KALAPPASSANG 7:18 - KITTA' MATANGKASA'

¹⁸ Lamate ngasengi jukuka, siagang anne binangaya la'rasa bottoki, sa'genna takkullea bansa Mesir angnginungi je'ne'na.”

KALAPPASSANG 7:18 ပူးပေါင်းရင်းမြစ်များ

KALAPPASSANG 7:21

Mate ngasemmi sikamma juku' niaka lalang ri anjo binangaya. Sanna' botto'na rasanna, sa'genna takkulleamo tu Mesir angnginungi anjo je'neka. Nia'mo cera' ri sikontu butta Mesir.

KALAPPASSANG 7:24

Angngeke ngasemmi bungung sikontu tu Mesir ri birinna binangaya untu' a'boya je'ne' inung, lanri takkullena niinung je'ne'na anjo binangaya.

YESAYA 19:6

Sikamma tarrusang je'neka la'rasa bottoki ri wattunna pila' cappu' je'nena. Borong nipaya siagang rukuka la'jari kalumengi.

PAMMILANGNGANG 11:20

mingka sibulangi lanukanre turus, sa'gennu a'jari garring siagang ta'langnge-langnge napakamma. Kammaminjo kajarianna lanri nutolla'na Batara niaka ri tangnga-tangnganu. Kammayatompa lanri angngarru'nu siagang akkunrarennu ri dallekanNa angkanaya nubokoimi Mesir.”

PAMMILANGNGANG 21:5

siagang a'moro-moromi ke'nanga mae ri Allata'ala siagang mae ri Musa. Angkanai ke'nanga, “Angngapa nanuerangi ikambe assulu' battu ri butta Mesir? Apaka erokko ambunoi ikambe ri anne parang lompoa? Anrinni tena kanre, siagang manna je'ne' tena todong. Ero'mi ta'langnge ikambe napakamma anne kanre la'baya!”