KATO'BA 11:2 - KITTA' MATANGKASA'

² Pantamaki modala'nu ri a'rupa-rupaya usaha; a'boyako usaha sipajai-jaina. Saba' parallui taua tutu, ri tenanapa natattuju balaya.

KATO'BA 11:2 ပူးပေါင်းရင်းမြစ်များ

NEHEMIA 8:10

Kamma-kamma anne ammotere' mako; angnganre angnginung mako a'rannu-rannu. Passareangi sipa'gang kanrenu siagang anggoro'nu mae ri tau kakuranganga. Anne alloa, allo nipakatangkasa' untu' Batara, jari teako susai. Karannuang Napassareanga Batara lampakajarrekko.”

ESTER 9:19

Iaminjo saba'na nasikamma tu Yahudi niaka ammantang ri kota-kota ca'dia tanggala' sampulo angngappa' bulang Adar napakalompo ke'nanga untu' a'rannu-rannu. Anjo alloa assua'-suara' lompoi ke'nanga siagang massing sisarei hadia kanre-kanreang.

ESTER 9:22

Nasaba' ri wattu iaminjo alloa nanabeta musu-musunna ke'nanga, sa'genna anjo si'nana siagang paccena ke'nanga amminrami a'jari karannuang siagang kasungguang. Lanri kammanami anjo namusti napakalompo ke'nanga anjo allo-alloa, iamintu assua'-suara', appare' parjamuang, kammayatompa massing sisarei ke'nanga kanre-kanreang siagang assarei ke'nanga passidakka ri tu kasi-asia.

AYUB 5:19

Punna a'reppese' bahayaya, tuli Napasalamakko.

PAMMUJI 112:9

Lanabage-bagei barang-baranna, siagang assare passidakka mae ri tu kasi-asia; tuli nagaukangi bajika, lanri kammanami nakoasa siagang nipakalompo.

PANGNGEBARANG 19:17

Annulung tau kasi-asi sanrapangi assare angnginrang ri Batara; Batara sallang lambalasaki.

PANGNGEBARANG 6:16

Nia' tuju passala' Nakabirisi Batara siagang tena nalaNabalang parekangi, iamintu: Sipa' borroa, bawa a'balle-balle, lima nangaia ammuno tau tena salanna, pikkirang a'rancanaya apa-apa ja'dala', bangkeng akkaro-karoa mange ri kaja'dallanga, sa'bi tulusu' a'balle-ballea, siagang tau appa'niaka passimusuang mae ri aganna.

KATO'BA 11:3

Manna kemae rumbanna poko' kayua, tuli lanra'bana naung ri tampa' rumbanna. Punna angngerangi je'ne' rammanga sa'genna battala', laturung tongi bosia ri lino sanna' lompona.

KATO'BA 11:8

Paralluko appala' sukkuru' punna katambang umuru'nu. Mingka u'rangi, manna salloko attallasa' ri lino, salloangangi wattunnu ri lino kamateanga. Jari, apapi pole laniminasai? Yangasenna tena matu-matunna siagang sia-siaji bawang.

KATO'BA 12:1

U'rangi Ampa'jariako ri wattu rungkanu ija, ri tenanapa nabattu taung-taung jai sessa. Anjo wattua lanukanai, “Tena namate'ne tallasakku.”

DANIEL 4:27

Lanri kammana anjo, kupalaki nakipilangngeri anne pappakainga'na atanta. Tea' maki' dorakai pole karaeng, mingka gaukammi apa bajika siagang adeleka, kammayatompa kamaseangi tu kasi-asia. Lanri kammana anjo nalatulusu' mate'ne karaengku.”

MATIUS 18:22

Appialimi Isa Nakana, “Tena, tena napintujuja, mingka pintujui ri pintujupuloa!

MATIUS 5:42

Punna nia' tau appala' apa-apa ri kau, sare laloi. Siagang teako pattenangi tau eroka angnginrang apa-apa ri kau punna nia'ja ri kau.”

LUKAS 17:4

Punna pintujui doraka ri kau lalanna siallo, natuli battu appala' popporo' ri kau nakana, ‘Pammopporanga',’ pammopporangi.”

GALATIA 6:1

Sikamma sari'battangku! Punna nia' tau nugappa a'gau' dosa, ikau nipimpinga ri RohNa Allata'ala parallui nuerang ammotere' anjo taua mange ri oloang annabaya. Mingka musti tuna pa'maikko anggaukangi, siagang katutui kalennu sollanna tena nunataba todong paccoba.

EFESUS 5:16

Pake bajiki sikontu kasampatang niaka ri kau; nasaba' anne jammanga, jammang kaja'dallang.

IBRANI 13:3

U'rangi tau niaka lalang ri tarungkua, sanrapang angkana nia' tongko lalang ri tarungkua siagang ke'nanga. Kammayatompa u'rangi tongi tau nigau' takamma-kammaya, sanrapang angkana ikau nipakamma tongko anjo.

1 SAMUEL 25:8

Pakkuta'nangngang mami ri ke'nanga, mattantu napakkontutojenna ke'nanga anjo passalaka. Lanri kammana anjo, kuminasai nanutarima baji' ana' buaku ri balla'nu, lanri battui ikambe ri anne allo lompoa. Sare tongi anne sikamma ata-atannu siagang inakke pole Daud, agang baji'nu, apa-apa mamo situru' nakate'neanga pa'mai'nu.”