KALAPPASSANG 9:10 - KITTA' MATANGKASA'

¹⁰ Nampa naallemo Musa siagang Harun anjo aua, na mange andallekang ri karaenga. Napakioro'mi Musa anjo aua nai'. Ammumbami lattanga ri kalenna taua siagang olo'-oloka, nampa reppe' a'jari bokka' a'nanaya.

KALAPPASSANG 9:10 ပူးပေါင်းရင်းမြစ်များ

KALAPPASSANG 9:11

Sikamma tau niaka pangngissenganna ri anjo tu Mesirka tena ngaseng nakkulle mange andallekang ri Musa lanri rassi ngasengi kalenna ke'nanga siagang lattang sangkamma tu Mesir maraenganga.

KALAPPASSANG 9:8

Nakanamo Batara ri Musa siagang Harun, “Angngalleko siapa are kangkanna au battu ri tampa' pattunuanga. Nampa musti napakioroki Musa anjo aua nai', ri dallekanna karaenga.

KALAPPASSANG 9:9

Anjo aua latassiaraki mange ri sikontu pa'rasangang Mesir. Anjo aua la'jari lattangi mae ri kalenna taua, reppeka a'jari bokka'-bokka' nia' nanana.”

PAOLE 28:27

LaNahukkungko Batara siagang garring lattang, sangkamma le'baka Nagaukang mae ri tu Mesir. Larassi kalennu siagang puru lompo siagang puru katala', nampa tena pa'ballena.