KATO'BA 6:3 - KITTA' MATANGKASA'

³ Manna pole nania' sibilangngang ana'na se'rea tau, siagang attallasaki sa'genna toa umuru'na, mingka tena namate'ne nakasia' siagang tena todong nanggappa pa'jerakkang siratannaya; jari turu' panggappaku, bajikangngangi sarenna ana' lolo matea ri lassu'na kala sarenna anjo taua.

KATO'BA 6:3 ပူးပေါင်းရင်းမြစ်များ

PA'JARIANG 33:5

Ri wattunna nacini' Esau sikamma anjo bainea siagang ana'-ana'na, akkuta'nammi angkana, “Inai anjo ke'nanga niaka nuagang?” Appialimi Yakub angkana, “Anakku ngaseng ke'nanga. Nasarema' ana' Allata'ala.”

PA'JARIANG 47:9

Appialimi Yakub angkana, “Sibilangngammi antallumpulo taung attallasa' atanta, a'jari tupalampa mange-mange. Punna nipasinrapangi siagang umuru'na boe-boena atanta a'jaria tupalampa mange-mange, anne katallassanna atanta jai kasukkarranna siagang bodoji umuru'na.”

2 KARAENG-KARAENG 10:1

Nia' tujupulo tau ana' cucunna Ahab ammantang ri kota Samaria. Lanri kammana anjo akkirimmi sura' Yehu mange ri Samaria, iamintu mae ri sikamma tau a'jari tutoaya mae ri ana' cucunna Ahab, kammayatompa mae ri sikamma tau anna'galaka pamarentahang siagang tutoa-toana tau jaia ri anjo kotaya. Kammaminne bonena anjo suraka,

2 KARAENG-KARAENG 9:35

Mingka ri wattunna a'lampa taua ero' angngallei maya'na untu' lanatarawang, buku-bukunna mami narapikang ke'nanga, iamintu ka'daro ulunna na, buku-buku limanna siagang buku-buku bangkenna.

1 PATTOTTORANG 28:5

Nasarea' jai ana', na battu ri sikontua anakku Napilemi Salomo untu' ammarenta ri Israel, kakaraenganNa Batara.

2 PATTOTTORANG 11:21

Nia' 18 bainenna Rehabeam siagang 60 baine piarana, 28 ana' bura'ne siagang 60 ana' baine. Battu ri anjo sikontu bainenna siagang baine piarana, ia kaminang nangaia iamintu Maakha.

ESTER 5:11

Nampa akkana borromo Haman ri ke'nanga siagang napattampo-tampoammi kakalumanynyangnganna, jaina ana' bura'nena, porena empoang natarimaya battu ri karaenga, kammayatompa bellana tinggina pangka'na napagawe-pagawe maraengannaya.

ESTER 7:10

Kammaminjo nanigentummo Haman ri panggentungang le'baka napare' untu' anggentungi Mordekhai. Le'bappi anjo nampa naung larrona karaenga.

AYUB 3:11

Angngapa kutamatea lalang ri battanna ammakku, yareka tappu' nyawaku ri wattungku nilassukang?

AYUB 3:16

Angngapa natena memang natappu' nyawaku ri wattungku nilassukang sollanna nyamang siagang sannang tinroku?

PAMMUJI 58:8

Boli'mi kamma lanynya' ke'nanga sanrapang je'ne' a'rumbua, sanrapang ana' pana pokkolokamo.

PANGNGEBARANG 17:6

Kalompoang pa'mai'na tau toayamo, iamintu ana' cucunna; kalompoang pa'mai'na ana'-anaka, iamintu tau toana.

KATO'BA 4:3

Mingka la'bi mate'neangnganga pole, iamintu tau tenayapa nilassukangi, lanri tenanapa naciniki ke'nanga kaja'dallang nigaukanga ri anne linoa.

KATO'BA 6:4

Saba' tena na'jari passala' mae ri anjo ana' loloa angkanaya apaka nilassukangi yareka tena; a'lampai antama' ri sassanga, nampa linta'mo nikaluppai.

YEREMIA 22:19

Lanire'resangi Yoyakim nampa nipasambila assulu' battu ri pakke'bu' lompona Yerusalem, sangkamma nagaukanga taua mae ri keledai matea.”

YEREMIA 36:30

Lanri kammana anjo, iNakke, Batara, akkana ri kau, he Karaeng Yoyakim, angkanaya tena manna sitau battu ri jari-jarinu lammarenta salaku karaeng jari-jarina Daud. Maya'nu lanipasambilai assulu', nitaba ri bambang allo ri wattu singara'na alloa, siagang nituju ri saliu' dinging ri wattunna bangngi.

YEREMIA 8:2

teai untu' nipasse're nampa nitarawang ammotere', passangalinna untu' nibalang parekang ri buttaya sangkamma loro. Sikamma buku-bukunna anjo taua latassiaraki ri dallekanna mataalloa, bulanga siagang sikamma bintoeng napareka rewata ke'nanga, nangaia, nalayania, nasombaya, siagang napappalakkia pitunju'.

MATIUS 26:24

Mingka lamate memang tonji Ana' Ma'rupataua, kamma le'ba' tattulisika lalang ri Kittaka. Mingka cilakami anjo tau eroka ambalukangi Ana' Ma'rupataua! Bajikangngangi punna sikali tena nale'ba' nilassukang anjo tau kammaya.”