KALAPPASSANG 8:16 - KITTA' MATANGKASA'

¹⁶ Nakana Batara ri Musa, “Suroi Harun antunrungi buttaya siagang takkanna, nampa tappinra ngaseng sikontu limbu'bu' niaka ri Mesir a'jari lamu'.”

KALAPPASSANG 8:16 ပူးပေါင်းရင်းမြစ်များ

PAMMUJI 105:31

Lanri parentaNa Allata'ala battumi katingaloa, siagang sikamma lamuka angkatulungi anjo sikontu pa'rasanganga.

KALAPPASSANG 4:23

siagang ikau Kuparentakang mako sollanna nusare ising anjo anakKu untu' a'lampa, sollanna akkulle nagaukang ibadana mae ri Nakke; mingka nutollaki anjo parentaKu. Kamma-kamma anne laKubunoi ana'nu toaya.’ ”

KALAPPASSANG 5:1

Nampa a'lampamo Musa siagang Harun mange andallekang ri Karaeng Mesir. Nakana ke'nanga, “Kammaminne parentaNa Batara, Allata'alana Israel, ‘Sarei ising bansaKu a'lampa sollanna akkulle ke'nanga anggaukangi ibadana mae ri Nakke ri parang lompoa.’ ”

KALAPPASSANG 8:15

Ri wattunna nacini' karaenga angkanaya mate ngasemmi anjo tumpanga, kapala batumi pole. Na kamma le'baka Napau Batara, taerokai karaenga anjampangi kananna Musa siagang Harun.

KALAPPASSANG 8:17

Nampa natunrummo Harun buttaya siagang takkanna, sa'genna tappinramo sikontu limbu'buka ri Mesir a'jari lamu' angkatulungai taua siagang olo'-oloka.

KALAPPASSANG 8:18

Ero' tommi sikamma tau niaka pangngissenganna ampajappai pangngissenganna appa'nia' lamu', mingka takkulleai ke'nanga. Kemae-kemae nia' lamu',

KALAPPASSANG 8:5

Nakana Batara ri Musa, “Suroi Harun ampajonjoi takkanna ri tompo'na sikamma binanga-binangaya, sikamma solonganga siagang kollang-kollanga, sollanna ammumba anjo tumpanga ri kere-keremae na napirassi butta Mesir.”