KALAPPASSANG 4:22 - KITTA' MATANGKASA'

²² Nampa paumi ri anjo karaenga angkanaya iNakke, Batara, appasang kamma anne: ‘Anjo Israel ana' toaKu,

KALAPPASSANG 4:22 ပူးပေါင်းရင်းမြစ်များ

PAMMUJI 89:27

Lanakana ri Nakke, ‘IKattemi Manggeku, Allata'alaku, Pa'la'langangku siagang Tumappasalamakku.’

KALAPPASSANG 6:11

Mingka appialimi Musa angkana, “Kalenna tu Israel nataeroka ampilangngeria'. La'biangampa, antekamma batena lakkulle Karaeng Mesir ampilangngeri tau tenaya nacara'de' a'bicara kammaya nakke?”

KALAPPASSANG 7:16

Pauangi anjo karaenga angkana: Batara, Allata'alana tu Ibrania, Nasuroa' ampabattui mae ri katte, sollanna kilappassang a'lampa umma'Na mange untu' anggaukangi ibadana mae ri Ia ri parang lompoa. Mingka sa'genna kamma-kamma anne tena kiero' appilangngeri.

YESAYA 63:16

Sai iKatte manggena ikambe? Abraham siagang Yakub tanaassengai ikambe. Mingka iKatte o Batara, iKatte Manggena ikambe, Mappasalama'na ikambe battu riolo dudu.

YESAYA 64:8

Mingka iKatte, o Batara, iKatte Manggena ikambe, ikambe butta pi' ji bawang, na iKatte ampareki ikambe; ikambe yangasenna bate pare' limanTa.

YEREMIA 2:14

“Israel teai ata, teai tongi turungang ata. Mingka angngapa nania'lu'mo ri balinna?

YEREMIA 31:9

A'jappai ke'nanga nammatti' je'ne' matanna, Kusaleori siagang Kururungangi ke'nanga. Kuerangi ke'nanga allalo ri tampa'-tampa' jaia je'ne'na, allalo ri agang lappara' tenaya nakkulle tatto'ro ke'nanga. INakke rapang mangge mae ri Israel; Efraim ana' bura'ne bungasakKu.”

HOSEA 11:1

Nakana Batara, “Kukamaseangi Israel battu ri ca'dina, Kukioki anakKu assulu' battu ri Mesir.

MALEAKHI 1:6

Nakana Batara Kaminang Koasaya mae ri sikamma imanga, “Se'rea ana' napakalompoi manggena, siagang se'rea palayang napakalompoi karaenna. INakke anne Manggenu ngaseng; mingka apa saba'na natena nupakalompoA'? INakke anne pinggawanu; mingka angngapa natena numalla' mae ri Nakke. Nuhina-hinaiA', mingka akkuta'nangko angkana, ‘Antekamma batena ikambe anghinaKi?’

MATIUS 2:15

Ammantammi ke'nanga anjoreng sa'genna mate Herodes. Lanri kammana, a'rupami kananNa Batara le'baka Nasuro pabattu ri na'biNa, angkanaya, “Kukioki ammotere' anakKu battu ri Mesir.”

ROMA 9:4

Ike'nammi umma' nipilea siagang nipa'jaria ana'-ana' KalenNa ri Allata'ala, kammayatompa le'baka angkasiaki kakoasanNa Allata'ala. A'janjimi Allata'ala mae ri ke'nanga, siagang nisaremi ke'nanga hukkung-hukkung agama. Nipauammi ri Allata'ala ke'nanga angkanaya antekamma batena ke'nanga musti anynyomba ri Allata'ala; kammayatompa natarimami ke'nanga janji-janjinNa Allata'ala.

2 KORINTUS 6:18

La'jariMa' Manggenu, nula'jari ana'-anakKu, kammami anjo kananNa Batara Kaminang Makoasaya.”

PAOLE 14:1

“Ikaumi umma'Na Karaeng Allata'alanu. Jari punna susako lanri kamateangko, teako loko'-lokoki batangkalennu yareka teako cukkuruki bageang dallekanna ulunnu sangkamma nagaukanga bansa-bansa maraenga.

PAOLE 32:6

Kammaminjo batenu ambalasaki baji'Na Batara, e, sikamma tau dongoka siagang tenaya nacara'de'? Sai Iami Manggenu, Mappa'jarinu, siagang ampa'jariako se're bansa?

IBRANI 12:23

Pa'rappungang sannaka suara'na nuhaderi – iamintu passibuntulanna ana'-ana' bungasa'Na Allata'ala, ia niaka areng-arenna tattulisi' lalang ri suruga. Allata'ala nudallekang, Hakinna sikontu rupataua. Roh-rohna tau bajika siagang tau le'bakamo nipasukku' tallasa'na nudallekang.

YAKOBUS 1:18

Lanri ero' KalenNa na Napa'jariki' ana'-ana'na tete ri kana matojenNa. Nagaukammi anjo kammaya sollanta anggappa tampa' lomoro' se're ri tangnga-tangngana sikontu apa-apa attallasa' le'baka Napa'jari.