KALAPPASSANG 7:6 - KITTA' MATANGKASA'

⁶ Nagaukammi Musa siagang Harun anjo apa Naparentakanga Batara.

KALAPPASSANG 7:6 ပူးပေါင်းရင်းမြစ်များ

PA'JARIANG 22:18

Sikontu bansaya ri lino lanapalaki ri kau sollanna Kubarakkaki ke'nanga, sangkamma Kubarakkakinna turungannu, lanri mannurukinnu ri parentaKu.”

PA'JARIANG 6:22

Nagaukang ngasemmi Nuh anjo sikontu apa Napassuroanga Allata'ala mae ri ia.

PA'JARIANG 7:5

Nampa nagaukang ngasemmo Nuh anjo sikontu apa Napassuroanga Batara mae ri ia.

PAMMUJI 119:4

Kisarei ikambe hukkunTa, o, Batara, sollanna nagaukang ikambe siagang pa'mai' tamamminra.

KALAPPASSANG 12:28

Nampa a'lampa ke'nanga siagang nagaukang anjo apa Naparentakanga Batara mae ri Musa siagang Harun.

KALAPPASSANG 39:43

Naparessami Musa yangasenna anjo jama-jamanga na nacini'mo angkanaya le'ba' ngasemmi napa'le'ba' ke'nanga anjo jama-jamanga situru' apa Naparentakanga Batara. Nampa nabarakkakimo Musa anjo ke'nanga.

KALAPPASSANG 40:16

Nagaukammi Musa sikontu anjo apa Naparentakanga Batara.

KALAPPASSANG 7:10

Jari a'lampami Musa siagang Harun andallekang ri karaenga siagang nagaukammi anjo apa Naparentakanga Allata'ala. Nabuangi Harun takkanna ri buttaya ri dallekanna karaenga siagang sikamma pagawena, nampa a'jari ulara'mo anjo takkanga.

KALAPPASSANG 7:2

Pauangi Harun sikontu apa Kuparentakanga mae ri kau. Suroi Harun ampaui mae ri karaenga angkanaya musti nakellai tu Israel ambokoi pa'rasangang Mesir.

KALAPPASSANG 7:20

Nagaukammi Musa siagang Harun anjo apa Naparentakanga Batara. Ri dallekanna karaenga siagang sikamma pagawena, naangka'mi Harun takkanna siagang natunrummi je'ne'na Binanga Nil, sa'genna tappinramo a'jari cera' je'ne'na.

YOHANES 15:10

Punna nugaukang apa-apa Kuparentakanga, ma'nassami angkanaya tuli jarre' mako ri pangngamaseangKu; sangkamma iNakke tuli jarreKa' ri pangngamaseanNa Manggea, lanri Kugaukanna parenta-parentaNa.

YOHANES 15:14

Ikau ngasemmi antu passari'battangangKu, punna nugaukangi apa Kuparentakanga ri kau.