KALAPPASSANG 9:32 - KITTA' MATANGKASA'

³² Mingka gandunga siagang lise'-liseranga talapanrakai lanri teaipi wattunna.

KALAPPASSANG 9:32 ပူးပေါင်းရင်းမြစ်များ

2 SAMUEL 21:9

Nipassareangi ke'nanga mae ri tu Gibeon, nampa mate kabusu'mo ke'nanga nigentung irate ri bontoa ri dallekanNa Batara. Ri wattu kala'busanna wattu paccu'lakkanna lamung-lamunga nanihukkung mate ke'nanga, iamintu ri wattu appakkaramulana taua angngalle jelai.

KALAPPASSANG 10:12

Nampa Nakanamo Batara ri Musa, “Angkaki limannu ri tompo'na butta Mesir. Labattui sikamma katimbanga angkanrei sikontu lamung-lamung niaka tassesa ri le'ba'na bosi es.”

KALAPPASSANG 10:22

Naangka'mi limanna nai' Musa, na nitongko'mo ri sassang makkappu' sikontu pa'rasangang Mesir tallungallo sallona.

KALAPPASSANG 10:5

Sikontu buttaya lakatongkokang taba sikali ri katimbang sannaka jaina. Sikontu lamung-lamung niaka tassesa, ba'lalo poko'-poko' kayu tenaya nipanraki ri bosi es, lanipaccappuki ri anjo katimbanga.

KALAPPASSANG 9:31

Anjo lamung-lamung birallea siagang ase kokoa laputtai, lanri anjo birallea sitabangi a'bunga siagang ase kokoa sitabang a'bulere'.

KALAPPASSANG 9:33

Nampa nabokoimo Musa anjo karaenga na'lampa assulukang kota; anjoreng naangka'mi limanna appala' doang ri Batara. Anjo memang wattua ammarimi gunturuka, bosi eska siagang bosia.

YESAYA 28:25

Punna sadiamo anjo buttana, appakioro'mi bine, ebara'na bine le'leng siagang bine kebo'. La'lamungi ruang rupa gandung a'barri'-barrisi', nampa ri birinna lamung-lamung maraeng.

YEHEZKIEL 4:9

Kamma-kamma anne angngalleko gandung, jelai, campe' eja, campe' biasa, battang siagang gandung alusu'. Pasileo' ngasengi anjo nampa nupare' roti. Iaminjo a'jari kanrenu lalang 390 allo attinro tattiling mae ri kairi.