KALAPPASSANG 4:9 - KITTA' MATANGKASA'

⁹ Punna tena ijapa naero' tappa' ke'nanga manna pole nale'ba'mo nacini' anne ruaya gau' malompo, siagang taerokai ke'nanga anjampangi kana-kanannu, angngalleko sike'de' je'ne' battu ri Binanga Nil nampa nupatiri' naung ri buttaya. Latappinrai anjo je'neka a'jari cera'.”

KALAPPASSANG 4:9 ပူးပေါင်းရင်းမြစ်များ

KALAPPASSANG 1:22

Appasulu'mi parenta karaenga mae ri sikontu ra'ya'na angkana, “Sikontu ana' bura'ne beru lassuka ri tu Ibrania musti nipelaki antama' ri Binanga Nil, mingka sikontu ana'na bainea akkullei nilappassang attallasa'.”

KALAPPASSANG 4:8

Nakana Batara, “Punna taeroka tappa' ke'nanga mae ri kau, yareka tena nayaking ri le'ba'namo nacini' anjo gau' malompo makase'rea, iami anne gau' malompo makaruaya lampa'jari tappaki ke'nanga.

KALAPPASSANG 7:17

Lanri kammana anjo, kammaminne kananNa Batara, ‘Battu ri apa Kugaukanga sallang, lanuassemmi angkanaya iNakkemi Batara.’ Anne takkanga laKupake antunrungi rateanna je'neka ri binangaya, nampa tappinra je'ne'na a'jari cera'.

MATIUS 7:2

Nasaba' antekamma batenu mangngadeli ri parannu tau, kamma tomminjo batenu laniadeli ri Allata'ala. Siagang pa'baku' apa nupake ambakuki parannu tau, ia tomminjo sallang pa'bakuka laNapake Allata'ala ambakukko.