KALAPPASSANG 7:17 - KITTA' MATANGKASA'

¹⁷ Lanri kammana anjo, kammaminne kananNa Batara, ‘Battu ri apa Kugaukanga sallang, lanuassemmi angkanaya iNakkemi Batara.’ Anne takkanga laKupake antunrungi rateanna je'neka ri binangaya, nampa tappinra je'ne'na a'jari cera'.

KALAPPASSANG 7:17 ပူးပေါင်းရင်းမြစ်များ

1 KARAENG-KARAENG 20:28

Nampa nia'mo sitau na'bi battu mae ri Karaeng Ahab siagang angkana, “Iaminne Nakananga Batara: ‘Lanri anjo tu Siria nakanangi ri daera pa'moncongangi bawang jari kakoasangKu na tena ri lappara' rawaya, laKusareko pammetang mae ri anjo tantarana ke'nanga, sannaka ta'liwa'na jaina. Ikau siagang ra'ya'nu lanuassengi angkanaya iNakkemi Batara.’ ”

2 KARAENG-KARAENG 19:19

O Batara, Allata'alana ikambe, Kilappassang laloi ikambe battu ri anjo tu Asyur, sollanna akkulle naasseng sikontu bansaya ri lino angkanaya iKatteji bawang Allata'ala.”

PAMMUJI 105:29

Napinrai binangana ke'nanga a'jari cera', sa'genna panra' ngaseng juku'na.

PAMMUJI 78:44

Sikamma binangana ke'nanga napinrai a'jari cera', sa'genna takkulleamo ke'nanga angnginungi je'ne'na.

PAMMUJI 83:18

Boli'mi kamma tuli nipakasiri' siagang malla' ke'nanga, boli'mi kamma mate lalang hina ke'nanga.

PAMMUJI 9:16

Bansa-bansa tenaya naassengKi' tu'guru' antama' ri kali'bong nakekea kalenna ke'nanga; nialle ri sikko' napare' kalenna ke'nanga.

KALAPPASSANG 1:22

Appasulu'mi parenta karaenga mae ri sikontu ra'ya'na angkana, “Sikontu ana' bura'ne beru lassuka ri tu Ibrania musti nipelaki antama' ri Binanga Nil, mingka sikontu ana'na bainea akkullei nilappassang attallasa'.”

KALAPPASSANG 10:2

siagang sollanna akkulle nucarita mae ri ana' cucunnu antekamma batena Kupare' karek-karenang bansa Mesir lanri sikamma anjo gau' malompoa. Jari lanuasseng ngasemmi angkanaya iNakkemi Batara.”

KALAPPASSANG 4:9

Punna tena ijapa naero' tappa' ke'nanga manna pole nale'ba'mo nacini' anne ruaya gau' malompo, siagang taerokai ke'nanga anjampangi kana-kanannu, angngalleko sike'de' je'ne' battu ri Binanga Nil nampa nupatiri' naung ri buttaya. Latappinrai anjo je'neka a'jari cera'.”

KALAPPASSANG 5:2

Akkuta'nammi karaenga angkana, “Inaika anjo Batara? Angngapa naIa musti kujampangi na kusare ising bansa Israel a'lampa? Tena nakuassengi anjo Batara, siagang tena nakupassareang a'lampa tu Israel.”

KALAPPASSANG 6:7

LaKuerangko mange ri pa'rasangang Kupa'janjianga ammake sumpa mae ri Abraham, Ishak siagang Yakub; Kupassareangi anjo buttaya mae ri kau a'jari ikau ampatangi. INakkemi Batara.”

KALAPPASSANG 7:20

Nagaukammi Musa siagang Harun anjo apa Naparentakanga Batara. Ri dallekanna karaenga siagang sikamma pagawena, naangka'mi Harun takkanna siagang natunrummi je'ne'na Binanga Nil, sa'genna tappinramo a'jari cera' je'ne'na.

KALAPPASSANG 7:5

Jari lanaassemmi tu Mesir angkanaya iNakkemi anne Batara, ri wattunna Kuhukkung ke'nanga siagang Kuerang tu Israel assulu' battu ri pa'rasanganna ke'nanga.”

YEHEZKIEL 25:17

LaKuhukkung lompoi ke'nanga siagang laKupa'betteseki larro boli'-bolikKu sa'genna sangga pakkasiakKu. Punna napisa'ringi ke'nanga pangngalarroingKu, naassemmi ke'nanga angkanaya iNakkemi Batara.”

YEHEZKIEL 29:9

Mesir la'jari butta sino. Jari nuassemmi angkanaya iNakke Batara.” Nakana Batara, “He karaeng Mesir! Lanri nukanana angkanaya anjo Binanga Nil ikau pata, siagang angkanaya ikau ampareki,

YEHEZKIEL 30:19

Kammami anjo batena laKuhukkung Mesir, nampa naassemmo ke'nanga angkanaya iNakke Batara.”

