KALAPPASSANG 4:14 - KITTA' MATANGKASA'

¹⁴ Jari larromi Batara mae ri Musa na Nakana, “Sai nia' sari'battannu niarenga Harun? Kuassengi angkanaya ia cara'deki a'bicara. Sikontutojenna, kamma-kamma anne niaki lalang pa'jappang mae anrinni, siagang lasannang sikali nyawana lanri assibuntulu'nu.

KALAPPASSANG 4:14 ပူးပေါင်းရင်းမြစ်များ

2 SAMUEL 6:7

Anjo memang wattua Nalarromo Karaeng Allata'ala mae ri Uza, lanri nahinana Batara battu ri anjo panggaukanna. Nibunomi Uza ri anjo tampaka, ri ampi'na Patti Parjanjianga.

1 KARAENG-KARAENG 11:9

Pinruammi Batara, Allata'alana Israel Napappicinikang KalenNa mae ri Salomo siagang Napakainga' angkanaya takkuleai anynyomba mae ri rewata-rewata maraenga. Mingka Salomo tena namappilangngeri ri Batara. Ba'lalo nabokoimi Batara sa'genna larromi Batara mae ri ia.

1 PATTOTTORANG 21:7

Tena Nasannang Allata'ala ri anjo bilanga siagang Nahukkummi tu Israel.

PAMMUJI 105:26

Nampa Nasuro Musa atanNa siagang Harun tunipileNa.

KALAPPASSANG 4:13

Mingka appialimi Musa angkana, “Kupalaki, sollanna teai inakke Kisuro Batara, tau maraenga lalomo Kisuro.”

KALAPPASSANG 4:17

Erangi anjo takkanga, saba' lanupakei anjo untu' anggaukangi anjo sikamma gau' malompoa.”

KALAPPASSANG 4:27

Lalanna anjo wattua Nakanamo Batara ri Harun, “A'lampako mange ri parang lompoa untu' ambuntuli Musa.” A'lampami Harun, nampa sibuntulu'mo siagang andi'na ri moncong matangkasaka, siagang nabaumi anjo andi'na.

PAMMILANGNGANG 12:2

Nakana ke'nanga, “Apaka tete ri Musa ji bawang akkulle a'bicara Batara? Sai akkulle tonji a'bicara tete ri katte?” Nalangngereki Batara anjo apa nakananga ke'nanga.

LAMPA-LAMPANA 15:28

Nasitujuimi RohNa Allata'ala – siagang ikambe nisitujui tommi – sollanna tena nanisareko atorang-atorang battallanganga na anne parallua:

2 KORINTUS 2:13

Mingka tena nasannang nyawaku, nasaba' tena nakusibuntulu' siagang sari'battanta Titus anjoreng. Jari appala' kanama' mae ri taua anjoreng, nampa annarrusu' a'lampa mange ri butta Makedonia.

FILIPI 2:21

Ia maraenganga sangnging kaparalluang kalenna ngasenji naurusu'; teai kaparalluanNa Isa Almasi.

YOSUA 24:5

Nampa Kusuroi Musa siagang Harun ampitujui bala lompo pa'rasangang Mesir, nampa Kupasulukko battu anjoreng.

1 SAMUEL 12:8

Ri wattunna battu Yakub siagang kaluargana mange ri Mesir, na nijallakkang ke'nanga ri tu Mesir, appala' tulungi boe-boenu mae ri Batara, nampa Nasuromo battu Musa siagang Harun. Iaminjo tau ruaya angngerangi boe-boenu assulu' battu ri Mesir, siagang antulungi ke'nanga ammantang ri anne buttaya.

1 SAMUEL 2:27

Ri se'reang allo, nia'mo se're na'bi battu mae ri Eli na napabattu pappasang battua ri Batara, nakana, “Ri wattunna boe-boenu iamintu Harun siagang kaluargana a'jari ata ri karaeng Mesir, Kupa'nyatami KalengKu mae ri Harun.