KALAPPASSANG 9:4 - KITTA' MATANGKASA'

⁴ LaKupasisalai olo'-olo' piarana tu Israel siagang olo'-olo' piarana tu Mesir. Tena olo'-olo' piarana tu Israel manna sikayu lamate.

KALAPPASSANG 9:4 ပူးပေါင်းရင်းမြစ်များ

KALAPPASSANG 10:23

Tena sikalimo nakkulle accini' apa-apa tu Mesir anjo wattua, sa'genna tenamo manna sitau a'lampa-lampa. Mingka ri balla'na tu Israel tuli singara'naja.

KALAPPASSANG 12:13

Anjo cera' niaka ri pakke'bu' balla'nu la'jari pammatei mae ri sikamma balla' pammantangannu. Punna Kuciniki anjo ceraka, laKulaloiko siagang tena naKupanrakiko ri wattunna Kuhukkung Mesir.

KALAPPASSANG 8:19

sa'genna nakanamo anjo sikamma tau niaka pangngissenganna mae ri karaenga, “Anne panggaukanNa Allata'ala.” Mingka kapala batui anjo karaenga. Na kamma le'baka Napau Batara, taerokai anjo karaenga anjampangi kananna Musa siagang Harun.

KALAPPASSANG 8:22

Mingka pantaranganna anjo, daera Gosyen tena nalanituju, lanri anjo pammantanganna ummakKu. Anjoreng tena nalania' katingalo, sollanna nuasseng ngaseng angkanaya iNakke, Batara, anggaukangi anjo kammaya.

KALAPPASSANG 9:26

Poro daera Gosyen bawang, iamintu tampa' pammantangnganna tu Israel, tena nitujui ri anjo bosi eska.

KALAPPASSANG 9:5

INakke, Batara, ampattantui angkana ammuko naKugaukang anjo passalaka.”

KALAPPASSANG 9:6

Ammukona Nagaukammi Batara situru' anjo apa le'baka Napau. Sikontu olo'-olo' piarana tu Mesir mate ngasemmi, mingka olo'-olo' piarana tu Israel manna sikayu tania' mate.

AMOS 4:7

INakke ampisangkai turung bosia ri wattu paralluna ri je'ne' lamung-lamunnu. INakke appaturung bosi mae ri kota se'rea siagang tena ri kota maraenga. Koko se'rea anggappai bosi, nampa koko maraenga kalotoroki.

MALEAKHI 3:18

Lanaciniki pole ummakKu passimmaraenna dalle'na tau bajika siagang tau ja'dalaka, tau anynyombaya ri Nakke siagang tau tenaya nanynyomba ri Nakke.”