KATO'BA 3:2 - KITTA' MATANGKASA'

² Allata'ala ampattantui wattu allassukanga siagang wattu kamateanga, wattu untu' a'lamung siagang wattu untu' ammi'bu',

KATO'BA 3:2 ပူးပေါင်းရင်းမြစ်များ

PA'JARIANG 17:21

Mingka parjanjiangKu siagang Ishak laKusikko' majarreki. Ia ana'nu lanilassukanga ri Sara, ri taung ri dallekang kira-kira ri wattu kammaya anne.”

PA'JARIANG 47:29

Ri wattunna la'birimmo narapi' a'jala'na, nakio'mi anjo ana'na Yusuf, nampa nakana ri ia, “Padongkoki limannu anrinni ri alla'na bonggangku, nampa assumpamako angkanaya tena nalanutarawanga' anrinni ri Mesir.

1 KARAENG-KARAENG 13:2

Lanri parentaNa Batara, akkio'mi anjo na'bia mae ri anjo tampa' pakkoro'bangnganga angkana, “He tampa' pakkoro'bangngang, he tampa' pakkoro'bangngang! Kammai anne kananNa Batara, ‘Nia' sitau ana' laniareng Yosia lanilassukang lalang ri kaluargana Daud. Irateannu, he kau tampa' pakkoro'bangnganga, lanabuno sikontu imang-imang niaka tugasa' ri tampa'-tampa' passambayangang mae ri rewataya, siagang pole tau le'baka assare koro'bang irateannu. Na irateannu tommi lanitunu buku-bukunna rupataua.’ ”

2 KARAENG-KARAENG 4:16

Nampa nakanamo Elisa ri ia, “Taung ri dallekang, ri wattu kamma-kammaya anne, lakkalawing maki' sitau ana' lolo bura'ne.” Nakanamo anjo bainea, “Teaki' a'balle-ballei bapa'. Sai atanNaki' Allata'ala bapa'!”

AYUB 14:14

Saba', punna mate taua, maka akkullei attallasa' ammotere'? Allo pila' allo attayanga' sa'genna allalomo wattu pa'risikku.

AYUB 14:5

Jaina umuru'na rupataua le'ba'mi Kipattantu; siapa jaina bulanna le'ba'mi Kipa'nassa. Kipattantu tongi pa'baeng-baeng tallasa'na; tena olona lakkulle nadakkai.

AYUB 7:1

Rupataua sangkammai tau nipassa barjuang; susai katallassanna sangkamma tau angnganre gaji;

PAMMUJI 113:9

Nasarei ana' sikamma baine tamananga, napa'jari amma' mate'ne siagang nipakalompo ri balla'na. Pujimi Batara!

PAMMUJI 52:5

Ikau la'bi nungaiangngangi kaja'dallanga na kabajikanga, nungaiangngangi a'balle-ballea nakkana tojenga.

PANGNGEBARANG 24:27

Teako ambangungi pakkalabiniang punna tenapa nupasadiai kokonnu siagang nia'mo pa'boya-boyannu.

YESAYA 28:24

Se'rea pamarri tena natulusu' lappa'jeko, ammingkung, siagang a'nangkala ri buttaya untu' nalamungi.

YESAYA 38:1

Tabellayai ri anjo wattua, tu'guru' garrimmi Karaeng Hizkia, na'birimmo mate. Mangemi Na'bi Yesaya ana'na Amos antoaki, na nakana, “Appasangi Batara sollanna kipa'le'ba' baji urusanta, lanri tenamo kilammolle ri garrinta karaeng. Tasalloami nakimate.”

YESAYA 38:5

ammotere' poleang mange ri Hizkia nampa napabattu anne pasanga angkana, “INakke, Batara, Allata'ala nasombaya Daud boenu, Kulangngere'mi pappala' doannu siagang Kucini'mi je'ne' matannu. LaKutambai umuru'nu sampulo allima taung sallona.

