KALAPPASSANG 9:14 - KITTA' MATANGKASA'

¹⁴ Anne kamma lappabattuA' bala, tena namae ri sikamma pagawea siagang ra'yaka bawang, mingka ikau pole, sollanna nuasseng angkanaya tena sangkammangKu ri sikontu linoa.

KALAPPASSANG 9:14 ပူးပေါင်းရင်းမြစ်များ

2 SAMUEL 7:22

IKatte ma'nassa teai sipato' malompoTa tojeng, o Karaeng Allata'ala! IKatteji bawang Allata'ala, tena sikali sangkammanTa. Naassengi ikambe anjo passalaka lanri baku' riolo iji nanipauammo ikambe.

1 KARAENG-KARAENG 8:38

poro Kipilangngeri pappala' doanna ke'nanga. Punna battu ri ummatTa Israel nia' si'na appala' doang ri Katte nanapatara limanna mae ri anne balla' passambayanganga,

1 PATTOTTORANG 17:20

IKatteji bawang Allata'ala, tena sikali sangkammanTa. Naassengi ikambe anjo passalaka, lanri battu rioloji naKipaumo.

PAMMUJI 86:8

O, Batara, tena batara pantaranganna iKatte, tena akkulle anggaukangi apa Kigaukanga.

KALAPPASSANG 15:11

Kereangami Allata'ala sangkammanTa, o Batara Kaminang Tinggia siagang matangkasaka? Inai akkulle appare' gau' malompo siagang gau' appakalannasa' kamma Batara?

KALAPPASSANG 8:10

Appialimi anjo karaenga angkana, “Pappala' doangamma' ammuko.” Nakanamo Musa, “Lakugaukangi apa kipalaka karaeng. Na lakiassemmo angkanaya tena ruanna Allata'ala sangkammaya Batara, Allata'alana ikambe.

KALAPPASSANG 8:6

Jari napajonjomi Harun anjo takkanna ri tompo'na sikontu je'neka, nampa ammumbamo tumpanga ampirassi sikontu pa'rasanganga.

KALAPPASSANG 9:15

Ebara' angkana erokKa' anghukkungko siagang ra'ya'nu iamintu Kupitujuiko garring, mattantu sallo mako tena ngaseng.

YESAYA 45:5

INakkemi Batara, tena pantaranganna, iNakke Allata'ala Kaminang Se're-se'rea. Le'ba' mako Kusare sanjata, manna natena nuassengA'.

YESAYA 46:9

U'rangi sikamma apa kajarianga ri jammang riolo; akuimi angkana iNakke Allata'ala, tena pantaranganna, iNakke Allata'ala, siagang tena sangkammangKu.

YEREMIA 10:6

Batara mala'birika, tena sangkammanTa, malompoi arenTa siagang lompoi koasaTa.

YEREMIA 10:7

Inai kutadeng taeroka mappilangngeri mae ri Katte, Karaenna sikontu bansaya? Tojeng, siratang sikaliKi' nipakalompo. Battu ri sikontu cara'deka ri alla'na bansa-bansaya siagang battu ri sikontu karaenna ke'nanga, tena manna sitau akkulle nipasangkamma iKatte, o Batara.

YEREMIA 19:8

LaKupabattui bala lompoa ri anne kotaya sa'genna sikamma tau ammaloa anjoreng lata'bangkai siagang lamalla' ngasengi.

DANIEL 5:21

Nibongkai battu ri pa'rappunganna rupataua siagang akkala'na a'jari sangkammai akkala' olo'-olo'. Attallasaki siagang keledai romanga, angnganrei ruku' sangkamma sapi siagang attinroi ri parang tassungkea sa'genna nibasai ri allung. Kala'busanna namangakuimi angkanaya Allata'ala Kaminang Tinggia makoasa mae ri kakaraenganna rupataua siagang anjo kakaraenganga Napassareangi mae ri inai-nai Napilea.

KAIMANGNGANG 26:18

Punna le'ba' nukasia' ngaseng anjo hukkunganga natenapa numannuruki ri Nakke, laKutambai anjo hukkungangKu a'jari a'lappi tuju.

KAIMANGNGANG 26:21

Punna tulusu' angngewa ijako mae ri Nakke siagang taerokako mannuruki mae ri Nakke, laKutambai pole hukkungannu a'lappi tuju.

KAIMANGNGANG 26:28

la'jari larroMa' ampangngajariko, siagang laKuhukkungko pole a'lappi tuju la'bi battala'na na hukkungang rioloa.

MIKHA 6:13

Kamma-kamma anne appakkaramulaMa' annunrung siagang angngancuru' lanri dosa-dosanu ngaseng.

PAOLE 3:24

O, Batara Kaminang Tinggia, kuassengi Batara, angkanaya anne sikamma apa Kipappicinikanga mae ri nakke, nampami pakaramulanna sikamma gau' malompoTa siagang gau' mappakalannasatTa. Tena ruanTa Allata'ala ri langika kammayatompa ri buttaya, akkullea anggaukangi sikamma gau' hebaka.

PAOLE 4:35

Yangasenna anjo sikammaya Napappicinikangi Batara mae ri kau ngaseng untu' ampa'butti angkanaya Iaji bawang Batara Allata'ala, tena pantaranganna maraengang.

PAPPICINI' 18:8

Passabakkang iaminjo, nasialloji bawang nanatujumo bala, – iamintu garring, si'na, siagang kacipurang. Na lanipammutungi siagang pepe', lanri Karaeng Allata'ala, sannaka MakoasaNa angngadeli.”

PAPPICINI' 22:18

Mae ri sikamma tau allangngerekai kana-kana nipau la'bi rioloa lalang ri anne Kittaka, inakke, Yohanes, iaminne kupakaingakkangko: Inai-nai antambai anne kana-kana le'baka nipau la'bi riolo, lanitambai tongi hukkunganNa ri Allata'ala, sangkamma bala niaka nipau lalang ri anne kittaka.

1 SAMUEL 4:8

Cilaka tojeng maki'. Inaimi akkulle ampasalamakki' battu ri anjo rewata-rewata kassaka? Sai ia tomminjo rewata-rewataya le'ba' ambunoi tu Mesirka ri parang lompoa riolo?