KALAPPASSANG 40:18 - KITTA' MATANGKASA'

¹⁸ Napadongko'mi Musa sikamma pallanggana, napaentengi sikamma rangka-rangkana, napatabai kayu-kayu tappalanna, siagang napaentengi sikamma bentenna.

KALAPPASSANG 40:18 ပူးပေါင်းရင်းမြစ်များ

2 SAMUEL 7:6

Baku'na Kulappassang bansa Israel battu ri Mesir sa'genna kamma-kamma anne, tena le'baKa' ammantang lalang ri se'reang balla', passangalinna a'la'bangA' tuli a'lampa siagang lalangA' ri kemaya ammantang.

KALAPPASSANG 40:17

Jari ri tanggala' se'rena bulang se're ri taung makaruana nabokoi bansa Israel pa'rasangang Mesir, nipatabami anjo KemaNa Batara.

KALAPPASSANG 40:19

Nampa naka'rang pattongko'na Kemaya siagang pa'rangka' bageang pantara'na situru' Naparentakanga Batara.

KALAPPASSANG 40:2

“Bangummi anjo KemaKu ri tanggala' se're bulang se're.

YESAYA 33:24

Manna sitau ri pa'rasanganta tania' lakkunrareng lanri garring, siagang sikontu dosana lanipammopporang ngasengi.

KAIMANGNGANG 26:11

NiakKa' lammantang ri alla'nu lalang ri KemaKu, siagang tena nalaKutollakko.

MATIUS 16:18

Lanri kammana, siratangi nuasseng angkanaya, ikau mintu Petrus, batu makassaka. Iratemi ri tompo'na anne batu pa'dongkokanga laKupaenteng garejaKu, tenaya lambetai, manna pole kamateanga.

YOHANES 1:14

Ma'rupataumi anjo Kanaya, ammantangi ri tangnga-tangngata, na nicini'mo kala'biranNa. Natarimai anjo kala'biranga salaku Ana' sitau-tauNa Manggea. Tete ri KalenNami nanicini' Allata'ala, siagang pangngamaseanNa mae ri katte.

GALATIA 4:4

Mingka ri wattunna narapi' baji'mo wattunna, Nasuromi Ana'Na Allata'ala antama' ri anne linoa. Nilassukammi anjo ana'Na ri se'reang baine, nattallasa'mo irawangang kakoasanna hukkung agamaya.

1 TIMOTIUS 3:15

sollanna punna tenapa nakulinta' battu, nuasseng memammi angkana antekamma bateta musti attallasa' salaku ana'-ana'Na Allata'ala, iamintu jama'aNa Allata'ala mattallasaka. Iaminne jama'aka a'jari sanrapang benteng panjarrekinna siagang pattumpa'na katojengang battua ri Allata'ala.

1 PETRUS 1:5

Yangasenna anjo nipasadiai untu' ikau, lanri tappa' mako ri Allata'ala. Jari nijagai mako siagang kakoasanNa Allata'ala, sollanna akkulle nutarima kasalamakkang le'bakamo nipasadia untu' nipa'nyata sallang ri kala'busang jammanga.

PAPPICINI' 21:3

Nampa nia'mo kulangngere' sa'ra lompo akkio' battu ri anjo empoang kala'biranga angkana, “Kamma-kamma anne nia'mi pammantanganNa Allata'ala ri tangnga-tangngana pammantanganna rupataua! Lattallasa'mi siagang ke'nanga, siagang la'jarimi ke'nanga umma'Na. KalenNa Allata'ala lania' ri tangnga-tangngana ke'nanga siagang la'jari Allata'ala mae ri ke'nanga.