KALAPPASSANG 39:32 - KITTA' MATANGKASA'

³² Kala'busanna le'ba' ngasemmi anjo jama-jamang appareka KemaNa Batara. Le'ba'mi nagaukang tu Israel sikamma apa Naparentakanga Batara mae ri Musa.

KALAPPASSANG 39:32 ပူးပေါင်းရင်းမြစ်များ

1 KARAENG-KARAENG 6:38

Na lalang bulang Bul, iamintu bulang makasagantuju, lalang taung makasampulo asse're ri pamarentahanna Salomo, le'ba'mi nabangung Salomo anjo Balla'Na Batara, coco' sikali siagang apa le'baka nirancana. Tuju taungi wattu nipake untu' ambangungi anjo ballaka.

1 KARAENG-KARAENG 7:40

Appare' tongi Huram pamaja'-pamaja', sikopang-sikopang, siagang mangko'-mangko'. Le'baki anjo, le'ba' ngasemmi anjo apa nasuro jamaya Karaeng Salomo untu' Balla'Na Batara. Iaminne sikamma pakkakasa' le'baka napare': Rua benteng lompo, Rua ulu benteng sangkammaya mangko' niaka rateanna anjo ruaya benteng, Rante nianyang ri massing-massing ulu bentenga, Patambilangngang delima tambaga ia nisusunga lalang ruang barrisi' ri tammulilina anjo rante nianyang ri massing ulu bentenga, Sampulo kareta, Sampulo katoang lompo, Bongki tambaga, Sampulo anrua sapi tambaga ansompoai anjo bongkia, Pamaja'-pamaja', sikopang-sikopang, siagang mangko'-mangko'. Yangasenna anjo pakkakasa' untu' Balla'Na Batara, napareka Huram untu' Karaeng Salomo, tambaga ngaseng nipare', na nikeso' sa'genna accilla'.

1 PATTOTTORANG 28:19

Nampa nakana Karaeng Daud, “Yangasenna anjo niaki taccata' lalang ri rancana nitulisika situru' pitunju' Napassareanga KalenNa Batara mae ri nakke untu' nigaukang.”

KALAPPASSANG 12:28

Nampa a'lampa ke'nanga siagang nagaukang anjo apa Naparentakanga Batara mae ri Musa siagang Harun.

KALAPPASSANG 25:40

Jagai sollanna nipare' anjo lampua situru' conto le'baka Kupicinikiangko irate ri anne monconga.”

KALAPPASSANG 31:7

KemaKu, Patti Parjanjiang siagang pattongko'na, sikontu pakkakasa' Kemaya,

KALAPPASSANG 39:31

Anjo belo-beloa nipatabai ri bageang dallekanna soro'banga, situru' Naparentakanga Batara mae ri Musa.

KALAPPASSANG 39:33

Naerangi ke'nanga mae ri Musa Kemaya siagang sikontu pakkakasa'na, sikamma pakkai'na, kayu-kayu tappalanna, benteng-bentenga siagang pallanggana,

KALAPPASSANG 40:1

Nakanamo Batara ri Musa,

KALAPPASSANG 40:3

Pantamaki anjo Patti Parjanjiang napammantangia anjo Sampuloa Parenta nampa nusarei kaeng passimbang ri dallekanna.

KALAPPASSANG 40:32

punna antama' ke'nanga ri KemaNa Batara yareka punna a'reppese' ke'nanga anjoreng ri tampa' pakkoro'bangnganga.

PAMMILANGNGANG 3:31

Iami ke'nanga tanggong jawa' mae ri Patti Parjanjiang, mejang, sikamma tampa' pakkoro'bangnganga, sikamma pakkakasa' napakea sikamma imanga lalang ri Kamara' Matangkasaka, siagang gordeng passimbanna Kamara' Matangkasaka. Iami ke'nanga tanggong jawa' mae ri sikontu anjo barang-barang sikammaya.

MATIUS 28:20

Ajaraki ke'nanga anggaukangi sikontu le'baka Kupassuroang ri kau ngaseng. Na u'rangimi angkanaya laniakKa' anrurungangko sa'genna kala'busang jammanga.”

PAOLE 12:32

Gaukang ngasengi sikontu apa kuparentakanga mae ri kau; teako tambai yareka teako kurangngi.

IBRANI 3:2

Tamalanreai mae ri Allata'ala, le'baka ampilei untu' anggaukangi anjo jama-jamanga; sangkamma todong Musa riolo, tamalanreai anggaukangi jama-jamanna ri Balla'Na Allata'ala.

IBRANI 8:5

Anjo jama-jamang imang nagaukanga ke'nanga, sikontutojenna poro pangngebaranji siagang bayang-bayanji bawang mae ri apa niaka ri suruga. Anjo le'ba'mi Napau Allata'ala mae ri Musa riolo, iamintu ri wattunna lappaenteng KemaNa Batara Musa. Kammami anne kananNa Allata'ala mae ri Musa, “U'rangi! Yangasenna anjo musti nupareki situru' panrala' le'baka nipaccinikangko rate ri monconga.”

1 SAMUEL 15:22

Mingka nakanamo Samuel, “Kereanga la'bi Nangai Batara, mappilangngeria yareka koro'bang passarea? La'bi bajikangangi mappilangngeria mae ri Batara, naia assarea koro'bang. Mannurukia bajikangngi na jannana gimbalaka.