KALAPPASSANG 8:22 - KITTA' MATANGKASA'

²² Mingka pantaranganna anjo, daera Gosyen tena nalanituju, lanri anjo pammantanganna ummakKu. Anjoreng tena nalania' katingalo, sollanna nuasseng ngaseng angkanaya iNakke, Batara, anggaukangi anjo kammaya.

KALAPPASSANG 8:22 ပူးပေါင်းရင်းမြစ်များ

PA'JARIANG 46:34

pauammi angkana battu ri ca'dinu iji nummarakaimo olo'-olo' piara sangkamma boe-boenu. Lanri kammana, lanasuro ngaseng mako ammantang ri Daera Gosyen.” Akkana kammami anjo Yusuf, lanri tu Mesirka nakanai kalenna tuna assibengkoro' siagang sikamma pakalawakia.

PAMMUJI 110:2

Battu ri Sion laNapa'la'ba Batara kakaraenganNa; makoasa mako mae ri musu-musunnu!

PAMMUJI 74:12

Battu rioloji naiKatte Karaengku, o, Allata'ala, iKattemi ampasalamaki ikambe.

KALAPPASSANG 10:23

Tena sikalimo nakkulle accini' apa-apa tu Mesir anjo wattua, sa'genna tenamo manna sitau a'lampa-lampa. Mingka ri balla'na tu Israel tuli singara'naja.

KALAPPASSANG 12:13

Anjo cera' niaka ri pakke'bu' balla'nu la'jari pammatei mae ri sikamma balla' pammantangannu. Punna Kuciniki anjo ceraka, laKulaloiko siagang tena naKupanrakiko ri wattunna Kuhukkung Mesir.

KALAPPASSANG 19:5

Kamma-kamma anne punna mannurukiko mae ri Nakke siagang majarrekko ri parjanjiangKu, laKupa'jariko umma' KalengKu. Sikontu buttaya ikau ampatangi, mingka ikau la'jariko umma' nikarimangngingKu,

KALAPPASSANG 20:11

Lalang wattu annang allo, iNakke, Batara, Kupa'jari buttaya, langika, tamparanga, siagang sikontu apa niaka lalang, mingka ri makatujuna alloa ammari-mariA'. Iaminjo saba'na iNakke, Batara, Kubarakkaki Allo Pammari-marianga siagang Kusa'laki untu' KalengKu.

KALAPPASSANG 7:17

Lanri kammana anjo, kammaminne kananNa Batara, ‘Battu ri apa Kugaukanga sallang, lanuassemmi angkanaya iNakkemi Batara.’ Anne takkanga laKupake antunrungi rateanna je'neka ri binangaya, nampa tappinra je'ne'na a'jari cera'.

KALAPPASSANG 7:5

Jari lanaassemmi tu Mesir angkanaya iNakkemi anne Batara, ri wattunna Kuhukkung ke'nanga siagang Kuerang tu Israel assulu' battu ri pa'rasanganna ke'nanga.”

KALAPPASSANG 8:10

Appialimi anjo karaenga angkana, “Pappala' doangamma' ammuko.” Nakanamo Musa, “Lakugaukangi apa kipalaka karaeng. Na lakiassemmo angkanaya tena ruanna Allata'ala sangkammaya Batara, Allata'alana ikambe.

KALAPPASSANG 8:21

Punna taerokako, lappabattuA' katingalo mae ri kau, mae ri sikamma pagawenu siagang ra'yaka. Sikamma balla'na tu Mesir, ba'lalo sikontu pa'rasanganga larassi siagang katingalo.

KALAPPASSANG 8:23

Lania' passisalanna ummakKu siagang ra'ya'nu. Anjo gau' malompoa lakajariangi ammuko.”

KALAPPASSANG 9:26

Poro daera Gosyen bawang, iamintu tampa' pammantangnganna tu Israel, tena nitujui ri anjo bosi eska.

KALAPPASSANG 9:29

Nakanamo Musa ri karaenga, “Tasalloai battuku assulu' ri pantaranna kotaya, lakuangkaki limangku untu' appala' doang ri Batara. Anjo gunturuka siagang anjo bosi eska lammari siagang la'jari sannangi, sollanna kiasseng karaeng, angkanaya anne buttaya Batara pata.

KALAPPASSANG 9:4

LaKupasisalai olo'-olo' piarana tu Israel siagang olo'-olo' piarana tu Mesir. Tena olo'-olo' piarana tu Israel manna sikayu lamate.

KALAPPASSANG 9:6

Ammukona Nagaukammi Batara situru' anjo apa le'baka Napau. Sikontu olo'-olo' piarana tu Mesir mate ngasemmi, mingka olo'-olo' piarana tu Israel manna sikayu tania' mate.

YEHEZKIEL 30:19

Kammami anjo batena laKuhukkung Mesir, nampa naassemmo ke'nanga angkanaya iNakke Batara.”

MALEAKHI 3:18

Lanaciniki pole ummakKu passimmaraenna dalle'na tau bajika siagang tau ja'dalaka, tau anynyombaya ri Nakke siagang tau tenaya nanynyomba ri Nakke.”