi anjo panggaukang pongoroka.