KALAPPASSANG 9:6 - KITTA' MATANGKASA'

⁶ Ammukona Nagaukammi Batara situru' anjo apa le'baka Napau. Sikontu olo'-olo' piarana tu Mesir mate ngasemmi, mingka olo'-olo' piarana tu Israel manna sikayu tania' mate.

KALAPPASSANG 9:6 ပူးပေါင်းရင်းမြစ်များ

PAMMUJI 78:48

Nalappassangi bosi eska antujui olo'-olo' piarana ke'nanga, siagang nituju ri kila' olo'-olo' piarana ke'nanga.

PAMMUJI 78:50

Tena Natahangi larroNa yareka Nakarimangngi tallasa'na ke'nanga, mingka Naballassi ke'nanga siagang puru-puru lompo.

KALAPPASSANG 12:12

Anjo bangngia laKujappai sikontu butta Mesir, nampa Kubuno sikontu ana'-ana' bura'ne toaya, baji' rupataua, kammayatompa olo'-oloka. LaKuhukkungi sikontu rewatana Mesir, lanri iNakkeji bawang Batara.

KALAPPASSANG 12:29

Ri wattu lantanna anjo bangngia Nabunomi Batara sikontu ana' bura'ne bungasa'na bansa Mesir, appakkaramula battu ri ana'na karaenga, sa'genna mae ri ana'na tau nitarungkua. Sikontu olo'-olo' bungasaka lassu' nibuno ngaseng tommi.

KALAPPASSANG 8:22

Mingka pantaranganna anjo, daera Gosyen tena nalanituju, lanri anjo pammantanganna ummakKu. Anjoreng tena nalania' katingalo, sollanna nuasseng ngaseng angkanaya iNakke, Batara, anggaukangi anjo kammaya.

KALAPPASSANG 9:25

Ammanrakimi anjo bosi eska ri sikontu pa'rasanganga, napanraki sikontu apa-apa niaka ri kokoa, kammayatompa rupataua siagang olo'-oloka. Sikontu lamung-lamung niaka ri kokoa panra' ngasengi, siagang sikamma poko'-pokoka nirumbangngang todong.

KALAPPASSANG 9:26

Poro daera Gosyen bawang, iamintu tampa' pammantangnganna tu Israel, tena nitujui ri anjo bosi eska.

KALAPPASSANG 9:4

LaKupasisalai olo'-olo' piarana tu Israel siagang olo'-olo' piarana tu Mesir. Tena olo'-olo' piarana tu Israel manna sikayu lamate.

KALAPPASSANG 9:5

INakke, Batara, ampattantui angkana ammuko naKugaukang anjo passalaka.”