KALAPPASSANG 8:13 - KITTA' MATANGKASA'

¹³ Naturukimi Batara anjo pappala'na Musa, sa'genna mate ngasemmo sikontu tumpang niaka ri sikamma ballaka, ri sikamma paranglakkenga, kammayatompa ri sikamma kokoa.

KALAPPASSANG 8:13 ပူးပေါင်းရင်းမြစ်များ

1 PATTOTTORANG 23:28

Musti nabantui imang-imang turunganna Harun lalang anggaukangi pa'gaukang sambayanga lalang ri Balla'Na Batara, amparakai parang lakkenna siagang sikamma kamaraka lalang ri anjo Balla'Na Batara, siagang sollanna yangasenna apa-apa le'bakamo nipa'jari tangkasa' untu' Batara tena na'jari ra'masa'.

PAMMUJI 105:31

Lanri parentaNa Allata'ala battumi katingaloa, siagang sikamma lamuka angkatulungi anjo sikontu pa'rasanganga.

KALAPPASSANG 8:11

Iami lallappassangki', siagang sikamma pagawea kammayatompa ra'yaka battu ri anjo sikamma tumpanga. Talaniakkamo tumpang ri sikamma ballaka, pantaranganna ri Binanga Nil.”

KALAPPASSANG 8:12

Nampa a'lampamo Musa siagang Harun ambokoi karaenga. Nampa appala' doang Musa mae ri Batara sollanna Napa'lanynya' anjo sikamma tumpang Napabattua mae ri karaenga.

KALAPPASSANG 8:14

Napasse'remi tu Mesir anjo sikontu tumpang matea, sa'genna attambung-tambung, na'rasamo botto'na ri sikontu pa'rasanganga.