KATO'BA 1:9 - KITTA' MATANGKASA'

⁹ Apa le'baka kajariang, lakajariang poleangi. Apa le'baka nigaukang, lanigaukangi pole. Tena apa-apa akkulle nikana beru ri anne linoa.

KATO'BA 1:9 ပူးပေါင်းရင်းမြစ်များ

KATO'BA 1:10

Nia' tau nakana, ‘Ciniki, anne anu beru!’ Mingka, anjo anu nia' memammo ri tenanapa nilassukangki'.

KATO'BA 2:12

Manna antekamma, apa akkullea nagaukang se'rea karaeng, iaji bawang apa le'baka nagaukang sikamma karaeng rioloangannaya. Nampa appakkaramulama' appikkiri' angkana: Apa battuanna nikanaya a'jari cara'de', yareka dongo' yareka tolo?

KATO'BA 3:15

Apa kajarianga kamma-kamma anne, anu le'ba' memammo kajariang riolo. Apa laniaka, anu sallomo nia'na. Allata'ala ampattantui, sollanna apa le'baka kajariang, kajariang poleangi.

KATO'BA 6:10

Yangasenna apa niaka, sallo memammi nia'na. Niassengi angkanaya takkulleai taua anggeakki tau la'bi gassinga na kalenna.

KATO'BA 7:10

Teako akkuta'nangngi angkana, ‘Angngapa nabajikangngang jammang riolo na jammang kamma-kammaya anne?’ Tau toloaji akkuta'nang kamma.

YESAYA 43:19

Parhatikangi, nia' apa beru Kugaukang; anne kamma appakkaramulami, tenaka nuciniki? LapparekKa' oloang ri parang lompoa, siagang binanga-binanga ri parang luaraka.

YEREMIA 31:22

Siapapi sallonu tuli ranggasela, he bansa tenaya namajarre' ri Nakke? Appa'jariMa' apa beru ri lino, apa appakalannasaka – rapang baine nila'langngi ri bura'ne.”

2 PETRUS 2:1

Ri wattu allaloa nia' na'bi-na'bi takontutojeng ammumba ri alla'na Umma'Na Allata'ala. Kamma tomminjo lania' todong guru-guru takontutojeng ammumba ri tangnga-tangnganu. Lanapantamaki ajarang-ajarang salaya, ampanrakiai taua. Siagang lanasassali ke'nanga Karaeng Makoasa le'baka angkoro'bangkangi kalenna sollanna nakkulle a'jari bebasa' ke'nanga. Lalang kammana napabattumi kapanrakanga mae ri kalenna ke'nanga, labattua linta' antujui ke'nanga.

PAPPICINI' 21:1

Nampa nia'mo kucini' langi' beru siagang lino beru. Tenami langi' uru-urua siagang lino uru-urua; kammayatompa tamparanga lanynya' tommi.

PAPPICINI' 21:5

Nampa Nakanamo anjo niaka ammempo irate ri empoang kala'biranga, “Kamma-kamma anne Kupa'jari beru ngasemmi sikontu apa-apa niaka!” Nakana pole ri nakke, “Tulisiki anne, nasaba' sikamma anne kana-kanaya sangnging kana tojeng siagang siratangi nipatappa'.”