KATO'BA 4:1 - KITTA' MATANGKASA'

¹ Nampa kuparhatikang pole sikamma apa tenaya naadele', ia kajarianga ri anne linoa. Angngarruki tau nijallakkanga, natena tau ero' antulungi ke'nanga. Tena manna sitau ero' ambantui, lanri lompona koasana anjo sikamma tau anjallakkangai ke'nanga.

KATO'BA 4:1 ပူးပေါင်းရင်းမြစ်များ

KATO'BA 3:16

Nia' pole kucini' ri anne linoa: kemae mustina nia' kaadelang siagang kabajikang, anjoremmi nia' kaja'dallang.

KATO'BA 5:8

Ba'lalo manna karaenga tanjeng tongi mae ri wassele' kattoa.

YESAYA 5:7

Saba' koko anggoro'Na Batara Kaminang Koasaya iamintu umma' Israel, siagang tu Yehuda iami poko' anggoro' Nalamunga. Battu ri ke'nangami Naminasai kaadelanga, mingka kapallakkanji napa'nia'. Naminasai ke'nanga appaenteng katojengang, mingka karru'ji appala' kaadelang napanai'.

YAKOBUS 5:4

Tanubayarrai gajina sikamma tungnganre gajia ri kokonnu. Kamma-kamma anne pilangngerimi kunrarenna ke'nanga! Sikamma tau ampasse'reai wassele'na kokonnu akkiok-kio'mi appala' tulung mae ri Allata'ala; siagang Nalangngere'mi Allata'ala, Batara Kaminang Koasaya anjo pakkio'na ke'nanga.

MATIUS 26:56

Mingka lakajariang ngaseng memanji anne kammaya, sollanna a'rupamo apa le'baka natulisi' na'bi-na'bia lalang ri Kittaka.” Le'baki anjo, apaji nalari ngasemmo ana'-ana' gurunNa Isa, a'lampa ambokoi.

MALEAKHI 3:5

Nakana Batara Kaminang Koasaya, “LabattuA' mae ri kau ngaseng untu' angngadeli. LabattuA' linta' anjari sa'bi mae ri pabale'-bale' mataya, sikamma tau a'gau' bawanga, pasa'bi balle-ballea, a'gau' jekkonga ansarei gajina tau angnganre gajia, tau anjallakkangai sikamma jandaya, ana'-ana' kukanga, siagang bansa maraeng battua annompang, mae ri sikontu tau tenaya napakala'birikKa'.”

PIRAUNG 1:9

Ma'nassami nicini' ra'masa'na mingka tena najampangi apa lakajariang mae ri kalenna. Tamaka sanna'na karuntunganna, mingka tena manna sitau ero' battu ansaleori. Namappala'mo pangngamaseang battu ri Batara, lanri ammetanamo musu-musunna.

PIRAUNG 1:2

Tuntung bangngimi angngarru' si'na nyawana, ammatti' je'ne' matanna. Tenamo manna sitau tanrinna maero' battu ansaleori. Nibali' ballang ri bela-belana ta'giling ma'jari bali mae ri kalenna.

YESAYA 51:23

Anjo passessaya Kupabattui mae ri tau anjallakkangako, le'baka assuroko attinro naung ri buttaya, na naonjo'-onjokangko, rapangko agang naoloa tau.”

PAMMUJI 42:9

Poro Napappicinikang lalo pangngamaseanNa Batara ri wattu allo sollanna kukkulle akkelong ri wattu bangngi appala' doang ri Allata'ala kabattuanna tallasakku.

PAMMUJI 42:3

Nakkuka' ri Allata'ala mattallasaka, angngapapi kunampa akkulle mange assambayang ri Balla'Na?

PAMMUJI 12:5

angkanaya, “Makoasai ikambe siagang lilana ikambe! Manna apa akkulleji napau ikambe, na tena akkulle anrompai!”

AYUB 35:9

Tau nijallakkanga, akkunrareng; ammarrangi ke'nanga appala' tulung.

YESAYA 59:7

Tulusu' nurancanakangi ja'dalaka, siagang erokko akkaro-karo anggaukangi. Tena nubata-bata ammuno tau tenaya salana. Kemae-kemae lampanu, tuli ammolikko karuntungang siagang kapanrakang.

MALEAKHI 3:18

Lanaciniki pole ummakKu passimmaraenna dalle'na tau bajika siagang tau ja'dalaka, tau anynyombaya ri Nakke siagang tau tenaya nanynyomba ri Nakke.”

MALEAKHI 2:13

Siagang anne pole paggaukannu maraenga. Tampa' pakkoro'bangnganNa Batara nupirassi je'ne' mata; angngarrukko siagang appiraungko lanri taerokami Batara antarimai koro'bang-koro'bannu.

KATO'BA 7:7

Punna annipu tau cara'deka, toloi panggaukanna; punna annarima doe' pammuccu', panra'mi sipa'na.

PANGNGEBARANG 28:3

Pamarenta anjallakkangai tu kasi-asia, sanrapangi bosi sarro ammanrakia kattoang.

