KATO'BA 11:3 - KITTA' MATANGKASA'

³ Manna kemae rumbanna poko' kayua, tuli lanra'bana naung ri tampa' rumbanna. Punna angngerangi je'ne' rammanga sa'genna battala', laturung tongi bosia ri lino sanna' lompona.

KATO'BA 11:3 ပူးပေါင်းရင်းမြစ်များ

1 KARAENG-KARAENG 18:45

Poro sinampe' duduji sassammi langika, siagang sanna'mi sarrinna anging mammirika, nampa appakkaramulamo battu bosi sannaka lompona. Nai'mi Ahab ri karetana nampa ammotere' mange ri Yizreel.

KATO'BA 11:2

Pantamaki modala'nu ri a'rupa-rupaya usaha; a'boyako usaha sipajai-jaina. Saba' parallui taua tutu, ri tenanapa natattuju balaya.

KATO'BA 11:4

Inai attayang sa'genna sukku' baji'na anginga siagang wattua, tala'lamungai siagang tena todong nalanagappa wassele'na.

MATIUS 3:10

Sadiami pangkulu' lanipata'banga ri poko' kayua sa'genna ri aka'-aka'na. Sikamma poko' kayu tenaya nabaji' rapponna lanita'bangi nampa nipela' antama' ri pepeka.

LUKAS 13:7

Jari, nakanamo ri pajamana anjo kokoa, ‘Cinissai, tallung taumma' battu amboyai rapponna anne poko' araya, mingka manna sibatu tania' rapponna kubuntulu'. Ta'bammi anne poko' araya! Poro nala'bussina kanre battu lalanga ri buttaya!’

1 YOHANES 3:17

Punna nia' tau angkammai pa'barang-baranganna linoa, nampa nacini' paranna tau kakurangang, mingka taerokai antulungi anjo paranna tau, antekamma lakkulle nikana nakamaseangi Allata'ala?