KALAPPASSANG 38:26 - KITTA' MATANGKASA'

²⁶ Anjo jaina sangkammai jaina siagang apa nabayaraka sikontu tau le'baka nitulisi' arenna ri wattunna nigaukang anjo pammilangnganga. Tunggala' taua a'bayaraki situru' anggarang le'baka nipattantu, nitimbanga situru' timbangang niaka nipake anjo wattua. Ri wattunna nibilang taua nia' 603.550 jaina tu bura'ne umuru' ruampulo taunga na rateanna.

KALAPPASSANG 38:26 ပူးပေါင်းရင်းမြစ်များ

KALAPPASSANG 12:37

A'lampami tu Israel a'jappa bangkeng battu ri kota Raamses mange ri kota Sukot. Ia jaina ke'nanga iamintu 600.000 tau, tanirekengapi bai'-bainea siagang ana'-anaka.

KALAPPASSANG 30:12

“Ri wattunna nibilang bansa Israel, tunggala' tu bura'nea musti a'bayaraki mae ri Nakke, iamintu doe' pappasulu' untu' kalenna sollanna tena natujui bala ri wattunna nibilang ke'nanga.

KALAPPASSANG 30:13

Tunggala' tau amminawanga nibilang lalang anjo pammilangnganga, musti a'bayaraki situru' anggaranna doeka ri KemaKu, untu' a'jari sumbangang nisa'laka untu' iNakke.

KALAPPASSANG 38:27

Battu ri anjo peraka, nia' 3.400 kilo battala'na nipake untu' appare' sibilangngang pallanggana siagang pa'lapa'na benteng KemaNa Batara siagang kaeng pintuna. Tunggala' pallanggaya nia' 34 kilo battala'na.

PAMMILANGNGANG 1:2

“Ikau siagang Harun musti nubilangi sikontu umma' Israel situru' golongang bijanna siagang massing kaluargana. Pareki dattara' areng-arenna sikontu tu bura'nea,

PAMMILANGNGANG 1:3

umuru' ruampulo taunga na rateanganna, ia akkullea a'jari tantara. Musti nidattaraki ke'nanga situru' massing pasukanna ke'nanga.

PAMMILANGNGANG 2:32

Yangasenna tu Israel niaka nidattara' lalang ri kasatuang-kasatuang situru' massing-massing pasukanga, iamintu 603.550 jaina tau.

PAMMILANGNGANG 26:2

“Musti nubilangi sikontu umma' Israel situru' massing kaluargana. Sikontu tu bura'ne umuru' ruampulo taunga sa'genna rateanganna, akkullea a'jari tantara, musti nicata' ngasengi arenna.”

PAMMILANGNGANG 26:51

Sikontu tu bura'ne niaka ri Israel iamintu 601.730 tau jaina.

MATIUS 17:24

Ri wattunna battu Isa siagang ana'-ana' gurunNa mange ri Kapernaum, battumi pasingara' simaya ri Balla'Na Batara ri Petrus angkana, “A'bayara' tonji sima gurunnu yareka tena?”