YEHEZKIEL 30:8

Punna Kutunu Mesir siagang Kubuno kabusu' naaganga sita'gala', naassemmi ke'nanga angkanaya iNakkemi Batara.

YEHEZKIEL 32:15

Punna Kupa'jari Mesir parang lompo sino, kammayatompa Kupanraki sikontu apa ammantanga anjoreng, lanaassemmi ke'nanga angkanaya iNakkemi Batara.

YEHEZKIEL 32:6

Cera'nu laKutumpai sa'genna nabasai sikamma buluka siagang narassi sikamma binangaya.

YEHEZKIEL 38:23

Kammami anjo caraKu lampappicinikangi mae ri sikontu bansaya angkanaya iNakke la'birikKa' Kumatangkasa'. Jari lanaassemmi ke'nanga angkanaya iNakkemi Batara.”

YEHEZKIEL 39:28

Jari naassemmi ummakKu angkanaya iNakkemi Karaeng Allata'alana ke'nanga. Nasaba' iNakke angkiringi ke'nanga mange ri butta pammelakkanga, mingka iNakke todong angngerangi ke'nanga ammotere' mange ri pa'rasangang kalenna ke'nanga, natena manna sitau battu ri ke'nanga nibokoi anjoreng.

DANIEL 4:17

Iaminjo kaputusanna ikambe malaeka'-malaeka' tutua siagang jaga-jagaya. Ero'na ikambe iamintu sollanna sikontu taua ri kere-keremae naani angkanaya Allata'ala Kaminang Tinggia makoasa mae ri kakaraengang rupataua siagang anjo kakaraenganga Napassareangi manna pole ri nai Napilea, ba'lalo tau kaminang tenaya pole anggaranna!’

DANIEL 4:32

Lanibongkako battu ri pa'rappunganna rupataua, nampa attallasakko siagang olo'-oloka ri paranga. Lalang tuju taung langnganreko ruku' sangkamma sapi. Le'baki anjo lanumangakuimi angkanaya Allata'ala Kaminang Tinggia makoasa mae ri kakaraenganna rupataua siagang anjo kakaraenganga nipassareangi mae ri nai-nai Napilea.”

DANIEL 4:37

Jari kamma-kamma anne, inakke Nebukadnezar, kupuji, kupakatinggi siagang kupakala'biriki Karaenga ri Suruga. Sikontu Nagaukanga annabai siagang adeleki, siagang akkullei Napakatuna tau tampoa panggaukanna.

DANIEL 5:21

Nibongkai battu ri pa'rappunganna rupataua siagang akkala'na a'jari sangkammai akkala' olo'-olo'. Attallasaki siagang keledai romanga, angnganrei ruku' sangkamma sapi siagang attinroi ri parang tassungkea sa'genna nibasai ri allung. Kala'busanna namangakuimi angkanaya Allata'ala Kaminang Tinggia makoasa mae ri kakaraenganna rupataua siagang anjo kakaraenganga Napassareangi mae ri inai-nai Napilea.

DANIEL 5:23

Kipakatinggi kalenta mae ri Batara niaka ri suruga siagang baraniki' ansuro erangi antama' mangko'-mangko' le'baka nirampasa' battu ri Balla'Na Batara. Nampa ikatte siagang sikamma tumalompota, sikamma bainenta siagang baine piarata angnginungi battu ri anjo mangko'-mangkoka. Ammuji-mujiki' mae ri rewata-rewata nipareka battu ri bulaeng, pera', tambaga, bassi, kayu siagang batu, iamintu rewata-rewata tenaya nakkulle accini' yareka allangngere' yareka ammahang apa-apa. Tena kipakalompoi Allata'ala ampattantuai tallasatta siagang mateta siagang ampattantuai oloang katallassanta.

PAPPICINI' 11:6

Nia' kakoasanna ke'nanga untu' antongkoki langika sollanna tena naturung bosia ri wattu napa'la'banna ke'nanga biritta battua ri Allata'ala. Nia' todong kakoasanna ke'nanga mae ri sikontu timbuseng je'neka, untu' ampinrai je'neka a'jari cera'. Siagang nia' todong kakoasanna untu' antunrungi buttaya siagang a'rupa-rupa bala, kere-kere wattu punna ero' ke'nanga anggaukangi.

PAPPICINI' 8:8

Nampa napasa'ra tarompe'na malaeka' makaruaya; nia'mo apa-apa sanna' lompona, kammaya nicini' bulu' a'rinra-rinraya, nipasambilaya antama' ri tamparanga. Amminrami a'jari cera' bage talluna tamparanga,