KALAPPASSANG 5:2 - KITTA' MATANGKASA'

² Akkuta'nammi karaenga angkana, “Inaika anjo Batara? Angngapa naIa musti kujampangi na kusare ising bansa Israel a'lampa? Tena nakuassengi anjo Batara, siagang tena nakupassareang a'lampa tu Israel.”

KALAPPASSANG 5:2 ပူးပေါင်းရင်းမြစ်များ

2 KARAENG-KARAENG 18:35

Rewata kereanga le'ba' allappassangi pa'rasanganna battu ri kakoasangku? Kemae lakkulle Batara ampasalamaki Yerusalem?’ ”

2 PATTOTTORANG 32:14

Inai battu ri ke'nanga le'ba' anggaukangi anjo kammaya? Tena olona lakkulle rewatanu ampasalamakko!

2 PATTOTTORANG 32:15

Teako lappassangi karaennu amballe-balleiko siagang ampadongo'-dongokko! Teako tappaki mae ri ia. Nasaba' manna kemae tena le'bakai nia' rewatana se'rea bansa akkulle ampasalamaki bansana battu ri kakoasanna karaeng Asyur. Mattantuna anjo rewatanu tena todong nakkulle allappassangko!”

2 PATTOTTORANG 32:19

Lalang bicaranna ke'nanga napasangkammai anjo Allata'ala nisombaya ri Yerusalem siagang rewata-rewatana bansa maraenga, iamintu patung-patung bate pare'na rupataua.

NEHEMIA 9:10

Kigaukangi gau' mahebaka ri karaeng Mesir kamma todong ri pagawena siagang ri ra'ya'na pa'rasanganna, nasaba' Kiassengi antekamma batena ampa'risi ummatTa. Nampa masahoro'mo arenTa sa'genna anne alloa.

AYUB 15:25

Kammaminjo sarenna tau ambaliai Allata'ala, siagang barania angngewai Kaminang Koasaya.

AYUB 15:26

Tampoi ambakkai siagang angngewai Allata'ala; naangkaki pa'lapa' barambanna, tena sikali naero' nibeta.

AYUB 21:15

Nakana pikkiranna ke'nanga, ‘Tena matu-matunna allayani Allata'ala, siagang tena bua'-bua'na appala' doang mae ri Ia.

PAMMUJI 10:4

Tu dorakaya tanajampangiai Batara, lanri tampona nanakana tena Allata'ala.

PAMMUJI 12:4

Kipammarimi anjo kana-kana manynyonyo'na ke'nanga, o, Batara, Kitongkoki bawana tu lompo bawaya

PAMMUJI 12:5

angkanaya, “Makoasai ikambe siagang lilana ikambe! Manna apa akkulleji napau ikambe, na tena akkulle anrompai!”

PAMMUJI 14:1

Untu' pamimpin pakelong. Pammujina Daud. Tu toloa nakana ri pa'mai'na, “Tena Allata'ala.” Panggaukanna ke'nanga ja'dalaki siagang rantasaki tena nia' a'gau' baji'.

KALAPPASSANG 3:19

Nampa Nakana pole Allata'ala, “Kuassengi angkanaya taerokai Karaeng Mesir allappassangko a'lampa, pantaranganna punna nipassai.

KALAPPASSANG 7:17

Lanri kammana anjo, kammaminne kananNa Batara, ‘Battu ri apa Kugaukanga sallang, lanuassemmi angkanaya iNakkemi Batara.’ Anne takkanga laKupake antunrungi rateanna je'neka ri binangaya, nampa tappinra je'ne'na a'jari cera'.

PANGNGEBARANG 30:9

Saba', punna kalumanynyanga', gassingka kukana sallang angkana tenamo kuparalluangKi'. Na punna kasi-asia', gassingka a'lukkaka' sa'genna kura'massi arenTa.”

YEREMIA 42:13

Mingka ikau ngaseng niaka ija ammantang ri Yehuda, teako kapala batui mae ri Karaeng Allata'alanu, siagang teako angkanai, “Teai ikambe ammantang anrinni ri pa'rasanganga. Eroki ikambe a'lampa mange ri Mesir siagang ammantang anjoreng. Anjoreng tenamo nalanakasia' ikambe bunduka, tenamo nilangngere' sa'ra tarompe' akkioka untu' a'lampa mange a'bundu', siagang tena tommo nilasessa lanri cipuru'.” Punna terasa' pa'mai'nu untu' a'lampa mange ri Mesir siagang ammantang anjoreng, iaminne pasanNa Batara Kaminang Koasaya, iamintu Allata'alana Israel, mae ri kau:

YEREMIA 48:26

Nakana Batara, “Pareki Moab nasa'ring, lanri napattampoangi kalenna mae ri Nakke. Langgulung-gulungi lalang ri langngena, siagang lanikakkali ri taua.

DANIEL 3:15

Jari, kamma-kamma anne apaka sadia jako su'ju' siagang anynyomba mae ri anjo patunga punna assa'ra musika? Punna taerokako, lakupasambila silalonnako antama' ri pepe' a'rinra-rinraya. Siagang rewata battu kemae lakkulle ampasalamakko battu ri kakoasangku?”

YOHANES 16:3

La'gau' kammai anjo ke'nanga mae ri kau, lanri tenanapa naassengi Manggea, siagang tenanapa naassengA'.

ROMA 1:28

Lanri nakanana tenamo naparallu rupataua angngassengi Allata'ala, nibalang parekammi sollanna a'jari panra' pikkiranna ke'nanga; sa'genna nagaukammi ke'nanga apa-apa tenaya nakkulle nigaukang.

2 TESALONIKA 1:8

kammayatompa pepe' a'rinra-rinraya. Manaungi untu' anghukkungi tau tenaya naero' anjampangi Allata'ala, siagang tau tenaya naero' mappilangngeri ri Kabara' Bajika ri passala'na Isa Almasi Batarata.

HAKING-HAKING 2:10

Nampa mate ngaseng tommi sikontu tau naaganga se're jammang. Mingka ana'-ana' jammang ribokoangannaya tenamo namangngasseng mae ri Batara, nasaba' tanakasiakkai ke'nanga apa le'baka Nagaukang Batara mae ri bansa Israelka.

1 SAMUEL 2:12

Ia ana'-ana'na Eli ja'dala' sikali. Tena najampangi ke'nanga Batara.

1 SAMUEL 25:10

Mingka appialimi Nabal angkana, “Daud? Inai tau anjo? Inai anjo ana'na Isai? Tale'bakapa' allangngereki kabara'na! Anne allo-allo beru allaloa, jai ata lari ambokoi pinggawana ri anne pa'rasanganga!