PAMMUJI 142:4

Ri wattu sike'de' mami kutappu' minasa, Kiassengi angkana apa musti kugaukang. Ri oloang mustia kulaloi, a'mere'-mereki musua attannang sikko' untu' inakke.

PAMMUJI 80:5

O, Batara Allata'ala Kaminang Koasaya, sa'genna siapa salloTa lalarro, manna nappala' doang ummatTa?

PAMMUJI 69:20

Kiassengi antekamma bateku nicalla, nihina siagang nipakkanai, Kicini' ngasengi sikontu musungku.

AYUB 16:4

Ebara' angkana ikau ngaseng antu inakke, nampa inakke a'jari ikau ngaseng, akkulle tonja' a'bicara kamma anjo. Kupitambungiangko bicara; lakupammenggong-menggongi ulungku.

AYUB 6:29

Teako a'gau' tenai naadele', angngu'rangiko! Teako callaia', ma'nassa tena tojeng kusala.

HAKING-HAKING 4:3

Nia' 900 kareta bassi naballaki Yabin untu' napake a'bundu'. Ruampulo taungi najaja siagang nasessa tu Israel. Nampa akkio'mo tu Israel appala' tulung ri Batara.

PAOLE 28:48

Lanri kammana minjo namusti nupare' ata kalennu mae ri musu-musunnu Nakiringa Batara untu' angngewako. Lanaalleko cipuru', turere, siagang lassolarakko kammayatompa lakakurangangko lalang sikontu passala'. Lanikapallakkiko nijallakkang ri Batara sa'gennu ancuru'.

PAOLE 28:33

Lanaalle ngasengi bansa maraeng sikontu wassele' nugappaya lanri anjama terasa'nu, nampa ikau tena apa-apa nugappa pantaranganna nijallakkanga situlusu'na siagang panggaukang nikapallakkia.

KALAPPASSANG 1:22

Appasulu'mi parenta karaenga mae ri sikontu ra'ya'na angkana, “Sikontu ana' bura'ne beru lassuka ri tu Ibrania musti nipelaki antama' ri Binanga Nil, mingka sikontu ana'na bainea akkullei nilappassang attallasa'.”

KALAPPASSANG 1:16

Nakana Karaeng Mesir, “Punna nutulung tubaine Ibrania ammana', u'rangi anne: Punna ana' bura'ne anjo nalassukanga, bunoi! Punna baine anjo nalassukanga, lappassammi attallasa'.”

PANGNGEBARANG 19:7

Tau kasi-asia nibalang parekangi ri sari'battanna, sarroangampa na ri aganna. Manna antekamma batena usaha takkulleai naalle pa'mai'na ke'nanga.

KATO'BA 8:9

Yangasenna anne kuciniki ri wattunna kuparhatikang sikontu apa kajarianga ri linoa. Nia' wattunna nanapake kakoasanna taua untu' ancilakai paranna tau.

YEREMIA 16:7

Tena todong tau laero' appare' pammaca-macang untu' ansaleori tau susaya. Tena lamminawang turu' susa ba'lalo manna tau ammoteranga manggena yareka amma'na.

PIRAUNG 1:16

Lanri iaminjo nammatti' je'ne' matangku, taenamo ero' assarea' sumanga' na panynyaleori. Taenamo apa-apanna bansaku, lanri la'bi koasana musua.

AYUB 9:24

Napassareangi Allata'ala buttaya mae ri tu dorakaya, siagang Napa'jari buta ngasemmi sikamma hakinga. Kammaminjo Nagaukang ngaseng Allata'ala, punna tena naIa, inai pole anggaukangi kammaya?

PAMMUJI 69:21

Tappu' minasama' napakamma nihina, tenamo sumangakku. A'boya' pa'rikongang, mingka sia-siaji, a'boya' panynyaleori, mingka tena kunggappa.

PAMMUJI 142:5

Ri wattungku assaile mae ri sa'ri, kuciniki angkana tena bantuangku. Tena anjagaia', yareka anjampangi kalengku.

PANGNGEBARANG 29:2

Punna tau adele' ammarenta, rannui ra'yaka. Mingka punna tau ja'dala' koasa, sessai ra'yaka.

PIRAUNG 1:17

Kupatarai limangku appala' tulung, mingka taenamo ero' ansaleoria'. Attammulili musua Napabattu Batara; battui ke'nanga ambundukia'. Nipare' kamma mama' loro, apa appakaringi' ri alla'na ke'nanga.

AMOS 3:9

Pa'la'bangi pabattu mae ri tau ammantanga ri balla' karaenga ri Mesir siagang Asdod angkana, “A'rappung ngasengko ri moncong-moncong tammulilina Samaria, siagang parhatikangi karicuang lompoa kammayatompa pammaccokang nigaukanga anjoreng.”

AMOS 3:10

Nakana Batara, “Sikamma anjo taua nabonei balla'-balla' karaenna ke'nanga siagang barang-barang nagappaya battu ri gau' ammacco' siagang gau' palla'. Ba'lalo tena sikali nangngasseng ke'nanga anggaukangi gau' lambusuka.