KALAPPASSANG 4:12 - KITTA' MATANGKASA'

¹² Kamma-kamma anne a'lampamako, iNakke lantulungko a'bicara siagang langngajarakko apa mustia nupau.”

KALAPPASSANG 4:12 ပူးပေါင်းရင်းမြစ်များ

PAMMUJI 105:26

Nampa Nasuro Musa atanNa siagang Harun tunipileNa.

PAMMUJI 143:10

Ajaria' anggaukangi erotTa, saba' iKattemi Allata'alaku. IKatte baji' pa'mai' lanrenrenga' mange ri oloang lapparaka.

PAMMUJI 32:9

Teako sanrapangi jarang tenaya akkala'na, musti nipalewai siagang sa'mang na otere' sollanna mannuruki.”

KALAPPASSANG 3:12

Appialimi Allata'ala angkana, “INakke lantulungko. Napunna nuerammo assulu' anjo bansaya battu ri Mesir, lanugaukang ngasemmi ibadaya mae ri Nakke ri anne monconga. Iaminjo a'jari butti angkana iNakke assuroko.”

KALAPPASSANG 4:13

Mingka appialimi Musa angkana, “Kupalaki, sollanna teai inakke Kisuro Batara, tau maraenga lalomo Kisuro.”

KALAPPASSANG 4:15

A'bicara mako siagang ia, siagang pauammi apa musti lanapau. INakke lantulungko sipa'rua siagang langngajarakko apa musti nupau siagang musti nugaukang.

KALAPPASSANG 4:16

Ia musti a'bicarai lalang arennu ri dallekanna ra'yaka. Ia la'jari juru bicaranu siagang lanapasangkammako angkanaya Allata'ala ampaui anjo apa mustia napau.

YESAYA 49:2

Napa'jari tarangi kana-kanangku rapang pa'dang, lima KalenNa anjagaia'. Napa'jaria' rapang ana' pana nikantisika, nakuNaboli' lalang ri tongkaya nipasadia untu' nipake.

YESAYA 50:4

Batara Kaminang Tinggia angngajarakka' a'bicara, sollanna akkulle kanangku ampakajarreki tau la'baya pa'mai'na. Tunggala' bari'basa' Napabangungi erokku untu' ampilangngeri ajaranNa mae ri nakke.

YEREMIA 1:9

Le'baki anjo Napajonjomi limanNa Batara nampa Najama bawaku na Nakana, “Pilangngeri siagang pa'la'bangi anne kana-kana Kupaua.

PAMMILANGNGANG 16:28

Nampa angkanamo Musa, “Kamma-kamma anne lanuassemmi angkanaya Batara assuroa' anggaukangi anne sikammaya, siagang anjo kammaya teai ero' kalengku.

MARKUS 13:11

Na punna nijakkalakko siagang nierangko mange ri pangadelanga, teako bata-batai angkanaya antekamma batenu la'bicara. Nasaba' punna narapi'mo wattunnu la'bicara, labattui RohNa Allata'ala angngajarakko a'bicara. Teai bicarannu lanupau, mingka bicara battu ri RohNa Allata'ala. Jari pau mami bicara nipangngajarranga ri kau.

LUKAS 11:1

Nia' se're allo Nappala' doang Isa ri se'reang tampa'. Le'ba'na appala' doang, nia'mo kalase'renna ana' gurunNa angkana ri Ia nakana, “O Batara, Kiajara' sai ikambe appala' doang, sangkamma Yohanes naajaraki ana'-ana' gurunna appala' doang.”

YOHANES 14:26

Mingka RohNa Allata'ala, iamintu Pannulung laNasuroa battu Allata'ala lalang arengKu, Iami langngajara' ngasengko lalang sikontua passala'. Iami lampiu'rangiangko sikontu apa le'baka Kupau ri kau.

EFESUS 6:19

Siagang inakke pole, pappala' doangang tonga'; sollanna punna a'bicara', Nasarea' Allata'ala kana-kana cocoka lakupau. Kammayatompa nakubarani ampaui anjo rahasiana Kabara' Bajika.

PAOLE 18:18

Battu ri bansana tonji ke'nanga laKukiring sitau na'bi sangkammaya ikau mae ri ke'nanga. LaKupaui mae ri ia apa mustia napau, nampa napabattu mae ri anjo bansaya sikontu apa Kuparentakanga.