YESAYA 54:1

O, Yerusalem, riolo rapangko baine tamanang tenaya nakkulle ammana'. Mingka kamma-kamma anne akkio' rannu mako, siagang akkelong mako matte'ne pa'mai'! Saba' teai sipato' jaina ana'nu, la'biangngangi na ana' baine tenaya nibokoi ri bura'nenna.

YEREMIA 1:10

Anne alloa Kusareko koasa mange ri bansa-bansaya siagang sikamma kakaraenganga – iamintu koasa untu' appara'ba siagang anrumbang, untu' apagulung siagang ammanraki, kammayatompa untu' appabangung siagang a'lamung.”

YEREMIA 45:4

He Barukh! INakke, Batara, anruntung siagang ambangungi apa le'baka Kubangung, siagang ambi'buki apa le'baka Kulamung. Sikontu linoa Kupakamma ngasengi anjo.

MATIUS 13:41

LaNasuroi malaeka'-malaeka'Na Ana' Ma'rupataua ampasse're ngasengi sikontu tau a'jari passabakkanga na'gau' dosa taua, kammayatompa sikontu tau a'gau' ja'dalaka.

MATIUS 15:13

Appialimi Isa angkana, “Sikamma lamung-lamung tenaya Nalamungi Manggeku ri suruga lanibi'buki.

LUKAS 1:13

Mingka nakanamo anjo malaekaka, “Teako mallakki Zakharia! Nalangngere'mi Allata'ala pappala' doannu. Lammanaki tu ri balla'nu Elisabet, sitau bura'ne. Anjo anaka sallang musti nuarengi Yohanes.

LUKAS 1:20

Anne apa kupaua, ma'nassa la'rupai punna narapi'mo wattunna. Mingka lanri tenana nutappa', la'jari pepe mako; na iapa nukkulle a'bicara ammotere', punna a'rupamo anne apa kupauangangko.”

LUKAS 1:36

U'rangi: anjo bijannu Elisabet tianang annang bulammi, manna natoamo, siagang nakana taua tamanangi.

YOHANES 16:21

Punna nia' sitau baine la'biring ammana', lasusai, nasaba' narapi'mi wattunna lasessa. Mingka kamma lassu'na ana'na, nakaluppaimi pa'risi'na anjo bainea napakamma rannu, lanri lassu'namo anjo ana'na antama' ri lino.

YOHANES 7:30

Anjo wattua, ero'mi ke'nanga anjakkalaki Isa. Mingka tena tau barani anta'galaki, lanri tenapa narapiki wattunna.

LAMPA-LAMPANA 7:17

Ri wattunna la'birimmo narapi' wattunna laNarupai janjinNa Allata'ala mae ri Abraham, pila' katambammi jaina bansata ri pa'rasangang Mesir.

LAMPA-LAMPANA 7:20

Iaminjo wattua nanilassukangi Musa; sanna' ga'gana ri wattunna ana' lolo. Tallum bulangi sallona niparakai cokko-cokko ri balla'na tau toana;

GALATIA 4:4

Mingka ri wattunna narapi' baji'mo wattunna, Nasuromi Ana'Na Allata'ala antama' ri anne linoa. Nilassukammi anjo ana'Na ri se'reang baine, nattallasa'mo irawangang kakoasanna hukkung agamaya.

PAOLE 34:5

Nampa matemo Musa, anjo atanNa Batara, ri butta Moab, sangkamma le'baka Napau riolo Batara.

IBRANI 9:27

Le'ba'mi Napattantu Allata'ala angkanaya sikaliji bawang mate rupataua. Le'baki anjo niadelimi ri Allata'ala.

1 SAMUEL 2:5

Tubassoroka riolo lanri kala'bianna ri kanre-kanreang, anne kamma a'jari tungnganre gaji poro untu' anggappa kanre. Tucipuruka riolo, anne kamma sukku'mi, angganna'mi ri kanre. Tutamananga, anne kamma lompomi pa'mai'na, tujumi ana' le'ba' nalassukang! Mingka amma' jaia ana'na, nibokoi, niboli' ta'ronang-ronang.