KALAPPASSANG 9:23 - KITTA' MATANGKASA'

²³ Naangka'mi takkanna Musa nai', nampa Napaturummo Batara gunturuka siagang bosi eska, kammayatompa kilaka antujui buttaya. Napabattumi Batara

KALAPPASSANG 9:23 ပူးပေါင်းရင်းမြစ်များ

PA'JARIANG 19:24

Ti'ring appaturummi Batara bosi bara pepe' irateanna kota Sodom siagang Gomora.

AYUB 37:13

Appaturungi Allata'ala bosi untu' ambasai buttaya, yareka untu' anghukkungi umma' rupataua; gassing tongi untu' Napappicinikang mae ri ke'nanga, antekamma tuli lompona pangngamaseanNa satunggu-tungguna.

PAMMUJI 147:17

Ia ampaturungi bosi eska sanrapang batu-batu ca'di; tena akkulle attahang andallekangi dinginna.

PAMMUJI 148:8

he kila' siagang bosi eska siagang rammanga, anging kancang mannurukia ri parentaNa Batara!

PAMMUJI 18:13

Battu ri kila' niaka ri dallekanna, assuluki rammanga, bosi a'batu siagang pepe'.

PAMMUJI 29:3

Allata'ala malompoa a'gunturuki irateanna tamparanga, sa'ranNa kalangngerangi irateanna tamparang lompoa.

PAMMUJI 77:18

Rammanga appaturungi bosi, a'gamarrungi gunturuka; akkilaki kilaka ri kere-keremae.

KALAPPASSANG 19:16

Ri makatalluna alloa, ri bari'basa'na, battumi gunturuka siagang kilaka. Nia'mo ammumba rammang kapala' rate ri monconga siagang nia'mo kalangngerang sa'ra tarompe' sannaka lompona sa'ranna. Annekkere' ngasemmi sikontu taua ri kemaya napakamma malla'.

KALAPPASSANG 20:18

Ri wattunna nalangngere' taua gunturuka siagang sa'ra tarompeka, kammayatompa nacini'na kilaka siagang a'rumbu monconga, annekkere'mi ke'nanga napakamma malla', siagang ammenteng battu bellami ke'nanga.

KALAPPASSANG 9:18

Ammuko bari'basa', ri wattu kamma-kammaya anne, lappabattuA' bosi es sannaka heba'na, tenayapa nale'ba' kajariang ri Mesir battu riolo sa'genna kamma-kamma anne.

KALAPPASSANG 9:24

bosi eska ia sanna' dudua siagang nirurunganga ri kila' assisambung-sambunga. Iaminjo bosi es kaminang sannaka lalang ri riwaya'na Mesir.

YESAYA 30:30

LaNapappilangngerangi Batara sa'ra mala'biri'Na, nampa tunggala' taua lanakasiaki koasaNa hebaka. KalarroanNa lappabattui pepe' appamutunga, bosi lompo, bosi batu siagang anging lompo.

YEHEZKIEL 38:22

LaKuhukkungi siagang garring kammayatompa cera' assolong. Bosi lompo, bosi es, pepe' siagang batu a'bara laKutumpa mae ri ia siagang tantarana kammayatompa mae ri sikamma tantara naaganga sita'gala'.

YOSUA 10:11

Ri wattunna naung tu Amori battu ri pungku'na anjo monconga ampilari tantara Israel, appaturummi Batara bosi es lompo battu ri langika antujui ke'nanga ri aganga sa'genna mange ri Azeka. Jaiangngangi anjo mate nitujua ri es kala nibunoa ri tu Israel.

PAPPICINI' 16:18

Nampa assisambung-sambummo kilaka siagang a'gamarrummi na'galutturu' gunturuka, kammayatompa ta'ge'goso' sanna'mi buttaya. Tenale'bakai ta'ge'goso' kamma anjo buttaya baku' nipa'nia'na rupataua. Iaminne kaminang sannaka ta'ge'goso'na buttaya!

PAPPICINI' 16:21

Turummi bosi es lompoa, massing ta'limampuloa kilo battala'na tassilitere'; tu'guruki battu rate ri langika nanatuju ngaseng rupataua. Natunraimi ke'nanga Allata'ala passabakkang anjo bala bosi es sannaka heba'na.

PAPPICINI' 8:7

Napasa'rami tarompe'na malaeka' makase'rea; turummi bosia kamma es siagang pepe', accampuruki siagang cera' sannaka batena a'lo'loro' naung ri buttaya. La'busu'mi bage talluna linoa akkanre; kammayatompa bage tallunna poko'-poko' kayua, siagang sikamma ruku'-ruku' moncongbuloa.