KALAPPASSANG 40:15 - KITTA' MATANGKASA'

¹⁵ Nampa minynyaki ke'nanga sangkamma batenu amminynyaki manggena ke'nanga, sollanna akkulle todong ke'nanga allayaniA' salaku imang. Lanri anjo upacara minynyaka, iami ke'nanga siagang jari-jarina anta'galaki jama-jamang kaimangnganga.”

KALAPPASSANG 40:15 ပူးပေါင်းရင်းမြစ်များ

PAMMUJI 110:4

Assumpai Batara a'janji, tena nalaNakaluppai, Nakana, “Ikaumi imang satunggu-tungguna, sanrapang Melkisedek.”

KALAPPASSANG 12:14

Anjo alloa musti nuu'rangi na nupakalompo a'jari allo lompo mae ri Batara. Untu' situlusu'na anjo alloa musti nupakalompoi tunggala' taung.”

KALAPPASSANG 28:41

Pipakei sari'battannu Harun anjo pakeanga siagang ana'-ana'na. Minynyaki ke'nanga siagang minynya' zaitun; kammaminjo nanilanti'mo ke'nanga siagang nisa'la'mo ke'nanga untu' allayaniA' salaku imang.

KALAPPASSANG 29:9

siagang passikko' aya', nampa nupataba soro'banga irate ri ulunna ke'nanga. Kammaminjo carana nilanti' Harun siagang ana'-ana'na. Ke'nanga siagang jari-jarina ke'nanga musti allayaniA' salaku imang sa'genna satunggu-tungguna.

KALAPPASSANG 30:31

Paui mae ri bansa Israel angkanaya sa'genna satunggu-tungguna anjo minynya' upacaraya nisa'laki untu' iNakke bawang.

KALAPPASSANG 30:33

Tau appareka minynya' kamma anjo, yareka napakei untu' tau teai imang, tenamo nalanibilang anggota ummakKu.”

KALAPPASSANG 40:14

Nampa suroi ana'-ana'na a'reppese', na nupipakei kameja ke'nanga.

KALAPPASSANG 40:16

Nagaukammi Musa sikontu anjo apa Naparentakanga Batara.

ZAKHARIA 4:14

Nakanamo, “Iaminjo battuanna ruaya tau le'baka Napilei Batarana sikontu linoa siagang nijo'joka untu' a'jari palayanNa.”

PAMMILANGNGANG 25:13

Ia siagang jari-jarina Kupattantu salaku imang sa'genna satunggu-tungguna, lanri attojeng-tojenna angngalleangA', Allata'alana, siagang appare'Ma' passiamakkang mae ri dosana tu Israel.”

IBRANI 7:3

Ri sesena anne Melkisedek tena kasingaranna nipau angkanaya nia' manggena, yareka amma'na, yareka boe-boena; tena todong kasingarang ri passala' kalassukanna, yareka ri kamateanna. Ia sangkammai Ana'Na Allata'ala; iami imang satunggu-tunggua.

IBRANI 7:7

Memang takkulleai nisassali angkanaya la'bi rawangangangi tau nibarakkakia na ia tau ambarakkakiai.