KALAPPASSANG 9:20 - KITTA' MATANGKASA'

²⁰ Nia' siapa are pagawe a'jari malla' allangngereki anjo kananNa Batara. Naerammi sikamma atanna siagang olo'-olo' piarana ke'nanga antama' ri balla' sollanna kala'langngang.

KALAPPASSANG 9:20 ပူးပေါင်းရင်းမြစ်များ

KALAPPASSANG 7:23

Ba'lalo ammotere'mi mange ri balla' karaenga natena sikali najampangi manna sike'de' anjo apa kajarianga.

KALAPPASSANG 9:21

Mingka maraenganga tanajampangiai anjo pappakaingaka, siagang naboli'ji sikamma atanna siagang olo'-olo' piarana ke'nanga ri paranga.

KALAPPASSANG 9:6

Ammukona Nagaukammi Batara situru' anjo apa le'baka Napau. Sikontu olo'-olo' piarana tu Mesir mate ngasemmi, mingka olo'-olo' piarana tu Israel manna sikayu tania' mate.

PANGNGEBARANG 13:13

Tau ambawang-bawangngangai ajaranNa Batara, lanacilakai kalenna; tau mannurukia ri hukkunNa Allata'ala, lanagappai pahalana.

PANGNGEBARANG 16:16

Bella' la'bi baji'na anggappaya kacara'dekang kala anggappaya bulaeng; la'bi lompoangngangi anggaranna anggappaya pangngassengang kala anggappaya pera'.

PANGNGEBARANG 22:23

Saba', laNialleangangi ri Batara ri parkarana ke'nanga, siagang laNaallei nyawana tau anjallakkangai ke'nanga.

PANGNGEBARANG 22:3

Tau cara'deka a'lili punna accini' bahaya; tau toloa a'jappa tulusuki nampa nituju ri bala.

IBRANI 11:7

Lanri tappa'na nanatarimamo Nuh pappakainga' Napassareanga Allata'ala mae ri ia; iamintu passala'na apa-apa lakajarianga tenaya nakkulle nacini' Nuh. Naturukimi Nuh kananNa Allata'ala. Jari appare'mi se're biseang lompo. Nama'nassa iaminjo biseang lompoa ampasalamaki kalenna siagang pole sikamma ana'na siagang tubai'-bainena. Jari nihukkummi linoa, mingka Nuh nipattojemmi ri Allata'ala nikana tau baji' lanri tappa'na.