KALAPPASSANG 9:24 - KITTA' MATANGKASA'

²⁴ bosi eska ia sanna' dudua siagang nirurunganga ri kila' assisambung-sambunga. Iaminjo bosi es kaminang sannaka lalang ri riwaya'na Mesir.

KALAPPASSANG 9:24 ပူးပေါင်းရင်းမြစ်များ

AYUB 38:23

Kuboli' untu' wattu kasukkarang, untu' wattu pa'bundukang siagang passibuno-bunoang?

PAMMUJI 105:32

Napaturummi es batua sambe bosi, Napabattui kila' akkila'-kilaka.

PAMMUJI 18:13

Battu ri kila' niaka ri dallekanna, assuluki rammanga, bosi a'batu siagang pepe'.

KALAPPASSANG 10:6

Balla' lomponu, sikamma balla'na pagawenu siagang balla'na ra'yaka larassi ngasengi katimbang. Anne balaya la'bi hebakkangngangi na sikamma bala le'baka nakasia' boe-boenu.’ ” Nampa nagilimmo kalenna Musa na'lampa.

KALAPPASSANG 9:18

Ammuko bari'basa', ri wattu kamma-kammaya anne, lappabattuA' bosi es sannaka heba'na, tenayapa nale'ba' kajariang ri Mesir battu riolo sa'genna kamma-kamma anne.

KALAPPASSANG 9:23

Naangka'mi takkanna Musa nai', nampa Napaturummo Batara gunturuka siagang bosi eska, kammayatompa kilaka antujui buttaya. Napabattumi Batara

KALAPPASSANG 9:25

Ammanrakimi anjo bosi eska ri sikontu pa'rasanganga, napanraki sikontu apa-apa niaka ri kokoa, kammayatompa rupataua siagang olo'-oloka. Sikontu lamung-lamung niaka ri kokoa panra' ngasengi, siagang sikamma poko'-pokoka nirumbangngang todong.

YESAYA 30:30

LaNapappilangngerangi Batara sa'ra mala'biri'Na, nampa tunggala' taua lanakasiaki koasaNa hebaka. KalarroanNa lappabattui pepe' appamutunga, bosi lompo, bosi batu siagang anging lompo.

YEHEZKIEL 1:4

Acconga' nai', nakucini'mo angnging lompoa ammiri' battu wara'. Kuciniki kilaka a'lepa'-lepa' battu ri sigompoang rammang ia sannaka lompona; nampa langika ri tammulilina teai sipato' singara'na. Lalang ri anjo kila' a'lepa'-lepaka nia' kucini' apa-apa accila'-cilla' sangkamma tambaga.

YEHEZKIEL 13:13

Nakana Batara Kaminang Tinggia, “Lalang larroKu, lappabattuA' anging lompo, bosi lompo siagang bosi es untu' angngancuruki anjo temboka le'baka nupa'leoki,

MATIUS 24:21

Ri wattu battuna anjo allo-allo appakamallaka labattumi susa lompo dudua, tenayapa nale'ba' kajariang baku' nia'na linoa, siagang tenayamo nalakajariang pole ribokoanganna.