KALAPPASSANG 5:21 - KITTA' MATANGKASA'

²¹ Nakanamo anjo sikamma mandoroka, “Naassengi Batara panggaukannu! LaNahukkungko sallang! Passabakkang ikaumi sipa'rua nanikabirisi ikambe ri karaenga siagang sikamma pagawena, sa'genna ero'mo ke'nanga ambunoi ikambe.”

KALAPPASSANG 5:21 ပူးပေါင်းရင်းမြစ်များ

PA'JARIANG 16:5

Nakanamo Sarai ri Abram, “Kupassareammi anjo atangku Hagar mae ri kau. Mingka naassennamo kalenna tianang, tenamo najampangia'. Anjo ikau pata sala. Tapporo Naadeliki' sipa'rua Batara passabakkang anne passalaka.”

PA'JARIANG 31:53

Allata'ala napakalompoa Abraham siagang manggeku Nahor la'jari haking mae ri katte.” Nampa assumpamo Yakub lanri Allata'ala nasombaya Ishak, manggena, untu' anrupai anjo janjinna.

PA'JARIANG 34:30

Nakanamo Yakub ri Simeon siagang Lewi, “Nususai ngasemma' antu. Kamma-kamma anne inakke nakabirisima' tu Kanaan, tu Feris kammayatompa sikontu tau niaka anrinni ri pa'rasanganga. Ikatte taunta tena najai. Punna asse're ngaseng anjo taua angngewa' siagang ambundukia', sikontu bija pammanakanta akkulle ngasengi naancuru'.”

2 SAMUEL 10:6

Nampa naassemmo kalenna tu Amon angkanaya anjo panggaukanna ke'nanga a'jari passabakkang nanimusumo ke'nanga ri Daud. Lanri kammana anjo assewami ke'nanga 20.000 jaina tantara tu Siria niaka ammantang ri Bet-Rehob siagang Zoba, siagang 12.000 jaina tantara battu ri Tob, kammayatompa karaenna pa'rasangang Maakha siagang 1.000 tau ana' buana.

1 PATTOTTORANG 19:6

Nampa naassemmo kalenna Karaeng Hanun siagang tu Amon angkanaya passala' panggaukanna ke'nanga nanimusu ke'nanga ri Daud. Lanri kammana anjo akkirimmi ke'nanga 34.000 kilo battala'na pera' mange ri Mesopotamia Bageang Rate, kammayatompa mange ri Maakha siagang Zoba ri Siria untu' assewa 32.000 kareta pa'bundukang siagang tantara a'jarang. Jari battumi tantarana Maakha siagang sikamma anjo kareta pa'bundukang nisewaya, nampa appare' kema ri ampi'na Medeba. Kammayatompa tu Amon, battu ngaseng tommi ke'nanga battu ri kota-kotana ke'nanga untu' a'bundu'.

KALAPPASSANG 14:11

Nampa nakanamo ke'nanga ri Musa, “Tenaka jera' ri Mesir, sa'genna nuerang ikambe sollanna anrinni ri tampaka mate ngaseng ikambe? Cini'mi apa kajarianna anjo panggaukannu!

KALAPPASSANG 15:24

A'moro-moromi anjo taua mae ri Musa siagang akkuta'nammi ke'nanga ri ia angkana, “Apamo laniinung?”

KALAPPASSANG 16:2

Anjoreng ri parang lompoa anjo, a'moro-moro ngasemmi ke'nanga mae ri Musa siagang Harun.

KALAPPASSANG 4:31

Jari tappa'mi ke'nanga; siagang nalangngere'namo ke'nanga angkanaya Naparhatikammi Batara bansa Israel kammayatompa Nacini'mi sikamma kasessanna ke'nanga, su'ju'mi ke'nanga anynyomba.

KALAPPASSANG 5:20

Ri wattunna assulu' ke'nanga battu ri balla' karaenga, assibuntulu'mi ke'nanga siagang Musa na Harun, niaka antayangi ke'nanga.

KALAPPASSANG 6:9

Nampa Nakanamo Batara mae ri Musa,

KATO'BA 10:1

Katingalo matea sikayu nabottoki minynya' bauka sibotolo', sike'de' katoloang ampelaki kacara'dekang tinggi dudua.

YESAYA 30:6

Kammaminne pappasanNa Batara ri passala'na sikamma olo'-olo' niaka ammantang ri butta bageang timboro', “Sikamma tunisuroa napilurangngimi keledaina siagang untana ke'nanga rassi hadia, nampa numalo ri daera jaia bahaya lanri napammantangngi singa, ulara' a'racung, siagang naga akka'nyi'. Sikontu anjo hadiaya napassareangi ke'nanga mae ri bansa tenaya kullena antulungi ke'nanga.

YO"EL 2:20

Anjo pasukang katimbang niaka battu wara' laKubongkai, sipa'gang Kuondangi mange ri parang kassika. Mange ri Tamparang Matea laKulusuru' barisang ri dallekang, mange ri Tamparang Tangngaya Kusorong barisang ri bokoanna. La'rasai sikamma bakkena. Kuancuruki ke'nanga lanri le'ba'na ke'nanga ansessa ngasengko.

PAMMILANGNGANG 14:22

angkanaya manna sitau anne sikamma taua tena lattallasa' untu' antama' ri pa'rasangang le'baka Kupa'janjiang mae ri boe-boena ke'nanga. Nasaba' taerokai ke'nanga mannuruki mae ri Nakke, siagang tulusu' ero'na ke'nanga ampaccoba-cobaiA'. Nampa le'ba'mi nacini' ke'nanga sioro'na cayaKu, siagang gau'-gau' malompo Kugaukanga ri Mesir siagang ri parang lompoa.

PAMMILANGNGANG 14:3

Untu' apa naNaerangki' Batara mange anjoreng ri pa'rasanganga? Mateki' sallang lalang pa'bundukanga nampa nijakkala' sikamma bainenta siagang ana'-anatta. Sai bajikangngangi ammotereka mange ri Mesir!”

1 SAMUEL 13:4

Mae ri sikontu bansa Israel napaumi Saul angkanaya le'baki nabuno panglimana tu Filistin, siagang angkanaya sanna'mi birisi'na tu Filistin mae ri tu Israel. Lanri kammana, amminawang turu'mi ra'yaka ri pakkio'na Saul untu' a'rappungang siagang ia ri Gilgal.

1 SAMUEL 27:12

Mingka Akhis napatappaki Daud na napikkiri' lalang ri atinna angkanaya, “Sannaki nikabirisinna ri bansana kalenna, sa'genna tarpassa a'jari atangku lalang sikontu tallasa'na.”