KALAPPASSANG 40:16 - KITTA' MATANGKASA'

¹⁶ Nagaukammi Musa sikontu anjo apa Naparentakanga Batara.

KALAPPASSANG 40:16 ပူးပေါင်းရင်းမြစ်များ

PA'JARIANG 6:22

Nagaukang ngasemmi Nuh anjo sikontu apa Napassuroanga Allata'ala mae ri ia.

KALAPPASSANG 40:15

Nampa minynyaki ke'nanga sangkamma batenu amminynyaki manggena ke'nanga, sollanna akkulle todong ke'nanga allayaniA' salaku imang. Lanri anjo upacara minynyaka, iami ke'nanga siagang jari-jarina anta'galaki jama-jamang kaimangnganga.”

KALAPPASSANG 7:6

Nagaukammi Musa siagang Harun anjo apa Naparentakanga Batara.

YESAYA 8:20

Appiali mako kamma anne, “Pilangngeri ajaranNa Batara! Tau tenaya na'bicara situru' anjo pangngajaranga, tena panrannuanna.”

YEREMIA 13:5

Jari situru' parentaNa Batara, a'lampama' nampa kucokko anjo lipa' bodoa ri ampi'na Binanga Efrat.

KAIMANGNGANG 8:13

Nampa nasuro sikamma ana'na Harun maju mae ri dallekang. Napipakeimi ke'nanga kameja siagang passikko' aya'. Nampa napataba soro'banga ri ulunna ke'nanga sangkamma Naparentakanga Batara mae ri ia.

KAIMANGNGANG 8:9

Nampa napataba soro'banga ri ulunna Harun; anjo soro'banga napatabai belo-belo bulaeng, a'jaria pammatei angkanaya anjo Harun a'jarimi Batara pata. Yangasenna anjo nagaukangi Musa situru' parentaNa Batara mae ri ia.

PAMMILANGNGANG 1:19

sangkamma Naparentakanga Batara. Yangasenna anjo nagaukangi Musa anjoreng ri parang lompona Sinai.

PAMMILANGNGANG 9:22

Lalang nia'na anjo rammanga irateanganna KemaNa Batara, apaka ruangallo, sibulang, sitaung yareka la'bi, sikamma tomminjo sallona ke'nanga ammantang ri anjo tampaka. Punna nai' anjo rammanga, nampami a'lampa ke'nanga.

MATIUS 28:20

Ajaraki ke'nanga anggaukangi sikontu le'baka Kupassuroang ri kau ngaseng. Na u'rangimi angkanaya laniakKa' anrurungangko sa'genna kala'busang jammanga.”

1 KORINTUS 4:2

Uru-uruna nituntu' ri anjo palayang kammaya iamintu tamalanrea mae ri karaenna.

PAOLE 12:32

Gaukang ngasengi sikontu apa kuparentakanga mae ri kau; teako tambai yareka teako kurangngi.

PAOLE 4:1

Nampa nakana Musa mae ri anjo bansaya, “Turuki sikontu hukkung kupangngajarranga mae ri kau ngaseng, sollannu attallasa' sa'genna nupammantangngi anjo butta laNapassareanga Batara, Allata'alana boe-boenu, mae ri kau.

IBRANI 3:2

Tamalanreai mae ri Allata'ala, le'baka ampilei untu' anggaukangi anjo jama-jamanga; sangkamma todong Musa riolo, tamalanreai anggaukangi jama-jamanna ri Balla'Na Allata'ala.

IBRANI 3:5

Tamalanreai Musa a'jari palayang lalang ri Balla'Na Allata'ala siagang ampabattui apa-apa laNapa'nyataya Allata'ala sallang ri allo labattua.