KALAPPASSANG 6:5 - KITTA' MATANGKASA'

⁵ Jari pa'la'bammi pabattu mange ri bansa Israel angkanaya Kukana ri ke'nanga: iNakke Batara; laKulappassangko battu bansa Mesir, ampare' atayako. LaKupappicinikangi kakoasangKu malompoa untu' ampasalamakko siagang Kuhukkung battala' bansa Mesir.

KALAPPASSANG 6:5 ပူးပေါင်းရင်းမြစ်များ

PA'JARIANG 8:1

Tena nikaluppai Nuh ri Allata'ala siagang sikamma olo'-olo' niaka naagang lalang ri anjo kappalaka. Napa'nia'mi Allata'ala anging mammirika, sa'genna appakkaramulamo naung anjo je'neka.

PA'JARIANG 9:15

laKuu'rangi janjingKu mae ri kau siagang mae ri sikontu apa-apa attallasaka, iamintu angkanaya tenamo nalaniancuru' sikontu apa-apa attallasaka ri a'ba lompoa.

PAMMUJI 105:8

Tuli Nau'ranginna parjanjianNa, tappakei janjinNa satunggu-tungguna.

KALAPPASSANG 2:23

Attaung-taungi ribokoanganna, matemi Karaeng Mesir. Mingka tuli akkunrarenna bansa Israel lanri nipare' atana ke'nanga; sa'genna akkio'mo ke'nanga appala' tulung. Na anjo pakkio'na ke'nanga anrapiki mae ri Allata'ala.

KALAPPASSANG 2:24

Nipilangngerimi ke'nanga ri Allata'ala, siagang Nau'rangimi parjanjianNa siagang Abraham, Ishak, na Yakub.

KALAPPASSANG 3:7

Nampa Nakanamo Batara, “Kucini'mi kasessanna ummakKu ri Mesir, siagang Kulangngere'mi pakkio'na ke'nanga, ampalaki nilappassang battu ri sikamma tau anjallakkangai ke'nanga. Sikontutojenna Kuasseng ngasengi kasessanna ke'nanga.

KALAPPASSANG 5:4

Nakanamo karaenga ri Musa siagang Harun, “Angngapa nanukellai anjo ke'nanga ambalang parekangi jama-jamanna? Suroi anjo sikamma ataya anjama!

YESAYA 63:9

Ia KalenNa nituju ri kasusaanna ke'nanga. Tena Nakkiring Batara tunisuro yareka tunisare koasa; Ia KalenNa allappassangi ke'nanga lanri pangngamaseanNa siagang pangngarimanginNa. Tuli Naparakai ke'nanga battu riolo.

LUKAS 1:54

Natulungi Israel atanNa, lanri janji le'ba' Napare' mae ri boe-boeta.

LUKAS 1:72

Lanri ero'Na napappicinikang baji' atinNa ri tu riolota, na laNapa'rupa anjo janji matangkasa'Na.