KALAPPASSANG 38:21 - KITTA' MATANGKASA'

²¹ Iaminne dattara'na sikamma apa-apa niaka nipake lalang ri KemaNa Batara, siagang pammantanganna ruaya batu nipannulisi siagang Sampulo ParentaNa Allata'ala. Anjo dattaraka nipareki lanri parentana Musa, siagang nisusunga ri sikamma tu Lewi anjamaya nipimping ri Itamar, ana'na Imang Harun.

KALAPPASSANG 38:21 ပူးပေါင်းရင်းမြစ်များ

1 PATTOTTORANG 6:3

Amram nia' rua ana'na bura'ne, iamintu: Harun siagang Musa, siagang sitau baine, iamintu niarenga Miryam. Harun nia' appa' ana'na bura'ne, iamintu: Nadab, Abihu, Eleazar, siagang Itamar.

2 PATTOTTORANG 24:6

Lanri kammana anjo nakio'mi Imang Yoyada pamimpinna ke'nanga, nampa akkuta'nang Yoas angkana, “Sai anjo Musa atanNa Batara le'ba' nasuroi ra'yaka a'bayara' sima untu' angngongkosi KemaNa Batara? Kamma-kamma anne apa saba'na natena kipakkaro-karoi tu Lewia untu' ampasse'rei sima battua ri ra'ya' Yehuda siagang Yerusalem?” (

AYUB 11:4

Turu' ri panggappanu, tena nasala anjo kana-kanannu; turu' ri pikkirannu, tangkasakko ri dallekanNa Allata'ala.

AYUB 22:23

Pakatunami pa'mai'nu, ammotere' mako mae ri Batara, pammarimi kaja'dallanga ri balla'nu.

AYUB 26:1

Mingka appialimi Ayub angkana, “Tamaka cara'de'nu assare pannulung ri nakke tau lammaya siagang posoa!

PAMMUJI 15:1

Pammujina Daud. O, Batara, inai akkulle annompang ri KemaTa siagang ammantang ri bulu' matangkasatTa.

KALAPPASSANG 25:16

Nampa musti nupadongkoki lalang ri anjo pattia anjo ruaya batu niaka tattulisi' lalang sikamma parenta Kupassareanga mae ri kau.

KALAPPASSANG 26:33

Boliki anjo kaenga irawa ri jijiri'na pakkaika ri pattongko'na Kemaya. Ri bokona anjo kaenga musti nipadongkoki anjo Patti Parjanjiang niaka bonena lalang anjo ruaya batu. Anjo kaenga ansimbangi Kamara' Matangkasaka battu ri Kamara' Kaminang Matangkasaka.

KALAPPASSANG 38:20

mingka sikamma patto'-patto' untu' Kemaya siagang untu' kalli'na battu ri tambaga nipare'.

KALAPPASSANG 38:22

Bezaleel ana'na Uri, cucunna Hur battu ri suku Yehuda, ampareki sikontu apa Naparentakanga Batara.

KALAPPASSANG 40:3

Pantamaki anjo Patti Parjanjiang napammantangia anjo Sampuloa Parenta nampa nusarei kaeng passimbang ri dallekanna.

KALAPPASSANG 6:23

Korah nia' tallu ana'na bura'ne, iamintu: Asir, Elkana, siagang Abiasaf. Iaminjo ke'nanga boe-boena golongang kaluargana Korah.

PAMMILANGNGANG 1:50

Suroi ke'nanga angngurusuki KemaKu siagang sikontu pakkakasa'na. Tugasa'na ke'nanga iamintu ampisangi KemaKu siagang pakkakasa'na kammayatompa naurusuki. Musti akkemai ke'nanga ri tammulilina.

PAMMILANGNGANG 1:53

Mingka tu Lewi musti akkemai ri tammulilina KemaKu. Musti najagai ke'nanga sollanna tena tau anrepesi sa'gengKu larro siagang Kuhukkungi umma' Israel.”

PAMMILANGNGANG 10:11

Lalang ri taung makarua ri le'ba'namo nabokoi bansa Israel butta Mesir, ri tanggala' ruampulo bulang rua, nai'mi rammanga battu ri KemaNa Batara.

PAMMILANGNGANG 18:2

Bija pammanakannu, suku Lewi, musti nupapinawangi a'jari lalang nugaukanna tugasa'nu siagang tugasa'na sikamma ana'nu.

PAMMILANGNGANG 24:5

Tamaka ga'gana kema-kemanu he Yakub, siagang tampa'-tampa' pammantangannu, he Israel!

PAMMILANGNGANG 9:15

Ri allo nipaentenna KemaNa Batara, battumi rammanga nampa narangka' anjo Kemaya. Ri wattunna bangngi sa'genna bari'basa' anjo rammanga kammai pepe' nicini'.

MATIUS 17:4

Nakanamo Petrus ri Isa, “Baji' sikali nikasia' ammantanga anrinni. Punna Kingai, Batara, erokka' appare' tallu balla' pammantangang anrinni: se're pammantanganTa, se're pammantanganna Musa, na se're pammantanganna Elia.”

LAMPA-LAMPANA 7:44

Balla' pammantanganNa Allata'ala ri wattunna battu mae ri rupataua niaki ri boe-boeta ri parang lompoa. Anjo pa'balla'-ballakanga nipareki situru' parentaNa Allata'ala mae ri Musa, siagang situruki panrala' le'baka Napappicinikang Allata'ala mae ri Musa.

2 KORINTUS 5:1

Nasaba' naassemmi ikambe angkanaya punna nibongkara' anne balla' nipammantangia ri lino, iamintu pangngebarranna tubuta, le'ba' memammi Napasadia Allata'ala balla' niaka ri suruga; iamintu balla' Napareka KalenNa Allata'ala siagang akkullea attahang sa'genna satunggu-tungguna.

IBRANI 8:2

Ia anggaukangi jama-jamang Imang Lompoa ri Kamara' Kaminang Matangkasaka, iamintu ilalang KemaNa Batara sitojennaya, Napaentenga Batara, jari teai rupataua ampaentengi.

IBRANI 9:11

Mingka nia'mi battu Almasi a'jari Imang Lompo ri yangasenna passala' kabajikang niakamo. KemaNa Batara Napammantangia anggaukangi jama-jamanNa salaku Imang Lompo, la'bi lompoangangi siagang la'bi sukkukangangi. Naanjo teai rupataua ampareki; battuanna, teai anne lino nipa'niaka assala'na.

2 PETRUS 1:13

Genteng ri tallasakku ija, paralluko kupakaingakkang yangasenna anjo passalaka.

PAPPICINI' 11:19

Nampa tassungkemo Balla'Na Allata'ala ri suruga, na kacinikammo Patti Parjanjianga ilalang. Nampa nia'mo kila' assisambung-sambung siagang sa'ra gunturu' a'gamarrung siagang a'garumbang, kammayatompa ta'ge'goso'mi buttaya nabosi sannaka sarrona, angngerang es.

PAPPICINI' 15:5

Le'baki anjo kucini'mi tassungke Balla'Na Batara ri suruga; siagang nia'mi lalang KemaNa Batara.

PAPPICINI' 21:3

Nampa nia'mo kulangngere' sa'ra lompo akkio' battu ri anjo empoang kala'biranga angkana, “Kamma-kamma anne nia'mi pammantanganNa Allata'ala ri tangnga-tangngana pammantanganna rupataua! Lattallasa'mi siagang ke'nanga, siagang la'jarimi ke'nanga umma'Na. KalenNa Allata'ala lania' ri tangnga-tangngana ke'nanga siagang la'jari Allata'ala mae ri ke'nanga.