KALAPPASSANG 8:12 - KITTA' MATANGKASA'

¹² Nampa a'lampamo Musa siagang Harun ambokoi karaenga. Nampa appala' doang Musa mae ri Batara sollanna Napa'lanynya' anjo sikamma tumpang Napabattua mae ri karaenga.

KALAPPASSANG 8:12 ပူးပေါင်းရင်းမြစ်များ

PAMMUJI 105:31

Lanri parentaNa Allata'ala battumi katingaloa, siagang sikamma lamuka angkatulungi anjo sikontu pa'rasanganga.

KALAPPASSANG 10:18

A'lampami Musa ambokoi karaenga nampa appala' doang mae ri Batara.

KALAPPASSANG 32:11

Napala'mi Musa mae ri Karaeng Allata'alana, nakana, “O, Batara, angngapa namusti kamma anjo Kigaukang mae ri ke'nanga? Sai iKatte ampasalamaki ke'nanga battu ri Mesir siagang kakoasanTa na kagassingang lompoTa?

KALAPPASSANG 8:13

Naturukimi Batara anjo pappala'na Musa, sa'genna mate ngasemmo sikontu tumpang niaka ri sikamma ballaka, ri sikamma paranglakkenga, kammayatompa ri sikamma kokoa.

KALAPPASSANG 8:30

A'lampami Musa ambokoi karaenga, nampa appala' doang ri Batara,

KALAPPASSANG 8:8

Nakio'mi Karaenga Musa siagang Harun nampa nakana, “Appala' doang mako mae ri Batara sollanna Napa'lanynya' anne sikamma tumpanga, nampa kulappassang a'lampa bansanu untu' mange assare koro'bang mae ri Batara.”

KALAPPASSANG 9:33

Nampa nabokoimo Musa anjo karaenga na'lampa assulukang kota; anjoreng naangka'mi limanna appala' doang ri Batara. Anjo memang wattua ammarimi gunturuka, bosi eska siagang bosia.

YEHEZKIEL 36:37

Nakana Batara Kaminang Tinggia, “He bansa Israel, Kupa'biang mako ammotere' appala' tulung mae ri Nakke; laKutambai jainu, sanrapang pa'rappungang gimbalaka jaina.

1 SAMUEL 12:23

Na ri passala'na inakke, tapporo tena lalo kudoraka ri Batara lanri tenana kupappala' doangangko. Mingka tuli lakupangngajarrangi mae ri kau apa-apa bajika siagang tojenga.