KALAPPASSANG 4:31 - KITTA' MATANGKASA'

³¹ Jari tappa'mi ke'nanga; siagang nalangngere'namo ke'nanga angkanaya Naparhatikammi Batara bansa Israel kammayatompa Nacini'mi sikamma kasessanna ke'nanga, su'ju'mi ke'nanga anynyomba.

KALAPPASSANG 4:31 ပူးပေါင်းရင်းမြစ်များ

PA'JARIANG 17:3

Su'ju'mi Abram, nampa Nakanamo Allata'ala,

PA'JARIANG 24:26

Su'ju'mi anjo suroa anynyomba ri Batara.

PA'JARIANG 29:32

Attianammi Lea nampa allassukang sitau ana' bura'ne. Nakanamo Lea, “Nacini'mi Batara kasusaangku, nakamma-kamma anne lanangaima' bura'nengku.” Nampa naaremmo anjo anaka Ruben.

PA'JARIANG 50:24

Nakanamo ri sikamma sari'battanna, “A'birimmi narapi' a'jalakku, mingka mattantu laNaparakai ngasengko siagang laNapimpingko Allata'ala assulu' battu ri anne pa'rasanganga mange ri pa'rasangang le'baka Napa'janjiang siagang sumpa mae ri Abraham, Ishak siagang Yakub.”

1 PATTOTTORANG 29:20

Le'baki appala' doang kamma, nakanamo Daud mae ri tau jai niaka a'rappungang anjoreng, “Mammujiko ri Karaeng Allata'alanu!” Jari yangasenna anjo taua mammuji-mujimi mae ri Batara, Allata'ala nasombaya boe-boena ke'nanga. Nampa su'ju' ke'nanga untu' ampakalompoi Batara siagang Karaeng Daud.

2 PATTOTTORANG 20:18

Jari su'ju'mi Karaeng Yosafat. Nampa sikontu ra'yaka amminawang kabusu' tommi su'ju' anynyomba ri Batara.

2 PATTOTTORANG 32:8

Ia ke'nanga kagassingang rupatau napake, mingka ikatte nia' Karaeng Allata'alata untu' ambantuki' siagang la'bunduka untu' ikatte.” Nalangngere'na kana-kananna karaenna ke'nanga, a'jari baranimi ra'yaka.

2 PATTOTTORANG 7:3

Ri wattunna nacini' ra'ya' Israel anjo pepe' turunga battu rate ri langika siagang singara' kahaderanNa Batara ampantamakki Balla'Na Batara, su'ju' kabusu'mi ke'nanga naung ri daparaka, nampa anynyomba siagang ammuji ri Allata'ala, lanri baji'Na siagang mangngamaseangi satunggu-satungguna.

NEHEMIA 8:6

Nakanamo Ezra, “Nipujimi Batara, Allata'ala malompoa!” Sikontu ra'yaka naangka' ngasemmi limanna tinggi-tinggi nampa appiali angkana, “Aming, aming!” Nampa su'ju' ke'nanga anynyomba ri Allata'ala.

AYUB 1:20

Nampa ammentemmi Ayub na nakekke' pakeanna tanra susana. Nacukkuru'mi ulunna, nampa su'ju' na nakana,

KALAPPASSANG 12:27

Musti appialiko angkana, ‘Anne koro'bang Paska untu' ampakalompoi Batara, lanri Nalaloi sikamma balla'na tu Israel ri Mesir, ri wattunna Nabuno sikamma ana' toa bura'nena tu Mesir, nampa ikatte nalappassangki' attallasa'!’ ” Jari akkulantu'mi tu Israel siagang anynyomba.

KALAPPASSANG 14:31

Nacini'na tu Israel antekamma lompona kakoasanNa Batara ambetai tu Mesir, lannasa' sikalimi ke'nanga, siagang tappa'mi ke'nanga ri Batara siagang ri Musa atanNa.

