KALAPPASSANG 40:34 - KITTA' MATANGKASA'

³⁴ Nampa naummo rammanga antongkoki KemaNa Batara, siagang rassimi anjo Kemaya siagang caya kahaderanNa Batara.

KALAPPASSANG 40:34 ပူးပေါင်းရင်းမြစ်များ

2 SAMUEL 7:6

Baku'na Kulappassang bansa Israel battu ri Mesir sa'genna kamma-kamma anne, tena le'baKa' ammantang lalang ri se'reang balla', passangalinna a'la'bangA' tuli a'lampa siagang lalangA' ri kemaya ammantang.

2 PATTOTTORANG 7:2

sa'genna takkulleamo sikamma imanga ampantamakki.

PAMMUJI 26:8

Kungai BallatTa, o, Batara, tampa' pammantangang kalompoanTa.

KALAPPASSANG 14:24

A'biringi bari'basa', attoa'mi Batara battu ri benteng pepeka siagang rammanga mae ri tantara Mesir nampa Napa'jari sikaco-kaco ke'nanga.

KALAPPASSANG 16:10

Lalang a'bicarana Harun mae ri yangasenna ke'nanga, accini'mi ke'nanga mae ri parang lompoa na ti'ring nacini'mi ke'nanga cayaNa Batara lalang ri rammanga.

KALAPPASSANG 25:8

Suroi anjo bansaya appare' se're kema untu' iNakke, sollangKu akkulle ammantang ri tangnga-tangngana ke'nanga.

KALAPPASSANG 29:43

AnjorengA' lasibuntulu' siagang bansa Israel, na cayana kahaderangKu lampa'jari matangkasaki anjo tampaka.

KALAPPASSANG 33:9

Punna antamamo Musa, naummi benteng rammanga nampa ammenteng ri pakke'bu'na Kemaya. Battu ri iaminjo rammanga a'bicara Batara siagang Musa.

YESAYA 57:15

Saba' kammaminne kananNa Allata'ala Kaminang Tinggia na matangkasa', makoasaya sa'genna satunggu-tungguna, “AmmantangA' ri tampa' tinggia siagang tangkasaka, mingka ammantang tongA' ri alla'na tau tuna pa'maika siagang tau assesse' lalanga lanri dosa-dosana, untu' ampamollei sumanga'na siagang panrannuanna ke'nanga.

YESAYA 6:4

Annekereki dapara'na ballaka napakamma sa'ranna ke'nanga, siagang rassimi umbu anjo Balla'Na Batara ri Yerusalem.

YEHEZKIEL 10:4

Caya accilla', iamintu pammatei kahaderanNa Batara, tassioroki battu ri anjo sikamma malaeka' akka'nyika siagang a'letteki mange ri pakke'bu' antamaya ri Balla'Na Batara, sa'genna a'jari singara' sikali paranglakkenna.

KAIMANGNGANG 16:2

“Pabattuangi sari'battannu Harun, angkanaya ri wattu le'bakaji bawang nipattantu nakkulle antama' ri Kamara' Kaminang Matangkasaka, iamintu kamara' nisimbanga siagang gordeng, lanri anjoremMa' ampappicinikangi KalengKu lalang ri rammanga irateanna pa'rangka'na Patti Parjanjianga. Punna nadakkai Harun anjo paratoranga, tena tamatena.

HAGAI 2:7

Sikontu bansaya laKupata'bangkai siagang pa'barang-baranganna ke'nanga lanierangi mae, sa'genna larassi BallakKu battu ri kakalumanynyangnganna ke'nanga.

HAGAI 2:9

BallakKu berua lala'bi la'birangngangi narioloa, siagang anrinniA' lassare kaamangngang siagang kasalewangang mae ri bansaKu.” Batara Kaminang Koasaya anne akkana.

PAMMILANGNGANG 7:89

Sampang antamaki Musa ri KemaNa Batara untu' a'bicara siagang Batara, nalangngere'mi sa'ranNa Batara a'bicara mae ri ia battu rate ri pa'rangka'na Patti Parjanjianga ri alla'na anjo ruaya patung malaeka' akka'nyi'.

ROMA 9:4

Ike'nammi umma' nipilea siagang nipa'jaria ana'-ana' KalenNa ri Allata'ala, kammayatompa le'baka angkasiaki kakoasanNa Allata'ala. A'janjimi Allata'ala mae ri ke'nanga, siagang nisaremi ke'nanga hukkung-hukkung agama. Nipauammi ri Allata'ala ke'nanga angkanaya antekamma batena ke'nanga musti anynyomba ri Allata'ala; kammayatompa natarimami ke'nanga janji-janjinNa Allata'ala.

PAPPICINI' 15:8

Jari rassimi Balla'Na Allata'ala siagang umbu kala'biranNa siagang kakoasanNa Allata'ala. Siagang ilalang tenanapa nacappu' anjo tujua bala, iamintu bala naeranga anjo tujua malaeka', tena manna sitau akkulle antama' ri Balla'Na Allata'ala.

PAPPICINI' 21:3

Nampa nia'mo kulangngere' sa'ra lompo akkio' battu ri anjo empoang kala'biranga angkana, “Kamma-kamma anne nia'mi pammantanganNa Allata'ala ri tangnga-tangngana pammantanganna rupataua! Lattallasa'mi siagang ke'nanga, siagang la'jarimi ke'nanga umma'Na. KalenNa Allata'ala lania' ri tangnga-tangngana ke'nanga siagang la'jari Allata'ala mae ri ke'nanga.