KALAPPASSANG 4:16 - KITTA' MATANGKASA'

¹⁶ Ia musti a'bicarai lalang arennu ri dallekanna ra'yaka. Ia la'jari juru bicaranu siagang lanapasangkammako angkanaya Allata'ala ampaui anjo apa mustia napau.

KALAPPASSANG 4:16 ပူးပေါင်းရင်းမြစ်များ

PAMMUJI 82:6

Kukana ikau ana'-ana'na ngasengko karaenga ana'-ana'na ngasengko Allata'ala Kaminang Tinggia.

KALAPPASSANG 18:19

Pilangngeri anne kanangku na Natulungko Allata'ala. Memang bajiki punna nuwakkeli anne bansaya ri dallekanNa Allata'ala siagang nuerang parkarana mae ri dallekanNa.

KALAPPASSANG 4:12

Kamma-kamma anne a'lampamako, iNakke lantulungko a'bicara siagang langngajarakko apa mustia nupau.”

KALAPPASSANG 4:30

Napabattumi Harun mae ri ke'nanga sikontu apa le'baka Napau Batara mae ri Musa. Siagang nagaukang tommi Musa sikontu anjo gau' malompoa ri dallekanna ngaseng anjo taua.

YEREMIA 36:32

Langngallea' kitta' nigulung beru, nampa kupassareang mae ri Barukh juru tulisikku. Nampa lanatulisiki sikontu apa kupaua mae ri ia, iamintu bonena anjo kitta' nigulung makase'rea, siagang nitambai siapa are pole pasang sangkammaya anjo.