KALAPPASSANG 39:13 - KITTA' MATANGKASA'

¹³ Ri barrisi' makaappaka iamintu batu paramata pirusu', yaku' siagang ratna campaka. Anjo sampuloa anrua batu paramata nisikkoki siagang bulaeng.

KALAPPASSANG 39:13 ပူးပေါင်းရင်းမြစ်များ

PA'JARIANG 2:12

Anjoreng nia' bulaeng ti'no' kammayatompa bau'-baukang susaya nigappa, siagang batu-batu paramata.

1 PATTOTTORANG 29:2

Bahang-bahanna anjo ballaka siagang sikamma pakkakasa'na le'ba'mi kupasadia situru' pakkulleku. Le'ba'ma' appasadia bulaeng, pera', parunggu, bassi, kayu, batu-batu ka'jalaka ballinna, batu-batu paramata, batu-batu sangka' rupaya warnana untu' pa'belo-belo, siagang sanna' jaina batu accilaka.

KALAPPASSANG 28:9

Angngalleko rua batu delima. A'boyako tukang bulaeng cara'deka, untu' angngukiriki mae ri anjo batua areng-arenna sampuloa anrua ana'na Yakub situru' atoro'na umuru'na, ta'annang areng ri tasse'rea batu. Nampa anjo ruaya batu paramata musti nipatabai lalang ri les bulaenga siagang nipanjoreng ri otere' salangganna efodka, a'jari pammatei siagang pappiu'rangi mae ri sampuloa anrua suku Israel. Kammaminjo carana Harun angngerangi arenna ke'nanga ri salangganna, sa'genna iNakke, Batara, tuli Kuu'rangi ke'nanga.

KALAPPASSANG 39:12

Ri barrisi' makatallua iamintu batu paramata lasuardi, batu aki' siagang batu kacubung.

KALAPPASSANG 39:14

Ri tunggala' batu paramataya anjo niukiriki arenna kalase'renna sampuloa anrua ana'na Yakub a'jari pammatei pangngu'rangi mae ri suku-suku Israel.

KELONG MALA'BIRI' 5:14

Limanna ga'gai, accincing bulaeng siagang paramata, kalenna rapangi gading nisapu ri batu accilla'.

YEHEZKIEL 1:16

Anjo appaka roda sangkamma kabusuki siagang accillaki sangkamma batu paramata, kammayatompa massing nia' pole se're roda maraenna iamintu tappalanga ri tangnga-tangngana.

PAPPICINI' 21:20

pundasi makalimaya battu ri batu baiduri sepa, makaannanga battu ri batu dalima, pundasi makatujua battu ri batu ratna campaka, pundasi makasagantujua battu ri batu pirusu', pundasi makasalapanga battu ri batu topasa', pundasi makasampuloa battu ri batu karisoparasa', pundasi makasampuloa asse're battu ri batu lasuardi, siagang pundasi makasampuloa anrua battu ri batu kacubung.