KALAPPASSANG 19:8

Appada-pada ngasemmi ke'nanga appiali angkana, “Sadiai ikambe untu' anggaukangi sikontu kananNa Batara.” Anjo pappialinna ke'nanga napabattui Musa mae ri Batara. Nampa Nakanamo Batara ri Musa, “LabattuA' mae ri kau nikalimbuki ri rammang kapalaka; lanalangngereki taua punna a'bicarA' mae ri kau, nappakkaramula anjo wattua tuli latappa'mi ke'nanga mae ri kau.

KALAPPASSANG 2:25

Nacini'mi tu Israel nipa'jari ata, jari Natappukimi untu' laNatulung ke'nanga.

KALAPPASSANG 3:16

A'lampamako siagang passe'rei sikontu pamimpinna tu Israel. Pa'la'bangi pauang ke'nanga angkana iNakke, Batara, Allata'alana boe-boena ke'nanga, Allata'alana Abraham, Ishak siagang Yakub, le'ba'mi Kupappicinikang KalengKu mae ri kau. Pauangi ke'nanga angkanaya battuMa' mae ri ke'nanga siagang Kucini'mi antekamma batena nigau' ke'nanga ri bansa Mesir.

KALAPPASSANG 3:18

Lanapilangngeri ummakKu kana-kanannu. Nampa musti siagangko sikamma pamimpinna tu Israel a'lampa mange andallekang ri Karaeng Mesir siagang angkana ri ia, ‘Batara, Allata'alana tu Ibrani, nia'mi battu ampappicinikangi KalenNa mae ri kambe. Kamma-kamma anne kisaremi ising ikambe a'lampa kira-kira tallungallo sallona nijappai battu anrinni, mange ri parang lompoa untu' assare koro'bang mae ri Batara, Allata'alana ikambe.’ ”

KALAPPASSANG 3:7

Nampa Nakanamo Batara, “Kucini'mi kasessanna ummakKu ri Mesir, siagang Kulangngere'mi pakkio'na ke'nanga, ampalaki nilappassang battu ri sikamma tau anjallakkangai ke'nanga. Sikontutojenna Kuasseng ngasengi kasessanna ke'nanga.

KALAPPASSANG 33:10

Ri wattunna nacini' tu Israel benteng rammanga ri pakke'bu' KemaNa Batara, ammentemmi nampa su'ju' ngaseng ke'nanga massing ri pakke'bu' kemana ke'nanga.

KALAPPASSANG 34:8

Anjo wattua su'ju' memammi Musa anynyomba.

KALAPPASSANG 4:5

Nakana Batara, “Gaukammi anjo kammaya sollanna tappa' tu Israel angkanaya iNakke, Batara, Allata'alana boe-boena ke'nanga, Allata'alana Abraham, Ishak siagang Yakub, le'ba' ampappicinikangi KalenNa mae ri kau.”

ZEFANYA 2:7

Pandudu'na Yehuda akkullea ta'lappasa' lanaempoi anjo daeranu. Lakkalawaki olo'-olo' ke'nanga anjoreng ri tampaka, siagang punna bangngi latinroi ke'nanga ri balla'na tu Askelon. Nasaba' Batara, iamintu Allata'alana ke'nanga, lanjagai pole ke'nanga siagang laNapa'jari ke'nanga akkalumanynyang poleang.

LUKAS 1:68

“Umba kimammuji ri Batara, Allata'alana bansa Israel! Battumi antulungi umma'Na na Nalappassang ke'nanga.

LUKAS 8:13

Anjo bine takkioroka ri tampa' a'batu-batua, iaminjo pangngebaranna tau sannanga nyawana ri wattu nalangngere'na anjo kabaraka; mingka tena najarre' anna'gala' aka'na anjo kabaraka lalang ri atinna ke'nanga. Sinampe'ji tappa' ke'nanga; punna battumo paccobaya, ammono'bokomi ke'nanga.

RUT 1:6

Siapa are wattu ribokoanganna, nalangngere' kabara'mi Naomi angkanaya nibarakkakimi umma' Israel ri Batara, na baji'mo wassele' lamung-lamunna ke'nanga. Lanri kammana, apparurumi Naomi siagang anjo ruaya ana' mintunna untu' ambokoi Moab.