KALAPPASSANG 7:4 - KITTA' MATANGKASA'

⁴ Lanri kammana anjo laKuhukkungi Mesir siagang hukkungang-hukkungang battala', nampa Kuerang sikontu bansa Israel, ummakKu, assulu' battu ri anjo pa'rasanganga.

KALAPPASSANG 7:4 ပူးပေါင်းရင်းမြစ်များ

KALAPPASSANG 10:1

Nakanamo Batara ri Musa, “A'lampako mange andallekang ri karaenga. Le'ba'mi Kupa'jari kapala batu ngaseng siagang sikamma pagawena, sollanna akkulle Kugaukang gau'-gau' malompoa ri tangnga-tangngana ke'nanga,

KALAPPASSANG 11:9

Nakanamo Batara ri Musa, “Tena nalanajampangi karaenga kanannu, sollangKu akkulle pila' jai gau' malompo Kugaukang ri sikontu Mesir.”

KALAPPASSANG 12:51

Anjo alloa Naerammi Batara sikontu bansa Israel assulu' battu ri Mesir.

KALAPPASSANG 13:3

Nakanamo Musa mae ri bansa Israel, “Anne alloa Nalappassang mako Batara lalang koasa malompoNa, sa'genna akkulle mako assulu' battu ri Mesir, tampa'nu nipare' ata. Lanri kammana anjo, pakalompomi anne alloa. Teako angnganrei roti ammakea pa'gambang.

KALAPPASSANG 13:9

Anne passua'-suarranga anjari pangngu'rangi mae ri kau, sanrapang pammatei nisikkoka ri limannu yareka pammatei ri abannu. Anne passua'-suarranga anjari pappiu'rangi mae ri kau sollanna tuli nubicara siagang tuli nupilajari Hukkung-hukkunNa Batara; saba' Napasulukko Batara battu ri Mesir siagang koasa malompoNa.

KALAPPASSANG 18:8

Nacaritami Musa mae ri matoanna sikontu apa le'baka Nagaukang Batara mae ri Karaeng Mesir siagang sikontu bansaNa untu' ampasalamaki tu Israel. Nacarita tommi mae ri ia ri passala'na sikamma kasukkarang nadallekanga bansa Israel ri tangngana aganga, siagang antekamma bateNa Batara ampasalamaki ke'nanga.

KALAPPASSANG 3:19

Nampa Nakana pole Allata'ala, “Kuassengi angkanaya taerokai Karaeng Mesir allappassangko a'lampa, pantaranganna punna nipassai.

KALAPPASSANG 3:20

Mingka laKupakei kakoasangKu, siagang laKuhukkungi Mesir, iamintu Kupitujui siapa are bala lompo. Le'baki anjo, lanasare mako ising untu' a'lampa.

KALAPPASSANG 6:1

A'bicarami Allata'ala mae ri Musa nakana, “INakkemi Batara.

KALAPPASSANG 6:26

Iaminjo ke'nanga sipa'rua andallekang ri Karaeng Mesir sollanna nalappassang tu Israel.

KALAPPASSANG 6:6

LaKupa'jariko ummakKu, siagang iNakke a'jari Allata'alanu. Na lanuassemmo angkanaya iNakkemi anne Batara, Allata'alanu, le'baka allappassangko battu ri Mesir, ampare' atayako.

KALAPPASSANG 7:13

Mingka manna nakamma tuli kapala batuna karaenga taeroka anjampangi kana-kananna Musa siagang Harun, sangkamma le'baka Nakana Batara.

KALAPPASSANG 7:16

Pauangi anjo karaenga angkana: Batara, Allata'alana tu Ibrania, Nasuroa' ampabattui mae ri katte, sollanna kilappassang a'lampa umma'Na mange untu' anggaukangi ibadana mae ri Ia ri parang lompoa. Mingka sa'genna kamma-kamma anne tena kiero' appilangngeri.

KALAPPASSANG 8:15

Ri wattunna nacini' karaenga angkanaya mate ngasemmi anjo tumpanga, kapala batumi pole. Na kamma le'baka Napau Batara, taerokai karaenga anjampangi kananna Musa siagang Harun.

KALAPPASSANG 8:19

sa'genna nakanamo anjo sikamma tau niaka pangngissenganna mae ri karaenga, “Anne panggaukanNa Allata'ala.” Mingka kapala batui anjo karaenga. Na kamma le'baka Napau Batara, taerokai anjo karaenga anjampangi kananna Musa siagang Harun.

KALAPPASSANG 9:12

Mingka nipa'jari terasa' iji ulunna anjo karaenga ri Batara, na sangkamma le'baka Napau Batara, taerokai anjo karaenga anjampangi kananna Musa siagang Harun.

KALAPPASSANG 9:3

lappabattuA' garring lompo mae ri sikontu olo'-olo' piaranu, kammayami jaranga, keledaia, untaya, sapia, gimbalaka, siagang bembea.

PANGNGEBARANG 19:29

Tau tolo tinggi langgaya mattantu laniba'ji.

YESAYA 26:9

Punna bangngi, nakkuki nyawaku mae ri Katte, punna bari'basa' mattayangi atingku. Punna sallang Kiadeli buttaya, lanaassemmi pandudu'na linoa apa annabaya.

PIRAUNG 3:3

A'mole-molea' niba'ji, tuntungallo tamangngamaseang.

YEHEZKIEL 14:21

Nakana Batara Kaminang Tinggia, “LaKupabattui appaka hukkungang kaminang hebaka mae ri Yerusalem untu' angngancuruki baji' narupataua kammayatompa olo'-oloka. Anjo appaka hukkungang iamintu: bundu', kacipurang, olo'-olo' sekke' siagang garring.

YEHEZKIEL 25:11

LaKuhukkungi Moab, nampa naassemmo angkanaya iNakkemi Batara.”

YEHEZKIEL 30:14

Sikontu Mesir bageang timboro' laKupa'jari sino sikali siagang kota Soan ri bageang wara' laKutunui. Tebe, anjo ibukotaya laKuhukkungi,

YEHEZKIEL 30:19

Kammami anjo batena laKuhukkung Mesir, nampa naassemmo ke'nanga angkanaya iNakke Batara.”

PAPPICINI' 15:4

Inai tamallakka ri Katte, Batara? Inai taeroka ampa'la'bangi kalompoanTa? IKatteji bawang matangkasaka. Sikontu bansaya labattui anynyomba ri Katte, nasaba' nacini' ngasemmi sikontu taua kaadelang le'baka Kigaukang.”

PAPPICINI' 16:7

Nampa nia' kulangngere' sa'ra battu ri tampa' pakkoro'bangnganga angkana, “Batara, Allata'ala Kaminang Koasaya, annabai siagang adeleki sikamma hukkungang le'baka Kitappuki!”

PAPPICINI' 19:2

Adeleki siagang annabai pangngadelanNa! Napabattumi hukkunganNa mae ri pasundala' lompoa, ampanrakiai linoa siagang gau' bawanna. Le'ba'mi Nahukkung Allata'ala anjo pasundalaka, lanri nabunona sikamma ata-atanNa Allata'ala.”

HAKING-HAKING 2:15

Ia namange ke'nanga a'bundu', tuli nibaliangi ke'nanga ri Batara, situru' apa le'bakamo nipappakaingakkang mae ri ke'nanga. Jari nitujumi ke'nanga ri susa lompo.