KALAPPASSANG 37:9 - KITTA' MATANGKASA'

⁹ nampa nipasidallekang, takka'rang ka'nyi'na antongkoki anjo pa'rangka'na pattia.

KALAPPASSANG 37:9 ပူးပေါင်းရင်းမြစ်များ

PA'JARIANG 28:12

Nampa asso'namo lalang tinrona. Nia' nacini' tuka' ammenteng ri buttaya nampa cappa'na ta'rapiki ri langika. Siagang nia'mo malaeka' nai'-naung ri anjo tukaka.

PA'JARIANG 3:24

Nampa irayanganna anjo kokoa, ri dallekanna pakke'bu antamaya, nia'mo sipa'rappungang malaeka' pajaga, siagang nia'mo se're pa'dang a'rinraya pepe'na, amminroa ri kere-keremae, anjagai agang mangea ri anjo poko' assarea katallassang. Jari tenamo manna sitau akkulle antama' siagang a'reppese' anjoreng ri anjo pokoka.

1 KARAENG-KARAENG 6:27

Anjo ruaya patung niboliki a'remba lalang ri anjo Kamara' Kaminang Matangkasaka, siali ka'nyi'na anjo massing patunga naberoi rinringa, nampa massing ka'nyi'na sialia assiberoi ri tangnga-tangngana anjo kamaraka.

KALAPPASSANG 25:20

siagang musti nipasidallekangi na takka'rang ka'nyi'na irateanna anjo pattia.

KALAPPASSANG 37:10

Appareki Bezaleel mejang battu ri kayu akasia; la'buna 88 sentimetere', sangkara'na 44 sentimetere' siagang tinggina 66 sentimetere'.

KALAPPASSANG 37:8

tasse'rei ri massing cappa'na anjo pa'rangkaka. Anjo ruaya malaeka' akka'nyi' nipasiallei siagang pa'rangka'na anjo pattia,

YESAYA 6:2

Ri tammuliliNa nia' malaeka' ammenteng kamma pepe' a'rinraya, massing ta'annang ka'nyi'na. Rua ka'nyi'na antongkoki rupanna, rua antongkoki kalenna, na rua ka'nyi'na maraenga untu' anri'ba'.

YOHANES 1:51

Nakanamo pole Isa, “Tappa' mako, angkanaya sitojeng-tojenna lanuciniki tassungke langika, siagang lanai'-naungi malaeka'-malaekaka ri Ana' Ma'rupataua.”

2 KORINTUS 3:18

Kamma-kamma anne tenamo nanitongkoki bongong rupanta. Sanrapang maki' tau angngeranga caya malompoNa Batara Isa. Na lanri kammana minjo nakituli pila' nipinramo a'jari sangkamma KalenNa; pila' sallo pila' accaya maki'. Anjo caya malompoa, caya battu ri RohNa Batara.

EFESUS 3:10

PattujunNa Allata'ala iamintu sollanna tete ri jama'aka kamma-kamma anne, akkullemi naasseng sikontu tau anna'galaka koasa ri lino, antekamma pangngassenganNa Allata'ala ilalang sikontu apa Nagaukanga.

FILIPI 3:8

Teai sikammaya anjo bawang; mingka yangaseng-ngasenna kucini' a'jari karugiang ngaseng mami. Ia niaka ri nakke kamma-kamma anne lompoangangi anggaranna: iamintu kuassemmi Isa Almasi, Bataraku. Nasaba' Almasi, kubokoi ngasemmi anjo yangaseng-ngasenna. Yangasenna anjo kucini' loro mami, sollanna akkulle kugappa Almasi,

1 TIMOTIUS 3:16

Tena manna sitau akkulle ansassali, antekamma lompona rahasiana agamata, angkanaya: Napa'nyatai KalenNa lalang tubuna rupataua, na nipa'nyata katojenganNa ri RohNa Allata'ala siagang nicini' ri sikamma malaekaka. Nipakkiokkammi birittana mae ri sikamma bansa-bansaya, na nipatappa' ri sikontu linoa siagang niangka' nai' ri suruga.

IBRANI 1:14

Jari punna kamma, apai sikontutojenna anjo malaeka'-malaekaka? Anjo ke'nanga, iamintu roh-roh allayaniai Allata'ala, siagang nisuroa ri Allata'ala antulungi sikontu tau lannarimaya kasalamakkang.

1 PETRUS 1:12

Napaumi Allata'ala mae ri anjo na'bi-na'bia angkanaya anjo apa nagaukanga ke'nanga teai untu' kaparalluang kalenna ke'nanga, passangalinna untu' kaparalluannu; iamintu apa-apa singarakamo nulangngere'na kamma-kamma anne battu ri sikamma tau ambirittakangai anjo Kabara' Baji' ri passala'na Isa Almasi. Napabattumi ke'nanga anjo kabaraka mae ri kau ngaseng lalang koasaNa RohNa Allata'ala, nikiringa battu ri suruga. Ba'lalo manna sikamma malaekaka ero' tongi angngassengi anjo kabara' nabirittakanga ke'nanga.