KATO'BA 7:9 - KITTA' MATANGKASA'

⁹ Teako linta' dudu larro; tau toloaji bawang ammoli' larro.

KATO'BA 7:9 ပူးပေါင်းရင်းမြစ်များ

PA'JARIANG 4:8

Nampa nakana Kain mae ri Habel, andi'na, “Umba nakia'lampa mange ri kokoa.” Battui ke'nanga mange anjoreng, nabakkaimi na nabuno anjo andi'na Habel.

2 SAMUEL 13:22

Naboli'-boli'mi larro duduna Absalom mae ri Amnon siagang taerokami angngagangi akkana lanri le'ba'na nagau' sala andi'na iamintu Tamar.

2 SAMUEL 13:28

Naparentakammi mae ri sikamma ata-atanna angkana, “Parhatikangi baji'-baji', punna nasa'rimmo Amnon angnginung anggoro', lakusareko pammatei nampa nubuno. Teako mallakki. Inakke antanggongi anne passalaka. Pa'baraniangi kalennu anggaukangi siagang teako bata-batai.”

2 SAMUEL 13:32

Mingka Yonadab ana'na Simea daenna Daud nakanamo, “Karaeng, teaki' lussakki siagang teaki' pikkiriki angkanaya mate ngasemmi ana' bura'neta. Poro Amnon bawang mate, nasaba' singara'mi angkanaya iaminjo nakaerokia Absalom baku' le'ba'na Tamar andi'na nipassa nigau' bawang ri Amnon.

2 SAMUEL 19:43

Appialimi tu Israel angkana, “Ha'na ikambe mae ri karaenga a'lappi sampuloi lompona naha'nu ngaseng, manna pole nanusibija anjo karaenga. Angngapa nanucini' rawa kamma anne ikambe? Teako kaluppai angkanaya ikambemi uru-uru angngussuluki sollanna ia a'jari karaeng ammotere'!” Mingka la'bi terassangngangi nyawana tu Yehuda na tu Israel siagang taerokai nibeta ke'nanga.

PANGNGEBARANG 14:17

Tau nangaia larro dongoki panggaukanna; tau cara'deka sa'baraki sipa'na.

PANGNGEBARANG 14:29

Tau cara'deka talintakai larro; tau dongoka takkulleai nalewai kalenna.

PANGNGEBARANG 16:32

Bajikangngangi tenaya nilinta' larro, kala anna'gala' koasa; bajikangngangi nilewaia kalea, kala ammeta se're kota.

PANGNGEBARANG 25:8

Teako akkaro-karo dudu angngerangi parkaranu mange ri pangadelang; saba', punna kale'bakkanna a'nyatai angkana ikau sala, apapi pole akkulle nugaukang?

KATO'BA 7:10

Teako akkuta'nangngi angkana, ‘Angngapa nabajikangngang jammang riolo na jammang kamma-kammaya anne?’ Tau toloaji akkuta'nang kamma.

YUNUS 4:3

Kamma-kamma anne, o Batara, boli'ma' kamma mate, nasaba' bajikangnganga' matea naia attallasaka.”

YUNUS 4:8

Ri wattunna ammumbamo alloa, appabattumi Allata'ala anging bambang ammirika battu iraya. Sike'de' mami natenamo nangngu'rangi Yunus lanri nitujuna ri singara'na alloa, sangkammai angkanaya natunui ulunna. Tappu' panrannuammi siagang ero'mi mate. Nakana, “Bajikangngangi matea nattallasaka!”

YUNUS 4:9

Mingka Nakana Allata'ala ri ia, “Tena nusiratang si'na kamma anjo passabakkang anjo lamung-lamunga!” Appialimi Yunus angkana, “Angngapa natena? Siratanga' larro sikali sa'gengku mate.”

MARKUS 6:19

Iaminjo saba'na nanipammoli'-molikammo Yohanes ri Herodias. Eroki nabuno, mingka tanakulleai anggaukangi nasaba' tuli nihalangi ri Herodes.

MARKUS 6:24

Jari assulu'mi anjo tuloloa mae akkuta'nang ri amma'na nakana, “Amma', apa baji' kupala'?” Appialimi amma'na nakana, “Pala'mi ulunna Yohanes Paje'ne'.”

YAKOBUS 1:19

Sikamma sari'battangku, sannaka kukarimangnginna! Parhatikangi anne baji'-baji'! Sikontu taua musti lintaki mappilangngeri, mingka tena nakkaro-karo ero' a'bicara siagang tena nalinta' larro.