KALAPPASSANG 8:32 - KITTA' MATANGKASA'

³² Mingka anne kamma kapala batumi sedeng karaenga siagang tanakellaiyai a'lampa anjo bansaya.

KALAPPASSANG 8:32 ပူးပေါင်းရင်းမြစ်များ

KALAPPASSANG 4:21

Nakana Batara ri Musa, “Le'ba' mako Kusare koasa untu' anggaukangi gau'-gau' malompoa. Jari punna ammotere' mako sallang ri Mesir, gaukammi anjo sikamma gau'-gau' malompoa ri dallekanna Karaeng Mesir. Mingka laKupa'jari terasaki pa'mai'na, sa'genna taeroka assarei ising untu' a'lampa anjo bansaya.

KALAPPASSANG 8:15

Ri wattunna nacini' karaenga angkanaya mate ngasemmi anjo tumpanga, kapala batumi pole. Na kamma le'baka Napau Batara, taerokai karaenga anjampangi kananna Musa siagang Harun.

KALAPPASSANG 8:31

na niturukimo ri Batara anjo pappala' doanna Musa. Anri'ba' ngasemmi anjo katingaloa na nabokoi karaenga, sikamma pagawea siagang ra'yaka. Tena manna sikayu ammantang.

KALAPPASSANG 8:8

Nakio'mi Karaenga Musa siagang Harun nampa nakana, “Appala' doang mako mae ri Batara sollanna Napa'lanynya' anne sikamma tumpanga, nampa kulappassang a'lampa bansanu untu' mange assare koro'bang mae ri Batara.”

KALAPPASSANG 9:7

Napakkuta'nangngammi karaenga anjo apa kajarianga; nampa nicaritamo ri ia angkanaya olo'-olo' piarana tu Israel manna sikayu tania' mate. Mingka kapala batu iji karaenga siagang taerokai allappassangi anjo bansaya a'lampa.

YESAYA 63:17

O Batara, angngapa Kibalang parekangi ikambe lingu? Angngapa Kipa'jari terasaki nyawana ikambe sa'genna tamallakka ikambe mae ri Katte? Ammotere' lalo maKi' lanri ata-atanTa, lanri ummatTa, pisakaTa.

ROMA 2:5

Mingka kapala batu ngasengko siagang taerokako ampinrai gau'nu. Jari battu ri kau ngaseng tonji napila' battala' hukkungang lanugappaya sallang punna Allo Kiama', iamintu punna Napa'nyata sallang pangngalarroiNa Allata'ala siagang Napabattu hukkunganNa adeleka.

1 SAMUEL 6:6

Apa matu-matunnu ampatterassangi ulunnu sangkamma karaeng Mesir riolo? Teako kaluppai antekamma bateNa Allata'ala ampare' karek-karenangi ke'nanga, sa'genna jarra ke'nanga, nampa Nalappassang anjo tu Israel ambokoi Mesir.