KALAPPASSANG 5:9 - KITTA' MATANGKASA'

⁹ Passa ngasengi anjo taua pila' anjama battala', sollanna sibu' ri jama-jamanna, siagang tenamo kasampatanna allangngere' carita-carita balle-balle.”

KALAPPASSANG 5:9 ပူးပေါင်းရင်းမြစ်များ

2 KARAENG-KARAENG 18:20

Nukana kapang poro bicara bawang akkulle ansambeangi akkalaka siagang kakassakkanna tantaraya? Inai nupattoang sa'gennu barani angngewai Asyur.

AYUB 16:3

Angngapapi nupammari ngasengi anjo bicara kosonnu? Apa ampakalompoi nyawanu untu' appiali?

KALAPPASSANG 5:10

Assulu'mi anjo sikamma pajagaya siagang sikamma mandoroka nampa nakana mae ri tu Israel, “Naparentakangi karaenga sollanna tenamo nanisareko rarame.

KALAPPASSANG 5:8

Mingka suroi ke'nanga appare' batu bata tena nakurang jaina battu ri allo-allo le'baka. Eroki ke'nanga a'malasa'-malasa'; iaminjo saba'na natulusu' jai bicara ke'nanga sollanna nisare ising untu' a'lampa assare koro'bang mae ri Allata'alana ke'nanga.

YEREMIA 43:2

Nampa Azarya ana'na Hosaya siagang Yohanan ana'na Kareah kammayatompa sikontu tau maraeng tampoa ngaseng, nakana ri nakke, “A'balle-balleko. Tena Nasuroko Karaeng Allata'alana ikambe ampisangkai ikambe untu' a'lampa mange ammantang ri Mesir.

ZAKHARIA 1:6

Tete ri sikamma anjo na'bi atangKu ngaseng, Kupabattumi sikamma parentaKu siagang sikamma pappakaingakKu mae ri boe-boenu. Mingka tena najampangi ke'nanga sa'genna musti natanggongi ke'nanga kale'bakkang kajariang kodina. Nampa assesse' lalammo ke'nanga, siagang mangakumi ke'nanga mae ri Nakke angkanaya iNakke, Batara Kaminang Koasaya, le'ba' anghukkungi ke'nanga situru' kasalanna ke'nanga, siagang sangkamma apa le'baka Kupattantu.”

MALEAKHI 3:14

Nukana ngaseng, ‘Tena matu-matunna taua anynyomba ri Allata'ala. Apa matu-matunna nigaukang kawajibanta mae ri Batara Kaminang Koasaya, yareka nipappicinikang mae ri Ia angkanaya assesse' lalang maki' ri kasalanta?

EFESUS 5:6

Teako erokki nitipu ri bicara-bicara tenaya bonena. Nasaba' ia ngasemmi anne kammaya ampammumbai pangngalarroiNa Allata'ala mae ri tau tenaya namannuruki ri Ia.