KALAPPASSANG 38:1 - KITTA' MATANGKASA'

¹ Angngallei Bezaleel kayu akasia, nampa appare' tampa' pakkoro'bangngang untu' koro'bang nitunua. Anjo tampa' pakkoro'bangnganga appasagi pare'na; la'buna siagang sangkara'na massing-massing 2,2 metere', siagang tinggina 1,3 metere'.

KALAPPASSANG 38:1 ပူးပေါင်းရင်းမြစ်များ

2 PATTOTTORANG 1:5

Tampa' pakkoro'bangngang tambaga napareka Bezaleel ana'na Uri, cucunna Hur, nia' tongi ri Gibeon, ri dallekanna KemaNa Batara. Karaeng Salomo siagang sikontu ra'yaka anynyombami ri Batara anjoreng.

2 PATTOTTORANG 4:1

Assuro pareki Karaeng Salomo se're tampa' pakkoro'bangngang tambaga, la'buna siagang sangkara'na massing-massing 9 metere', siagang tinggina 4,5 metere'.

KALAPPASSANG 25:5

kukkulu' gimbala' laki nikasumba ejaya, kukkulu' alusu', kayu akasia,

KALAPPASSANG 30:17

Nakana Batara ri Musa,

KALAPPASSANG 31:9

tampa' koro'bang nitunua siagang sikontu pakkakasa'na, ba' je'ne' siagang dapara'na,

KALAPPASSANG 38:2

Ri tunggala' panyingkulu' bageang ratena nipareki tanru' assiallea siagang anjo tampa' pakkoro'bangnganga. Yangasenna nilapisi siagang tambaga.

KALAPPASSANG 40:29

nampa ri dallekanna pakke'buka napadongko'mi tampa' pakkoro'bangngang untu' koro'bang nitunua. Irate ri anjo tampa' pakkoro'bangnganga napassareammi koro'bang nitunua siagang koro'bang pappatalaya.

KALAPPASSANG 40:6

Boliki tampa' pakkoro'bangngang untu' koro'bang nitunua ri dallekang pakke'bu'na Kemaya.

YOHANES 6:37

Sikamma tau Napassareanga Manggea mae ri Nakke, labattui mae ri Nakke. Manna inai tena nalaKusorongboko punna battui mae ri Nakke.

ROMA 12:1

Sikamma sari'battangku! Sanna' baji'Na Allata'ala mae ri katte. Iaminjo saba'na nakupala' dudu ri kau ngaseng sollanna nupassareang sikontu batangkalennu a'jari koro'bang attallasa', siagang matangkasaka, kammayatompa nikarannuanga ri atinNa Allata'ala. Mustina kammaminjo caranu anynyomba mae ri Allata'ala.

IBRANI 13:10

Ikatte nia' tampa' pakkorobangnganta untu' assare koro'bang mae ri Allata'ala. Na anjo imang-imang allayania lalang ri KemaNa Batara, tena ha'na angkanrei anjo koro'bang niaka irate ri anjo tampa' koro'banga.

IBRANI 13:8

Tuli kammana Isa Almasi, baji' na riolo, kamma-kamma anne, siagang sa'genna satunggu-tungguna.

IBRANI 3:1

Sikamma sari'battangku, parangku tu Karisteng, nikioka tommo ri Allata'ala! Alle sai pikkiri' baji'-baji' anne ri sesena Isa! Nisuromi ri Allata'ala untu' a'jari Imang Malompo lalang ri agamata.

IBRANI 9:14

la'biangampa pole cera'Na Almasi. Tete ri Roh mannannunganga, Napassareammi KalenNa Almasi mae ri Allata'ala a'jari koro'bang sukkuka baji'na. Cera'Na antangkasi ati mailalanta battu ri upacara agama tenaya matu-matunna sollanta akkulle a'jari palayang mae ri Allata'ala mattallasaka.

1 PETRUS 2:5

Ikau sanrapang ngasengko batu-batu mattallasaka. Lanri kammana paralluko ampassareangi kalennu untu' nipake ambangung Balla' rohaniNa Allata'ala. Lalang kammana anjo a'jari mako imang-imang mae ri Allata'ala lalang ri katallassannu; siagang tete ri Isa Almasi angngerang mako koro'bang rohani mae ri Allata'ala, iamintu koro'bang nitarima bajika ri atinNa Allata'ala.

PAPPICINI' 21:16

Anjo kotaya appasagi appaki; sangkammai la'buna siagang sangkara'na. Naukkuru'mi anjo malaekaka anjo kotaya, siagang takkang pangngukkuru'na; a'nassami angkanaya 2400 kilometere' la'buna, sangkara'na siagang tinggina sangkammaji la'buna.